កំពង់ធំៈ បញ្ហាគ្រឿងញៀនជាចំនុចសរសើបបំផុត ក្នុងសង្គមមច្ចុប្បន្ន ដែលក្រុមអ្នកចែកចាយបានពង្រីកសកម្មភាព វាយឡុកទៅលើក្រុមយុវ័យ ក្លឹបខារ៉ាអូខេ និងរមណីយដ្ឋាន អាហារដ្ឋាន ភោជនីយដ្ឋាន មិនតែប៉ុណ្ណោះគ្រឿងញៀនបានបោះជំហ៊ានទៅរកតាមបណ្តាជនបទ ដែលធ្វើឲ្យរាជរដ្ឋាភិបាលកំពុងតែយកចិត្តទុកដាក់ និងព្រួយបារម្ភណ៍យ៉ាងខ្លាំង ព្រមទាំងបានដាក់បទបញ្ជាឲ្យគ្រប់ខេត្តក្រុងរាជធានី រួមគ្នាទប់ស្កាត់ប្រយុទ្ធប្រឆាំងនិងគ្រឿងញៀន ។
ជាក់ស្តែងក្នុងថ្ងៃនេះផងដែរ តំបន់ប្រតិបត្តិការសឹករងកំពង់ធំ បានធ្វើការពីធីផ្សព្វផ្សាយផែនការរបស់រាជរដ្ឋាភិបាលស្តីពីយុទ្ឋនាការប្រយុទ្ឋប្រឆាំងគ្រឿងញៀនខុសច្បាប់លើកទី១រយៈពេល៦ខែ ដើមឆ្នាំ២០១៧ ជូនដល់ថ្នាក់ដឹកនាំគ្រប់កងឯកភាពនិងស្ថាប័នចំណុះបញ្ជាការដ្ឋានតំបន់ប្រតិបត្តិការសឹករងកំពង់ធំចំនួន៨៥នាក់នៅសាលប្រជុំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ នាព្រឹកថ្ងៃទី ០៥ខែមករា ឆ្នាំ ២០១៧។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ថា បញ្ហាគ្រឿងញៀនគឺមានការនាំចូលពីប្រទេសជិតខាងមួយចំនួន បាននាំមកចែកចាយនៅក្នុងប្រទេសកម្ពុជា បានធ្វើឲ្យក្រុមយុវ័យប្រឈមនិងការអូសទាញដោយល្បិចកលផ្សេងៗ របស់ក្រុមអ្នកចែកចាយ ហើយបានធ្វើឲ្យមនុស្សជាច្រើនរងគ្រោះយ៉ាងធ្ងន់ ធ្ងរដោយសារឥតិពលនៃគ្រឿងញៀន បានបំផ្លាញអានាគត់ បំផ្លាញសេចក្តីក្នុងគ្រួសារ បំផ្លាញកិត្តិយស់ បំផ្លាញប្រទេសជាតិ ព្រមទាំងមានសភាព កាចសាហាវ ដោយសារតែសារធាតុញៀន វាយឡុកសសៃប្រសាទខួរក្បាល បាត់ការចង់ចាំ រាងកាយ ទន់ខ្សោយ បង្ករឲ្យមានគ្រោះថ្នាក់ចរាចរណ៍ជាញឹកញាប់។
ក្នុងនោះឯកឧត្តម សោម ស៊ុន បានបញ្ជាក់ពីផែនការសំខាន់ៗ ក្នុងការប្រយុទ្ធប្រឆាំងគ្រឿងញៀន ត្រូវមានការចាត់អប់រំដល់យុវ័យ ឬសហគម វិធានការរដ្ឋបាល វិធានការអនុវត្តច្បាប់ វិធានការព្យាបាល ស្តារនិតិសម្បទា និងសមាហរកម្មដល់ប្រជាពលរដ្ឋ នៅក្នុងសហគមន៍ ចំពោះមន្រ្តីនៅក្នុងអង្គភាព កងយោធពលខេមរៈភូមិន្ទ មិនត្រូវយកខ្លួនទៅបៀត ត្រូវចូលរួមទប់ ស្កាត់ ណែនាំដល់មិត្តរួមអង្គភាពកុំឲ្យជឿតាមការអូសទាញរបស់ក្រុមទុចរិតឲ្យសោះ និងហាមមិនឲ្យបុគ្គលណាម្នាក់ មានការពាក់ព័ន្ឋនិងគ្រឿងញៀនជាដាច់ខាត ។
ដោយ ប៊ុន រដ្ឋា
