ឧត្តរមានជ័យ៖ កាលពីវេលាម៉ោង១១និង២៥នាទីថ្ងៃទី១៩ ខែកុម្ភះ ឆ្នាំ២០១៦ លោកអនុសេនីយ៍ទោ ដៀប សារឿន នាយប៉ុស្តិ៍ស្តីទី បានដឹកនាំកម្លាំងចុះទៅកន្លែង កើតហេតុ បន្ទាប់ពី ទទួលបាន ពត៍មានថា មានករណីចែកចាយគ្រឿងញៀន នៅចំណុចតារាងយន្តហោះ ស្ថិននៅក្នុងភូមិអំពិលថ្មី ឃុំអំពិល ស្រុកបន្ទាយអំពិល ខេត្តឧត្តរមានជ័យ នៅពេលនោះ សមត្ថកិច្ច យើងក៏បានឃើញមុខសញ្ញា ហើយក៏ចាប់ឃាត់ខ្លួនជនសង្ស័យ តែម្តងរួមជាមួយវត្ថុតាង ថ្នាំញៀនចំនួន៣គ្រាប់។លោកអនុសេនីយ៍ទោ ដៀប សារឿន នាយនគរបាលប៉ុស្តិ៍ស្តីទី បានឲ្យដឹងទៀតថា.ជនសង្ស័យ ដែលកម្លាំងសមត្ថកិច្ច ចាប់ឃាត់ខ្លួននោះ មានឈ្មោះ ឃុត ធា ភេទប្រុសអាយុ៣០ឆ្នាំ រស់នៅភូមិអំពិលចាស់ ឃុំអំពិល ស្រុកបន្ទាយអំពិល ខេត្តឧត្តរ
មានជ័យ និងដកហូតថ្នាំញៀន ប្រភេទមេតាំហ្វេតាមីន(wy)ចំនួន៣គ្រាប់។សមត្ថកិច្ចប៉លិស បានបន្តទៀតថា ករណីនេះ កម្លាំងជំនាញយើង កំពុងកសាងសំណុំរឿងបញ្ជូនជនសង្ស័យរួមជាមួយវត្ថុតាង ទៅស្នងការដ្ឋាននគរបាលខេត្តឧត្តរមានជ័យ ដើម្បីចាត់ការតាមផ្លូវច្បាប់៕
