( រូបភាពវីដេអូ ) ខ្សែបម្រើវ័យចំណាស់របស់ក្រុមតោខៀវ Chelsea កីឡាករ Frank Lampard ត្រូវបានគេរាយការណ៍ថា នឹងបន្តកិច្ចសន្យាថ្មីលេងនៅទឹកដី Stamford Bridge រយៈពេល១ឆ្នាំទៀត ។ កីឡាករវ័យ៣៥ឆ្នាំរូបនេះត្រូវបានគេរំពឹងថា នឹងដើរតាមកីឡាករ John Terry ដោយចុះកិច្ចសន្យាថ្មីជាមួយក្លិប នៅពេលដែលរូបគេត្រឡប់មកអង់គ្លេសវិញ ខណៈបច្ចុប្បន្នគេកំពុងធ្វើការហ្វឹកហាត់នៅប្រទេសព័រទុយហ្គាល់ដើម្បី ត្រៀមប្រកួតបាល់ទាត់ World Cup ។
យោងតាមសារព័ត៌មាន The Express បានចុះផ្សាយថា Lampard ជិតឈានដល់កិច្ចព្រមព្រៀងជាមួយ Chelsea ហើយជាមួយនឹងតម្លៃពលកម្មប្រមាណ ១៥០ ០០០ ផោនក្នុងមួយសប្តាហ៍ ។ គួរបញ្ជាក់ថា ស្របពេលជាមួយគ្នានោះកីឡាករម្នាក់ទៀតរបស់ Chelsea គឺ Ashley Cole បានសម្រេចចិត្តថា រូបគេនឹងចាកចេញពីក្លិបពេលដែលកិច្ចសន្យារបស់ខ្លួនត្រូវបានបញ្ចប់នៅខែក្រោយប៉ុន្តែគេមិនទាន់ដឹងថានឹងត្រូវផ្លាស់ទៅលេងឲ្យក្លិបណានោះទេ ៕
