កំពង់ធំៈ ពិធីបរិស្ថានជាតិ និងអន្តរជាតិពិភពលោក ក្នុងឆ្នាំនេះត្រូវប្រារព្វឡើងនៅក្នុង វទ្យាល័យកំពង់ធំ ក្រោមការចូលរួម ពីសំណាក់ ឯកឧត្តម សោម សុផាត អភិបាលរងខេត្តកំពង់ធំ និងប្រធាន អនុប្រធានមន្ទីរ មន្ត្រីរាជការ កងកម្លាំងចូលរួម ព្រមទាំងសិស្សានុសិស្សជាង៨០០នាក់ ។
លោក តុប កក្កដា ប្រធានមន្ទីរបរិស្ថាន ខេត្តកំពង់ធំ បានឲ្តដឹងថា ជារៀងរាល់ឆ្នាំទិវាបរិស្ថានជាតិ ត្រូវបាន រៀបចំឡើងរាល់ថ្ងៃទី៥ ខែមិថុនា ដោយឡែកឆ្នាំ ២០១៤នេះ ត្រូវបានប្រារព្វធ្វើឡើង ដោយអនុវត្តតាម ទិស ពាក្យស្លោកថ្មីរបស់អង្គការ UNEP គឺ ( រួមគ្នាទប់ស្កាត់កំណើននីវ៉ូទឹកសមុទ្រ) ប្រទេសកម្ពុជា គឺជាផ្នែកមួយ នៃ ពិភពលោក ក្នុងនោះមានប្រទេសជាច្រើន កំពុងតែត្រូវបានអភិវឌ្ឍន៍ និងរួមគ្នាដោះស្រាយ នូវបញ្ហាបរិស្ថាន ដែលប្រជាជន និងរដ្ឋាភិបាលនានាកំពុងតែ
ប្រឈម និងព្រួយបារម្ភ ព្រមទាំងបានរិះរកគន្លិះ ទប់ស្កាត់កាត់បន្ថយនឹងផលប៉ះពាល់និងបរិស្ថាន ខណៈដែលបច្ចុប្បន្នផ្នែកបរិស្ថានកំពុងតែប្រឈមនិងបញ្ហារ ដូចជាធន ធានធម្មជាតិ បាត់បង់ប្រព័ន្ឋអេកូឡូស៊ី បាត់បង់ជីវៈចម្រុះ បង្កើនកំដៅបរិយាកាស និងប៉ះពាល់សុខភាពមនុស្សសត្វ ក្នុងពិភពលោក ប៉ុន្តែធម្មជាតិកាន់តែរិចរិល ដោយសារតែស្នាដៃមនុស្ស ខណៈពេលដែល កំណើនមនុស្សកាន់តែកើនឡើង ។
លោក ហួន វ៉ាន់និត អភិបាលរងខេត្ត បានអានសារស្តីពីបរិស្ថាន របស់សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជា ស្តីពីការអបអរសាទរ បណ្តាប្រជាជាតិជាង ១០០ប្រទេស នៅលើពិភព លោក ដែលបានរួមសហការគ្នា បំពេញភារៈកិច្ចរៀងខ្លួន ស្របតាមកម្មវិធីបរិស្ថានសហប្រជាជាតិ ដើម្បី បុព្វហេតុបរិស្ថាននៃភពផែនដី គោលបំណងសំខាន់នៃការប្រារព្វទិវាបរិស្ថានជាតិ និងបរិស្ថានពិភពលោក ដើម្បីឲ្យប្រជាជនទាំងអស់ រស់នៅលើ
ពិភពលោកនេះ ឲ្យចូលរួមអនុវត្តសកម្មភាពការពារធមធាន ធម្មជាតិ និងគុណភាពបរិស្ថាន ដោយមិនគិតតែក្រុមប្រទេសណាមួយនោះទេ ឆ្លើយតបទៅនឹងបញ្ហាខាងលើ រាជរដ្ឋាភិបាលបានចាត់ទុកកិច្ចការពារបរិស្ថានជាវិធានការដ៏ចាំបាច់បំផុត ដើម្បីធានាចីរភាពនៃការអភិវឌ្ឍន៍សេដ្ឋកិច្ច សង្គម និងការប្តេជ្ញាចិត្តខិតខំសម្រេចឲ្យបានគោលដៅ អភិវឌ្ឍន៍សហាសត្សរ៍កម្ពុជា ឆ្នាំ ២០១៥នេះ ។
ឯកឧត្តម សោម សុផាត អភិបាលរងខេត្តកំពង់ធំ បានសំណេះសំណាលថា មនុស្សគ្រប់រូប ហើយម្នាក់ៗត្រូវមានស្មារតី ផ្តើមចេញពីគំនិត ទទួលខុសត្រូវគ្រប់ៗគ្នា គ្រប់ជាតិសាសនា ឲ្យមានការចូលរួមចំណែក គាំពារ ធនធានធម្មជាតិ និងថែរក្សា សំអាត ការពារគុណភាពបរិស្ថាន ដោយមិនត្រូវគិតតែផលប្រយោជន៍ ផ្ទាល់ ខ្លួននោះទេ ខណៈពេលដែលបញ្ហាបិស្ថានកំពុងតែ ប្រឈមមុខនាពេល បច្ចុប្បន្ន និងពេលអនាគត់ ចំពោះ អាយុជីវិតរបស់មនុស្ស និងសត្វ និងបានសំណូមពរឲ្យសិស្សានុសិស្ស ចូលរួមថែរក្សាបរិស្ថាន ទាំងអស់គ្នា ។
នៅក្នុងពិធីមានការ បើឳកាសឲ្យសិស្ស និងមេភូមិ មេឃុំ ចូលរួមឆ្លើយសំនួរ ដើម្បស្ទាបស្ទង់ចំណេះដឹង ពាក់ព័ន្ឋទៅនឹងបរិស្ថាន ដោយមានកង់ចំនួន ៥គ្រឿង និងថវិការមួយចំនួន សម្រាប់អ្នកទទួលបានជោគ ជ័យក្នុងការឆ្លើយសំណួរ ។