ភ្នំពេញៈ បណ្តាទីក្រុងទាំង៥ប្រទេសនៃអនុតំបន់មេគង្គក្រោមផ្តើមផែនការដើម្បីប្រែក្លាយតំបន់នេះ ជាតំបន់គោលដៅទេសចរណ៍រួមមួយដែលធានាបានផលប្រយោជន៍ទាំងអស់គ្នាក្នុងកិច្ចប្រជុំមន្ត្រីជាន់ខ្ពស់ទីក្រុងទេសចរណ៍នៃអនុតំបន់មេគង្គក្រោមដែលរាជធានីភ្នំ ពេញធ្វើជាម្ចាស់ផ្ទះនៅព្រឹកថ្ងៃទី១៦ ខែកុម្ភៈនេះ លោកតាំង សុចិត្រគ្រឹស្នា ប្រធានមន្ទីរទេស ចរណ៍រាជធានីភ្នំពេញបានបញ្ជាក់ថា គម្រោងប្រែក្លាយទីក្រុងទាំង៥ប្រទេសនៃអនុតំបន់មេគង្គ ក្រោមក្លាយជាតំបន់ទេសចរណ៍រួមប្រកបដោយភាពទាក់ទាញ់សម្រាប់ក្នុងតំបន់នេះ គឺជាគំនិតផ្តួចផ្តើមដំបូងរបស់រាជធានីភ្នំពេញ ដើម្បីអោយពិភពលោកកាន់តែស្គាល់ពីសក្តានុពល ទេសចរណ៍ដ៏សំបូរបែប។
លោកបានបន្ថែមថា ដើម្បីឈានទៅសម្រេចបានតាមផែនការនេះមន្ត្រីជំនាញនៃទីក្រុងរបស់ ប្រទេសទាំង៥បានរួមគ្នាពិភាក្សាផ្តោតលើបញ្ហា៤សំខាន់ ការផ្សព្វផ្សាយកញ្ចប់សេវាទេសចរ ណ៍ ការតភ្ជាប់កញ្ចប់ទេសចរណ៍នៃតំបន់ទីក្រុងទាំង៥ ការពង្រឹងធនធានមនុស្ស និងយន្តការ អនុវត្ត។ លោកថា បន្ទាប់ពីស្វែងរកបញ្ហាប្រឈមនិងបង្កើតយន្តការដោះស្រាយហើយនោះ សមាជិកនៃទីក្រុងទាំង៥នឹងបង្កើតអោយមានសេចក្តីថ្លែងការរួមមួយដើម្បីឈានទៅអនុមត័ ក្នុងកិច្ចប្រជុំកំពូលលើកទី4អភិបាលក្រុងទេសចរណ៍តំបន់មេគង្គក្រោមនាដើមខែមិថុនា ឆ្នាំ2016 ដោយគ្រោងនិងមានការចូលរួមពីវិស័យទេសចរណ៍ឯកផងដែរ។
គំនិតផ្តួចផ្តើម នេះមានសារៈសំខាន់ណាស់ដើម្បីអោយភ្ញៀវទេសចរណ៍អាចធ្វើដំណើរកំសានតាមដងទន្លេ មេង្គបានយល់ដឹងពីភូមិសាស្ត្រវប្បធម៌ព្រមទាំងបង្កើតចំណូលជូនប្រជាពលរដ្ឋ។ សូមរំលឹកថា កាលពីឆ្នាំ2014កន្លងទៅកិច្ចប្រជុំកំពូលលើកទី 3អភិបាលក្រុងទេសចរណ៍តំបន់មេគង្គក្រោមបានប្រារព្វធ្វើឡើងនៅទីក្រុងបាងកកប្រទេសថៃ ខណៈដែលកាលពីលើក ទី1 និងទី2 ធ្វើនៅទីក្រុងហូជីមិញ ប្រទេសវៀតណាម។
យោងតាមរបាយការណ៍កាលពីឆ្នាំ២០១៥ រាជធានីភ្នំពេញទទួលបានភ្ញៀវទេសចរណ៍អន្តរ ជាតិជាង៣លាន៣សែននាក់ ក្នុងនោះតាមព្រលានយន្តហោះអន្តរជាតិភ្នំពេញទទួលបាន ជាង១លានក់ និងតាមផ្លូវគោកមានចំនួនជាង២លាននាក់។