ពិធីប្រជុំបូកសរុបកាងារប្រយុទ្ធប្រឆាំងគ្រឿងញៀនឆ្នាំ២០១៦ទិសដៅការងារឆ្នាំ២០១៧និងផ្សព្វផ្សាយផែនការណ៍ស្ដីពីយុទ្ធនាការរប្រយុទ្ធប្រឆាំងគ្រឿងញៀនខុសច្បាប់លើកទី១រយៈពេល៦ខែ ពីខែមករាដល់ខែមិថុនាឆ្នាំ២០១៧
កំពង់ធំ= ការធ្វើសន្និបាតបូកសរុបការងារត្រួតពិនិត្យគ្រឿងញៀននៅរសៀលថ្ងៃទី០៤ ខែមករា ឆ្នាំ២០១៧នេះឯកឧត្តម អ៊ុត សំអន អភិបាលខេត្តកំពង់ធំបានមានប្រសាសន៍សង្កត់ធ្ងន់ចំពោះកាងារប្រយុទ្ធប្រឆាំងគ្រឿងញៀនឆ្នាំ២០១៦ទិសដៅការងារឆ្នាំ២០១៧និងផ្សព្វផ្សាយផែនការណ៍ស្ដីពីយុទ្ធនាការរប្រយុទ្ធប្រឆាំងគ្រឿងញៀនខុសច្បាប់លើកទី១រយៈពេល៦ខែចាប់ពីខែមករាដល់ខែមិថុនាឆ្នាំ២០១៧អោយបានតឹងរ៉ឹងបំផុតដើម្បីធានាអោយបាននូវការថយចុះនៃអាត្រាគ្រោះថ្នាក់ដោយសារគ្រឿងញៀន។
លោកវរសេនីយ៍ឯក កែង សុផល ស្នងការរង និងជាប្រធានការិយាល័យកណ្ដាលប្រឆាំងបទល្មើសគ្រឿងញៀនបានអានរបាយការណ៍ស្ដីលទ្ធផលយុទ្ធនាការប្រយុទ្ធប្រឆាំងគ្រឿងញៀនប្រចាំឆ្នាំ២០១៦និងទិសដៅការងារអនុវត្តន៍បន្ដសម្រាប់ឆ្នាំ២០១៧។
បន្ទាប់មក ឯកឧត្តម ប្រាក់សារ៉ាតអភិបាលរងខេត្ត បានអាន ខ្លឹមសារក្នុងការផ្សព្វផ្សាយផែនការស្ដីពីយុទ្ធនាការប្រឆាំងគ្រឿងញៀនខុសច្បាប់លើកទី១រយះពេល៦ខែ ចាប់ពីថ្ងៃទី១ ខែមករា រហូតដល់ខែមិថុនា ឆ្នាំ២០១៧។
លោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ បានមានប្រសាសន៍ណែនាំនិងស្ដីបន្ទោសដល់មន្ដ្រី កងរាជអាវុធហត្ថ និង នគរបាល អោយភ្ញាក់ខ្លួន កែខ្លួនអោយបានឆាប់អ្វីដែលជាទំលាប់អាក្រក់ អ្វីដែលធ្លាប់អនុវត្តន៍ស៊ីលុយមិនព្រមចុះបង្ក្រាប់គ្រឿងញៀនទុកអោយបទល្មើស កើតមានឡើងពីទ្រង់ទ្រាយតូចរហូតដល់ទ្រង់ទ្រាយធំ ទង្វើអាក្រក់បែបនេះត្រូវតែបញ្ឈប់ និងបានសំណូមពរដល់សមត្ថកិច្ច កងរាជអាវុធហត្ថ នគរបាល ចាប់ពីឆ្នាំ២០១៧នេះយើងនិងបើកយុទ្ធនាការក្ដៅក្នុងការចុះបង្ក្រាប់បទល្មើសគ្រឿងញៀននេះគ្រប់ភូមិ ឃុំស្រុក និងផ្សព្វផ្សាយពីគ្រោះថ្នាក់នៃគ្រឿងញៀន អោយប្រជាពលរដ្នយល់ដឹងពីផលអាក្រកនៃគ្រឿងញៀន ជាពិសេសក្រុមគ្រួសារអ្នកមានកូនចៅញៀនថ្នាំ អោយគាត់ចូលរួមសហការណ៍ជាមួយសមត្ថកិច្ចនៅក្នុងមូលដ្ឋាន ព្រោះការលាក់បាំងនេះហើយធ្វើក្មេងឬអ្នកទាំងនោះធ្លាក់ក្នុងស្ថាន់ភាពគ្រោះថ្នាក់ដោយសារគ្រឿងញៀន មិនត្រឹមតែខូចខាត់ខ្លួនឯង បំផ្លាញទ្រព្យសម្បត្តិខ្លួនឯងប៉ុណ្ណោះទេ ថែមទាំងខូចខាតដល់អ្នកដ៏ទៃនិងសង្គមជាតិទាំងមូលទៀតផង ដូច្នេះសំរាប់ថ្ងៃនេះទ្វីត្បិតតែខ្ញុំប្រើពាក្យសម្ដីស្ដីបន្ទោសអស់លោកធ្ងន់ៗបន្ដិចក៏ដោយ ក៏លោកមិនដែលចាត់ទុកអស់លោកជាអ្នកដ៏ទៃទេគឺបានចាត់ទុកអស់លោកជាបងជាប្អូនរបស់ខ្ញុំដដែល។ បន្ទាប់មក មន្ទីរសុខាភិបាល មន្ទីរសង្គមកិច្ច ព្រមទាំងអភិបាលស្រុកបារាយណ៍ ស្រុកស្ទោង និងក្រុងស្ទឹងសែនបានឡើងធ្វើបទអន្ដរាគមន៍ ក្រោមប្រធានបទគណះកម្មាការត្រួតពិនិត្យគ្រឿងញៀន ស្រុកក្រុង បានលើកឡើងពីចំនុចខ្លាំង និង ចំនុចខ្សោយគឺប្រជាពលរដ្នខ្វះពត័មាន ខ្វះការយល់ដឹង ពុំដឹងគ្រឿងញៀនគឺជាឧបសគ្គធ្វើអោយគ្រោះថ្នាក់យ៉ាងណានោះទេ មិនព្រមសហការ និងខ្លាចគ្រោះថ្នាក់ដល់ខ្លួន សមត្ថកិច្ចមូលដ្ឋានស៊ីលុយដើម្បីបិតបាំង ទើបសមត្ថកិច្ចមិនអាចបង្ក្រាប់អស់ ។
ឯកឧត្តម អ៊ុត សំអន អភិបាលខេត្តកំពង់ធំបានមានប្រសាសន៍ សង្កត់ធ្ងន់ចំពោះបញ្ហាសារជាតិញៀន បានបំផ្លាញ ក្រុមគ្រួសារ បំផ្លាញអ្នកដ៏ទៃ និងបំផ្លាញសង្គមជាតិទាំងមូល ធ្វើអោយកើតអំពើចារកម្ម ចោរលួច ចោរប្លន់ អំពើហឹង្សា ការរំលោភបំពាន់ជាដើម ដូច្នេះសុំអោយ សមត្ថកិច្ចកងជាអាវុធហត្ថ នគរបាល រួមសហការ គ្នាអោយបានខ្ចាប់ខ្ចួន ពង្រឹង បើកយុទ្ធនាការក្ដៅចុះបង្ក្រាប់បទល្មើសគ្រឿងញៀន និងផ្សព្វផ្សាយពីគ្រោះថ្នាក់នៃគ្រឿងញៀននៅតាមមូលដ្ឋានគ្រប់ភូមិ ឃុំ ស្រុក ក្រុង ទូទាំងខេត្តកំពង់ធំ អោយគាត់យល់ដឹងពីផលវិបាកនិងគ្រោះថ្នាក់នៃគ្រឿងញៀន ដើម្បីអោយប្រជាពលរដ្នសហការជាមួយសមត្ថកិច្ច ផ្ដល់ពត័មាន កុំលាក់លៀម កុំខ្លាច កុំមានការភ័យព្រួយ ទើបអាចបង្ក្រាប់ និងបោសសំអាត បទល្មើសទាំងនេះអោយមានប្រសិទ្ធិភាពខ្ពស់ ចុងក្រោយ ឯកឧត្តម បានអរគុណដល់សមត្ថកិច្ចទាំងអស់ដែលបានបង្ក្រាប់បទល្មើសកន្លងមកនិង បន្ដខិតខំសហការអោយខ្លាំងខ្លាបន្ថែមទៀតក្នុងឆ្នាំ២០១៧នេះ ៕ប៊ុន រិទ្ធី
