ខេត្តកណ្តាល៖ បុរសវ័យចំណាស់ម្នាក់ ត្រូវបានសមត្ថកិច្ចនគរបាលការិយាល័យព្រហ្មទណ្ឌកំរិតធ្ងន់នៃស្នងការនគរបាលខេត្តកណ្តាល ឃាត់ខ្លួនមកសាកសួរ ជុំវិញករណីចោទប្រកាន់ពីបទចាប់រំលោភ លើស្រី្តវ័យចំណាស់ម្នាក់ដែលបានស្រលាញ់គ្នាជាយូរមកហើយ។
បុរសជួបស្នេហ៏វ័យចំណាស់នោះឈ្មោះ កែវ មុនី អាយុ៥៣ឆ្នាំ មានទីលំនៅក្នុងភូមិឆ្មារពួន ឃុំជើងកើប ស្រុកកណ្តាលស្ទឹង ខេត្តកណ្តាល មានមុខរបរជាកសិករ ត្រូវបាននគរបាលស្រុកកណ្តាលស្ទឹងឃាត់ខ្លួនកាលពីថ្ងៃទី០១ និងបញ្ជូនមកស្នងការខេត្តនៅថ្ងៃទី០២ ខែមិថុនា ឆ្នាំ២០១៤ ដោយចោទប្រកាន់ពីបទរំលោភ តែថាបានរួមភេទជាមួយគ្នាជាយូរមកហើយ។
ចំណែកស្ត្រីរងគ្រោះជាគូសង្សាមានឈ្មោះអ.ស.រ អាយុ៤០ឆ្នាំ រស់នៅក្បែរផ្ទះគ្នាហើយមិនមែនជាម្ចាស់បណ្ដឹងផ្ទាល់នោះទេ។ ប៉ូលីបាននិយាយតាមការសារភាពរបស់បុរសនោះថា មុនពេលឈានដល់ការព្រមព្រៀង ស្ត្រី រងគ្រោះបានញាក់ភ្នែកដាក់សង្សារវ័យចំណាស់របស់ខ្លួន ស៊ីញ៉ូទៅខាងក្រោយភូមិ បានចម្ងាយ១គីឡូម៉ែត្រ ក៏គៀកក.គ្នាដើរទៅកន្លែងស្ងាត់ ហើយចាប់ផ្តើមសកម្មភាពរួមភេទតាមទម្លាប់តែម្តង។
ក្រោយបានសម្រេចបុរសជាប់សង្ស័យបានដើរមកភូមិមុន ចំណែកស្ត្រីរងគ្រោះនៅពេលកំពុងស្លៀកសំលៀកបំពាក់ ត្រូវប្អូនស្រីខ្លួនមកឃើញសួរនាំហើយស្រែកឆោឡោ ផ្អើលអ្នកជិតខាងហើយប្តឹងប៉ូលីសមកចាប់ខ្លួនតែម្តង។ បច្ចុប្បន្នបុរសជាជនសង្ស័យ ត្រូវបានសាកសួរដោយប៉ូលីសការិយាល័យព្រហ្មទណ្ឌ កំរិតធ្ងន់ នៃស្នងការដ្ឋាននគរបាលខេត្តកណ្តាល ដើម្បី
ធ្វើរបាយការណ៏ បញ្ជូនទៅតុលាការបន្តទៀត។ គេរំពឹងថាជនសង្ស័យនឹងត្រូវដោះលែងវិញឆាប់ៗ បើសិនជាស្ត្រីជារងគ្រោះមិនបានប្តឹង និងមកបញ្ជាក់ប្រាប់សមត្ថកិច្ចថា ការរួមភេទនេះ គឺជាការព្រមព្រៀងស្រលាញ់គ្នាដោយពិតប្រាកដ៕
