សៀមរាប ៖ នាព្រឹកថ្ងៃទី០៥ ខែមិថុនា ឆ្នាំ២០១៤ ឯ.ឧ នាយឧត្តមសេនីយ៍ ចាន់ អ៊ាន អគ្គស្នងការរងនគរបាលជាតិ និងជាតំណាងដ៏ខ្ពង់ខ្ពស់ឯ.ឧ នាយឧត្តមសេនីយ៍ នេត សាវឿន អគ្គស្នងការនគរបាលជាតិ និងឯ.ឧ ប៊ុន ថាឬទ្ធិ អភិបាលរង នៃគណៈអភិបាលខេត្តសៀមរាប បានអញ្ជើញជាអធិបតីក្នុង ពិធីផ្ទេរភារកិច្ច តែងតាំងមុខតំណែង និងបំពាក់ឋានន្តរសក្ដិមន្ត្រីនគរជាតិ នៃស្នងការដ្ឋាននគរបាលខេត្តសៀមរាប ដោយពិធីនេះប្រព្រឹត្តទៅនៅស្នងការដ្ឋាននគរបាលខេត្តសៀមរាបផ្ទាល់តែម្តង។
ដោយមានការអញ្ជើញចូលរួមពីសំណាក់ឯ.ឧ អស់លោក លោកស្រីជាថ្នាក់ដឹកនាំមន្ទីរ អង្គភាព គ្រប់ជាន់ថ្នាក់ ព្រមទាំងមន្ត្រីនគរបាលមកពីបណ្ដាក្រុង/ស្រុកទាំង១២ ក្នុងខេត្តសៀមរាប ជាច្រើនរូបផងដែរ ។
យោងតាមរបាយការណ៍របស់លោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប បានឲ្យដឹងថា មន្ត្រីនគរបាលជាតិ នៃស្នងការនគរបាលខេត្តសៀមរាប ដែលផ្ទេរភារកិច្ច តែងតាំងមុខតំណែង និងបំពាក់ឋានន្តរសក្ដិ ចំនួន៦៦នាក់ត្រូវបានប្រកាសផ្ទេរភារ កិច្ច តែងតាំងមុខតំណែង និងបំពាក់ឋានន្តរសក្កិថ្មី ដែលក្នុងមានថ្នា្នក់វរៈសេនីយ៍ឯកចំនួន១៨ នាក់ វរៈសេនីយ៍ទោចំនួន១១នាក់ វរៈសេនីយ៍ត្រី៣៣នាក់ និងផ្ទេរភារកិច្ចតែងតាំងមុខតំណែង ចំនួន១៣នាក់។
ឯកឧត្តម ប៊ុន ថាឬទ្ធិ អភិបាលរងខេត្តសៀមរាបបានមានប្រសាសន៍ថាការតំឡើងឋានន្តរសក្កិ ជូនដល់មន្ត្រីនគរបាលជាតិនៃស្នងការដ្ឋាននគរបាលខេត្តសៀមរាបនេះ គឺជាកត្តាមួយដ៍ល្អប្រសើរសម្រាប់ជាការលើកទឹកចិត្តពីព្រោះថា ខេត្តសៀមរាបជាតំបន់ប៉ូលទេសចរណ៍មួយដ៍សំខាន់របស់ប្រទេសកម្ពុជា ដែលមានភ្ញៀវទេសចររាប់ពាន់នាក់ក្នុង១ថ្ងៃៗបានចូលមកទស្សនានៅក្នុងខេត្ត ដូចច្នេះហើយមន្ត្រីនគរបាលបានខិតខំការពារសន្តិសុខសុវត្ថិភាពជូនភ្ញៀវទេសចរក៍ ដូចជាប្រជាពលរដ្ឋបានយ៉ាងល្អប្រសើរ។
ឯកឧត្តម នាយឧត្តមសេនីយ៍ ចាន់ អ៊ាន អគ្គស្នងការរងនគរបាលជាតិបានដាក់បទបញ្ជាឲ្យមន្ត្រីនគរបាលខេត្តសៀមរាបទាំងអស់ត្រូវខិតខំបន្ថែមទៀតធ្វើយ៉ាងណាឲ្យខេត្តសៀមរាបមាន សន្តិសុខសុវត្ថិភាពមួយរយភាគរយសម្រាប់ទាក់ទាញភ្ញៀវទេសចរអន្តរជាតិឲ្យមកស្នាក់នៅ និងទស្សនាតំបន់រមណីយដ្ឋាននានានៅក្នុងខេត្តទេសចណ៍មួយនេះឲ្យបានកាន់តែច្រើនបន្ថែមទៀត ខណៈពេលប្រទេសជិតខាងកំពុងតែមានបញ្ហា។
ឯ.ឧ ក៏បានផ្ដាំផ្ញើដល់កងកម្លាំងទាំងអស់ធ្វើយ៉ាងណាពង្រឹងបន្ថែមការងារភូមិឃុំមានសុវត្ថិភាពនៅតាមមូលដ្ឋានរបស់ខ្លួនឲ្យបានម៉ឺងម៉ាត់ ដើម្បីរក្សាឲ្យបាននូវសុខសុវត្ថិភាព ជូនបងប្អូនប្រជាពលរដ្ឋ ក៏ដូចជាភ្ញៀវជាតិ អនុ្តរជាតិដែលបានមកបំពេញទស្សនកិច្ច នៅក្នុងខេត្តសៀមរាបនេះ ។ ដោយ លោក ខេង ខេមរា