បន្ទាយមានជ័យ:ការបើកស្ថាបនាផ្លូវរថភ្លើង និងស្ថានីយ៍ តភ្ជាប់កម្ពុជា-ថៃ ត្រង់ចំនុចច្រកទ្វាព្រំដែនអត្តរជាតិប៉ោយប៉ែត ខេត្តបន្ទាយមានជ័យ-ស្រះកែវ ទោះបីបើត្រូវប៉ះពាល់ សំណង់ឯកជន ក្រុមហ៊ុន និងស្ថាប័ណរដ្ឋយ៉ាងណានោះ តែក្រុមអន្តរក្រសួងនៅតែរររបន្តធ្វើតាមគោលការកំណត់របស់រាជរដ្ឋាភិបាល។
យ៉ាងណាមិញ ទីតាំងបំពេញបែបបទចេញក្រៅប្រទេស របស់នគរបាលអន្តោប្រវេសន៍ ដែលពីមុនសាងសង់លើ ចំនុចផ្លូវរថភ្លើងនេះក៍ត្រូវបានរុះរើផ្លាស់ទីតាំង អោយផុតពីការដ្ឋានសាងសង់ តែទីតាំងថ្មីមានទំហំ ១១ម៉ែត្រគុណនិង ២១ម៉ែត្រ មានសភាពធំទូលាយជាងមុន ហើយត្រូវបន្ថែម កង្ហារ និងម៉ាស៉ីនត្រជាក់ក្នុងទីតាំងនេះ ដែលអាចអោយភ្ញៀវរងចាំរហូតដល់ជិត១០០នាក់ មន្ត្រីថាអាចបំពេញការងារបានដោយរលូន មិនបណ្ដាលអោយភ្ញៀវទសចរណ៍ជាតិ អត្តរជាតិមានការកកស្ទះនោះទេ។
លោកវរះសេនីយ៍ ស៊ឹម សំអាត ប្រធានប៉ុស្ដិ៍នគរបាលអន្តោរប្រវេសន៍ច្រទ្វាព្រំដែនអត្តរជាតិប៉ោយប៉ែតប្រាប់ថា: ទទួលការណែនាំពីសម្ដេចក្រហោម ស ខេង និងមានការចង្អុលបង្ហាញពី ឯកឧត្ដមនាយឧត្ដមសេនីយសុខ ផលអគ្គនាយកដ្ឋានអន្តោប្រវេសន៍ម ដើម្បីសំរួលការស្ថាបនាផ្លូវរថភ្លើងភ្ជាប់កម្ពុជា-ថៃ អោយទៅតាមគោលការកំណត់របស់អន្តរក្រសួងនិងរាជរដ្ឋាភិបាល លោកនិងមន្ត្រី បានរុះរើសំណង់បំពេញ បែបបទចេញក្រៅប្រទេស របស់នគរបាលអន្តោប្រវេសន៍ចាស់ ហើយសាង់សំណង់ថ្មីរួចរាល់ហើយដែរ ហើយសំណង់ថ្មី មានទំហំធំទូលាយជាង សំណង់ចាស់ ចំពោះការបំពេញបែបបទចេញក្រៅប្រទេសជូនភ្ញៀវជាតិ និងអត្តរជាតិ ដែលមកពីទស្សនាកំសាន្តនៅព្រះរាជជាណាចកម្ពុជា។
លោកវរះសេនីយ៍ ស៊ឹម សំអាត បន្តប្រាប់ថា: មន្ត្រីបានបង្កើនការងាររបស់ ធ្វើយ៉ាងណាបំពេញបែបបទចេញក្រៅប្រទេស សំរួលចរាចរណ៍ រក្សារសន្តិសុខ សុវត្តិភាព ជូនភ្ញៀវជាតិ-អន្តរជាតិទៅតាមការណែ នាំរបស់ក្រសួង ស្របតាមកំណែទម្រង់របស់រាជរដ្ឋាភិបាល៕
ប្រជាពលរដ្ឋ បានសំណូមពរ ឲ្យសម្តេច ក្រឡាហោម សរ ខេង និងឯកឧត្តម អភិបាលខេត្ត បន្ទាយមានជ័យ រួមទាំងលោក វរះសេនីយ៍ ស៊ឹម សំអាត បញ្ឈប់ការទារលុយ ពីប្រជាពលរដ្ឋខ្មែរ ដែលបានធ្វើដំណើរឆ្លងកាត់ ច្រកទ្វារអន្តរជាតិ ប៉ោយប៉ែត ដោយសារតែ បច្ចុប្បន្នមន្រ្តីអ្នកវាយប៉ាស្ព័រ បានកំណត់ឲ្យប្រជាពលរដ្ឋខ្មែរ បង់លុយក្នុងប៉ាស្ព័រមួយ ១០០បាត ដែលជា ហេតុ ធ្វើឲ្យមានការងឿងឆ្ងល់ថា នៅខាងថៃសមត្ថកិច្ចវាយប៉ាស្ព័រ ពុំបានទារលុយដូចខាងខ្មែរនោះទេ ហើយការកំណត់ឲ្យបង់លុយក្នុងការវាយប៉ាស្ព័រនេះ ជាច្បាប់កំណត់ ឬក៏ជាការឃុបឃិត ប្រមូលលុយពីប្រជាពលរដ្ឋ ដើម្បីចែកគ្នាដាក់ហោប៉ៅ ។
ដោយ:ឃិន គន្ធា
