ខ្សែបម្រើក្លិបមេឃខៀវ Manchester City កីឡាករ Fernandinho (ហ្វើណានឌីញ៉ូ) បាននិយាយថា រូបគេពិតជារីករាយបន្ទាប់ពីក្រុមជម្រើសជាតិប្រេស៊ីលកោះហៅរូបគេឲ្យចូលលេងក្នុងការប្រកួតមិត្តភាពជាមួយអាហ្វ្រិកខាងត្បូងនៅថ្ងៃទី៥ខែក្រោយនេះ ។ Fernandinho ប្រាប់អ្នកសារព័ត៌មានថា “បន្ទាប់ពីត្រឡប់មកពីធ្វើការវឹកហាត់ជាមួយ Manchester City វិញក្រុមគ្រូបង្វឹករបស់សាំបាប្រេស៊ីលបានទូរស័ព្ទមកខ្ញុំហើយវាជាដំណឹងល្អបំផុតដែលខ្ញុំបានជាប់ក្នុងក្រុមជម្រើសជាតិ” ។
Fernandinho បន្តទៀតថា “វាជាការប្រកួតប្រជែងដ៏ធំសម្រាប់ខ្ញុំហើយវាជាឱកាសរបស់ខ្ញុំដើម្បីបង្ហាញនូវអ្វីដែលអាចធ្វើបាន ខ្ញុំនឹងធ្វើឲ្យបានល្អបំផុតដើម្បីឲ្យបានជាប់ជាកីឡាករចុងក្រោយក្នុងការលេង World Cup” ។ គួរបញ្ជាក់ថា កីឡាករ playmaker រូបនេះបានផ្លាស់ពីក្លិប Shakhtar Donetsk (សាកតា ដូណេតស) មកកាន់ Manchester City កាលពីរដូវក្តៅមុនក្នុងតម្លៃពលកម្ម ៣០ លានផោន ៕