( រូបភាពវីដេអូ) ប្រទេសចិនបានប្រកាសបរិហាររិះ គន់អាមេរិកប្រឆាំងនឹងការចោទប្រកាន់ មន្ដ្រីយោធាចិន៥រូបពីបទលួចតាម ប្រព័ន្ធអ៊ីនធើណេត។ ទីក្រុងប៉េកាំងបាន និយាយថា ខ្លួនមិនដែលបានចូលរួម ឬចូលរួមការលួចតាមប្រព័ន្ធអ៊ីនធើ ណេតដូចការចោទប្រកាន់នោះទេ និងថា ការចោទប្រកាន់នេះនឹងធ្វើឱ្យល្អក់កករ ដល់កិច្ចសហប្រតិបត្ដិការរវាងប្រទេស ទាំងពីរ ។ នៅមុននេះបន្ដិច អគ្គរដ្ឋអាជ្ញាអាមេ រិក លោកEric Holder បានថ្លែងថា ការលួចតាមប្រព័ន្ធអ៊ិនធើណេតរបស់ មន្ដ្រីយោធាចិននេះជាសកម្មភាព បំពាន់យ៉ាងធ្ងន់ ។
ព្រះរាជអាជ្ញាអាមេរិក បានបញ្ជាក់ថា មន្ដ្រីយោធាចិនទាំងនេះ បានលួចឯកសារផ្ទៃក្នុង និងការណ៍សម្ងាត់ របស់ក្រុមហ៊ុនចំនួន៥ ព្រមទាំងលួច ចេញពីសហព័ន្ធពលកម្មផងដែរ។ ប៉ុន្ដែ ក្រសួងការបរទេសអាមេរិកបានច្រាន ចោលការចោទប្រកាន់ទាំងនេះ ហើយ បានជំរុញឱ្យទីក្រុងវ៉ាស៊ីនតោនកែតម្រូវ កំហុសរបស់ខ្លួន ហើយលុបចោលការ ចោទប្រកាន់ទាំងនោះជាសាធារណៈ។
អ្នកនាំពាក្យក្រសួងការបរទេសចិន លោក Qin Gang ស្រង់សម្ដីដោយ ស៊ីនហួមកចុះផ្សាយថា ការចោទប្រកាន់ ខាងលើនេះពុំមានមូលដ្ឋានច្បាស់លាស់ និងស្ថិតនៅក្នុងផែនការអាក្រក់ណាមួយ ផ្សេងវិញយ៉ាងពិតប្រាកដ។ លោកបន្ដថា ប្រទេសចិនបានសម្រេចផ្អាកសកម្មភាព ក្រុមការងារចិន អាមេរិកស្ដីអំពីចោរ កម្មតាមអ៊ិនធើណេតដែលទើបបង្កើត ឡើងកាលពីខែមេសា ឆ្នាំ២០១៤។
លោកQin Gangបានបន្ដថា «ដោយ ពុំស្មោះត្រង់ពីភាគីអាមេរិកនៅក្នុងការ ដោះស្រាយបញ្ហាទាំងឡាយទាក់ទងនឹង សន្ដិសុខតាមប្រព័ន្ធអ៊ិនធើណេតតាម រយៈការពិភាក្សា និងកិច្ចសហប្រតិបត្ដិ ការនោះ ភាគីចិនសម្រេចផ្អាកសកម្ម ភាពក្រុងការងារចិន-អាមេរិកស្ដីអំពី ការលួចតាមប្រព័ន្ធអ៊ិនធើណេត»។ ប្រទេសចិនតែងទទូចថា ចិនខ្លួនឯង នោះទេដែលជាអ្នករងគ្រោះនៅក្នុងការ លួចតាមប្រព័ន្ធអ៊ិនធើណេត, ការលួច ថតសំឡេង និងសកម្មភាពឈ្លបយក ការណ៍ពីអាមេរិក ។ លោកQin បានថ្លែងថា ជាថ្មីម្ដងទៀត យើងសូមជំរុញយ៉ាងខ្លាំងដល់ភាគី អាមេរិកពន្យល់ឱ្យបានច្បាស់លាស់នូវអ្វី ដែលអាមេរិកបានធ្វើ ហើយត្រូវតែ បញ្ឈប់សកម្មភាពទាំងនោះជាបន្ទាន់។ លោកបានព្រមានថា ចិននឹងតបតធ្ងន់ ជាងនេះ ប៉ុន្ដែលោកមិនបានធ្វើអត្ថា ធិប្បាយលម្អិតនោះទេ។
លោក Holder បាននិយាយថា គណៈ កម្មការវិនិច្ឆ័យបានចោទប្រកាន់ការធ្វើ ចារកម្មរបស់ជនជាតិចិនលើកដំបូង ដែលបានធ្វើសកម្មភាពចូលទៅលួច តាមប្រព័ន្ធអ៊ិនធើណេតដោយគោលដៅ គឺទីតាំងពាណិជ្ជកម្មអាមេរិក។ លោកHolderបានលើកឡើងថាក្រុម ហ៊ុនដែលរងការលួចតាមប្រព័ន្ធអ៊ិន ធើណេតពីមន្ដ្រីយោធាចិននោះមាន ក្រុមហ៊ុន Westinghouse Electric, ក្រុមហ៊ុន US Steel, ក្រុមហ៊ុន Alcoa Inc, ក្រុមហ៊ុន Allegheny Techno-logies, ក្រុមហ៊ុន SolarWorld និង US Steelworkers Union ។
លោកHolder បានថ្លែងថា «ការលួច នេះគ្មានហេតុផលអ្វីផ្សេងក្រៅពីអត្ថ ប្រយោជន៍ដល់ក្រុមហ៊ុនរដ្ឋចិន និងផល ប្រយោជន៍ផ្សេងៗទៀតនៅក្នុងប្រទេស ចិន ហើយដែលពង្រីកការវិនិយោគនៅ អាមេរិកនោះឡើយ» ។ អាមេរិកបានបញ្ជាក់ថា មន្ដ្រីយោធា ចិនដែលមានឈ្មោះWang Dong, Sun Kailiang, Wen Xinyu, Huang Zhenyu, និង Gu Chunhui ដែលពួកគេ ស្ថិតនៅក្នុងអង្គភាព៦១៣៩៨នៃកង ទ័ពរំដោះប្រជាជនចិននោះជាអ្នកស្ថិត នៅក្រោមការចោទប្រកាន់។ មន្ដ្រី FBI បានឱ្យដឹងថា ការលួច តាមប្រព័ន្ធអ៊ិនធើណេតខាងលើនេះផ្ដើម ឡើងតាំងពីឆ្នាំ២០០៦រហូតដល់ឆ្នាំ ២០១៤ធ្វើឱ្យខាតបង់ផលប្រយោជន៍ ក្រុមហ៊ុន និងប៉ះពាល់ដល់ជនរងគ្រោះ ជាច្រើន
