កំពង់ធំ= ប្រជាពលរដ្ឋរាប់ពាន់គ្រួសាររស់នៅតាមបណ្ដោយស្ទឹងជីនិតក្បែរផ្សារកំពង់ថ្មក្នុងភូមិកំពង់ថ្មស្រុកសន្ទុក ខេត្តកំពង់ធំ បានធ្វើការរិ:គន់ទៅលើឈ្មោះស៊ួរ អាយុ ៣៧ឆ្នាំ ភេទប្រុស រស់នៅ ភូមិកំពង់ថ្ម ឃុំកំពង់ថ្ម ស្រុកសន្ទុកថា កំពុងធ្វើបង្គន់ជិតមាត់ស្ទឹងជីនិត ជិតរួចរាល់
ហើយ ការសាងសងបែបនេះមិនត្រឹមតែធ្វើអោយខូចបរិស្ថានប៉ុណ្ណោះទេ ថែមទាំងបង្ហូរទឹកអាចម៍ស្អុយចូលស្ទឹងធ្វើអោយទឺកកខ្វក់ប៉ះពាលដល់សុខភាពប្រជាពលរដ្នដែលធ្លាប់ ប្រើប្រាស់អាស្រ័យលើទឹកស្ទឹងនេះអាចបង្កជាជំងឺដង្កាត់ផ្សេងៗទាំងមនុស្សទាំងសត្វ។
ពាក់ព័ន្ធទៅនិងការរឹះគន់របស់ប្រជាពលរដ្ន បានធ្វើអោយការសង្ស័យថាប្រហែលជាអាជ្ញាធរមូលដ្នាន ត្រូវរូវជាមួយនិងម្ចាស់ សំណង់ខុសច្បាប់ទាំងនេះហើយ ទើបសំណង់នេះអាចសាងសងបានយ៉ាងរលូន ដោយពុំទាន់ឃើញមានការហាមឃាតរហូតសំណង់ជិតរួចរាល់ ក្នុងបញ្ហានេះយើងបានធ្វើការទំនាក់ទំនងតាមទូស័ព្ទទៅលោក លុន សាលីន ស្មៀនឃុំកំពង់ថ្ម គាត់បានឆ្លើយថា ចាំខ្ញុំចុះទៅពិនិត្យមើលតែរហូតមកដល់ថ្ងៃទី១៨ខែកុម្ភះនេះនៅតែពុំឃើញចុះទៅពិនិត្យទៀតធ្វើសំណង់កំពុងតែសាងសងបន្ដដដែល បន្ទាប់មកយើងធ្វើការសម្ភាសទៅលោក កាន់សាឡនមេឃុំកំពង់ថ្ម ឆ្លើយថា ខ្ញុំទើបទទួលបានពត័មាននេះដូច្នេះចាំលោកសួរទៅលោកមេភូមិសិន ។
ប្រជាពលរដ្ឋសួរថា តើដើម្បីផលប្រយោជន៍បុគ្គលម្នាក់ អាជ្ញាធរមូលដ្ឋានឈរអោបដៃមើលពុំមានការទប់ស្កាត់ព្រោះតែលាភសក្ការះ ទុកអោយប្រជាពលរដ្ន រាប់ពាន់គ្រួសាររងគ្រោះមែនដែរឬទេ? បានជាពុំមានការទប់ស្គាត់ទាល់តែសោះ ក្នុងនោះប្រជាពលរដ្នក៏បានសំណូមពរអោយលោកអភិបាលខេត្ត ជួយទប់ស្កាត់អោយយកលូរស្តុបទឹកអាចម៍ទៅដាក់កន្លែងផ្សេងខុសពីមាត់ ដើម្បីរក្សារបរិស្ថានផង និងរក្សាទឹក រក្សាសុខភាពរបស់ប្រជាពលរដ្នជាចំបង៕ប៊ុន រិទ្ធី
