កំពង់ធំៈ ទីផ្សារឪឡឹកកំពុងតែត្រូវប៉ាន ខណៈពេលដែលប្រជាកសិករ កំពុងតែមមាញឹកប្រមូលផលឪឡឹក ពីចំការ និងទីផ្សារឪឡឹកកំពុងតែមានឈ្មួញកណ្តាល ចុះមកម៉ៅទិញទាំងចំការ ធ្វើឲ្យប្រជាពលរដ្ឋ ដែលធ្លាប់ខាងក្រោមផ្លូវជាតិលេខ៦ មានឃុំ ស្រឡៅ និងឃុំទ្រាល ស្រុកបារាយណ៍ ខេត្តកំពង់ធំ នាំគ្នាដាំដំណាំ ឪឡឹកបន្ថែមពីការដាំស្រូវប្រាំង។
លោកឡុញ ស៊ុយ ជាម្ចាស់ចំការឪឡឹកបាន ឲ្យដឹងនៅថ្ងៃទី១៦កុម្ភះឆ្នាំ២០១៦ កន្លងមកលោកធ្លាប់តែដាំ ស្រូវប្រាំង តែដោយសារឆ្នាំនេះមានផលប៉ះពាល់ និងគ្រោះធម្មជាតិ ខ្វះខាតទឹកធ្វើស្រែ ទើបលោក បានសាក ល្បងដាំឪឡឹក ១៧ ហិចតា ខណៈពេលដែលោក ធ្លាប់មានបទពិសោធន៍ក្នុងការដាំដំណាំឪឡឹកនេះ ហើយ ក៏បានប្រមូល៧ហិចតានេះ ដែលទិន្នផលក្នុងការប្រមូលផលបានជោគជ័យ ដែលក្នុងមួយហិចតា អាចបេះ ឪឡឹកបានលើទៅ ៤ រថយន្ត២តោនកន្លះ អាចលក់បានក្នុងមួយរថយន្តបានថវិកា៣៨០០០០០ សរុបទៅ ក្នុងមួយហិចតាលក់បានជាង១៥លានរៀល លោកបានបន្តថា ដំណាំឪឡឹកឆាប់ស្ទុះមានផ្លែធំល្អ តាមតម្រូវការទីផ្សារ ហើយការដាំឪឡឹកនេះត្រូវប្រើពេលជិត២ខែទើបឪឡឹកទុំល្អ ហើយនៅក្នុងរដូវប្រាំងនេះគេអាចដាំឪឡឹកបានចំនួនបីដងដោយចាប់ផ្តើមដាំលើកទី១នៅដើមវិច្ឆិការហូតដល់ជិតពាក់កណ្តាលខែកុម្ភះទើបឪឡឹកទុំ លើកទី២ចាប់ពីពាក់កណ្តាលខែកុម្ភះរហូតដល់ចុងខែមេសា និងលើកទី៣ពីចុងខែមេសា!ដល់ពាក់កណ្តាលខែមិថុនា។
លោក ឆាយ ចាន់ឡេង ជាឈ្មួញកណ្តាល ដែលបានមកទិញឪឡឹកយកទៅលក់នៅទីផ្សារ លោកបានបញ្ជា្កក់ថា ផ្លែឪឡឹកជាផ្លែឈើដែលប្រជាពលរដ្ឋខ្មែរចូលចិត្តពិសារ មិនថាក្នុងពីធីបុណ្យផ្សេងៗ ឬជាផ្លែឈើ ដែលអាចហូបបន្ទាប់បន្សំជាមួយនិងម្ហូប ដូច្នេះផ្លែរឪឡឹកឆ្នាំនេះលក់បានថ្លៃ ទាំងលក់នៅក្នុងទីផ្សារក្នុង ប្រទេស និងនាំចេញទៅប្រទេសជិតខាង ក្នុងមួយផ្លែរអាចលក់បានដល់ទៅ ៣០០០រៀលទៅ៣៥០០រៀល ហើយអាចរកចំណូលបានល្អ ។
លោក តែ គឹមថេង ជាអជីវករផ្សារំលោង បានឲ្យដឹងថា គាត់មានមុខរបរជាអ្នកលក់ជី សម្រាប់ដាំដំណាំ ស្រូវ និងជីសម្រាប់ដាំឪឡឹក ដោយយល់ឃើញថា ប្រជាពលរដ្ឋ បាននាំគ្នាសរុកដាំឪឡឹកជាច្រើន ធ្វើឲ្យទិន្នផល ការលក់ជីសម្រាប់ដាំឪឡឹកមានសន្ទុះយ៉ាងខ្លាំងនៅក្នុងទីផ្សា ក្នុងនោះលោកក៏បានដាំឪឡឹកសាកល្បង ១៥ហិចតាផងដែរ ក្រៅពីធ្វើសស្រែប្រាំង ដោយសារតែការធ្វើស្រែប្រាំងមានតំលៃថោក ។
១ សូមស្តាប់បទសម្ភាសជាមួយលោក ឡុញ ស៊ុញ ជាកសិករដាំឪឡឹក ។
ដោយ ប៊ុន រដ្ឋា
