ស្វាយរៀង÷អាជ្ញាធរមូលដ្ឋានសង្កាត់ព្រៃឆ្លាក់សហការជាមួយសប្បុរសជននានាក្នុងមូលដ្ឋានកំពុងបន្តអភវឌ្ឍន៍ផ្លូវក្នុងមូលដ្ឋានរបស់ខ្លួនដោយធ្វើផ្លូវប្រភេទចាក់បេតុងឆ្អឹងដែកកន្លងមកបានប្រវែង៤៩០ម៉ែតរួចហើយនិងកំពុងបន្តធ្វើផ្លូវបេតុងប្រភេទនេះបន្ថែមទ ៀត។ជាក់ស្ដែងកាលព្រឹកថ្ងៃទី៤ខែមិថុនាឆ្នាំ២០១៤នេះចៅសង្កាត់រួមនិងសមាជិកក្រុមព្រឹក្សាសង្កាត់ប្រជាពលរដ្ឋរួទាំងសប្បុរសជនកំពុងចាក់បេតុងផ្លូវលំមួយខ្សែទៀតដែលមានប្រវែង១៨០ម៉ែតនិងលោកវេជ្ជបណ្ឌិត រស់ ថុន ម្ចាស់ខ្លីនិចកេតបុតត្រានិងជាអនុប្រធានមន្ទីរពេទ្យខេត្តបានជួយឧបត្ថម្ភថវិកាធ្វើផ្លូវបេតុងនេះប្រវែង៥០ម៉ែតបន្ថែមទៀត។
លោក ហ៊ុន សាវ៉ានចៅសង្កាត់ព្រៃឆ្លាក់បានឲ្យដឹងថា ផ្លូវ្ប្រវែង១៨០ម៉ែតទទឹង៣.៥០ម៉ែតបំបែកពីផ្លូជាតិលេខ៣១៥ទៅកាន់វត្តព្រៃឆ្លាក់ចំពោះសង្កាត់ឆ្នាំ២០១៤នេះសាងសង់ផ្លូវបេតុងប្រវែង១៨០ម៉ែតដោយប្រើថវិកាសរុបអស់៦០.៩៨៤.០០០រៀលក្នុងនោះថវិកា មូលនិធិសំរាប់អភិវឌ្ឍន៍ចំនួន៦០.៨៨៤.០០០រៀលនិងទុនបដិភាគរបស់ប្រជាពលរដ្ឋចំនួន១០០០០០រៀលផងដែរ។ចំណែកផ្លូវបេតុង៥០ម៉ែតទៀតដែលមានទទឹង៥.៥០ម៉ែតដែលជាអំណោយរបស់លោកវេជ្ជបណ្ឌិត រស់ ថុន អស់ថវិកាចំនួន៥០០០ដុល្លារ។
លោកចៅសង្កាត់បានបញ្ជាក់ថា លោកវេជ្ជបណ្ឌិត រស់ ថុនក្នុងឆ្នាំ២០១២ជួយក្រាលបេតុងផ្លូវមួយខ្សែប្រវែង១៩០ម៉ែតចំណាយថវិកាចំនួន២១៧០០ដុល្លារឆ្នាំ២០១៣លោកជួយធ្វើលូរំដោះទឹកស្អុយមួយខ្សែប្រវែង៣៥០ម៉ែតអស់ថវិកាចំនួន៣១.៤៥០.០០០រៀលក្នុងនោះគណកម្មាការអាចារ្យវត្តព្រែឆ្លាក់ក្រាលផ្លូវបេតុង១ខ្សែប្រវែង៧០ម៉ែតអស់ថវិកាចំនួន៧០០ដុល្លារហើយក្នុងឆ្នាំ២០១៤លោកវេជ្ជបណ្ឌិត. រស់ ថុនជួយក្រាលបេតុងប្រវែង៥០ម៉ែតអស់ថវិកា៥០០០ដុល្លារបន្ថែមទៀត។
លោកវេជ្ជបណ្ឌិត រស់ ថុនមានប្រសាសន៍ថា ក្រោមការដឹកនាំប្រកបដោយគតិបណ្ឌិតសម្ដេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជាធ្វើការអភិវឌ្ឍន៍មានការរីចំរើនលើគ្រប់វិស័យទាំងផ្នែកពុទ្ធចក្រអាណាចក្រដើទន្ទឹនគ្នាបែបនេះហើយលោកជាគ្រូពេទ្យម្នាក់មានលទ្ធភាពជួយចូលរួមចំណែកជាមួយរារដ្ឋាភិបាលនិងថ្នាក់ដឹកនាំខេត្តនិងបន្តចូលរួមអភិវឌ្ឍន៍មូលដ្ឋានតាមលទ្ធភាពធនធានរបស់លោកបន្តទៀត៕