កកំពង់ធំ៖លោក ឯកឧត្ត សុខ លូ ទើបបានទទួលតំណែងថ្មី និងទទួលបានប្រជាប្រិយភាពក្នុងខេត្តកំពង់ធំ ទាំងមូល ធ្វើឲ្យមន្រ្តីរាជការ និងប្រជាពលរដ្ឋស្វាគមន៍ ចំពោះការគ្រងតំណែងរបស់ឯក=ត្តម សុខ លូ ជាអភិបាលខេត្តកំពង់ធំ ដើម្បីដឹកនាំភាពរីកចំរើនក្នុងខេត្តបន្តទៀត ។
ឯកឧត្តម សុខ លូ ក្រោយពីទទួលបានតំណែង ជាអភិបាលនៃគណៈអភិបាលខេត្តកំពង់ធំ ក៏បានធ្វើពិធីជួបសំណេះសំណាលជាមួយនឹង មន្រ្តីរាជការ កងកម្លាំងប្រដាប់អាវុធ ប្រធានអនុប្រធានមន្ទីរ អង្គភាពជុំវិញខេត្ត ប្រមាណជាង ១៣០ នាក់ នៅព្រឹកថ្ងៃទី ១២ ខែ មករា ឆ្នាំ ២០១៧ នៅសាលប្រជុំសាលាខេត្តកំពង់ធំ ដើម្បីបង្កើនភាពជិតស្និទ្ធ រវាងថ្នាក់ដឹកនាំខេត្តជាមួយនឹងមន្រ្តីរាជការ ក៏ដូចជាសហការរួមគ្នា កសាងអភិវឌ្ឍន៍ខេត្តកំពង់ធំ ឲ្យទទួលបានភាពល្អប្រសើរ ។
ឯកឧត្តមសុខ លូ បានស្នើឲ្យប្រធានអង្គភាពទាំងអស់ខិតខំប្រឹងប្រែងធ្វើការងារទៅតាមតួនាទីភារកិច្ចរៀងៗខ្លួន ពេលឈប់សម្រាកត្រូវមានសុំច្បាប់ទម្លាប់ឲ្យបានត្រឹមត្រូវ ត្រូវពង្រឹងការអនុវត្តច្បាប់ការងារក្នុងការបំរើសេវាសាធារណៈជូនប្រជាពលរដ្ឋឲ្យបានទាន់ពេលវេលា ដោយចេះចែករំលែកការងារកុំក្តោបការងារធ្វើតែម្នាក់ឯង ខិតខំពង្រឹងសមត្ថភាពខ្លួនទោះបីមានអាយុច្រើនក៏ដោយ ត្រូវសិក្សាពីប្រព័ន្ធបច្ចេកវិទ្យាទាន់សម័យទំនើប ដើម្បីយល់ដឹងពីហេតុការក្នុងខេត្ត ក៏ដូចជាតាមប្រទេសផងដែរ ។
ក្នុងនោះដែរឯកឧត្តម សុខ លូ អភិបាលខេត្តកំពង់ធំ បានប្រមានធ្ងន់ៗថា មន្ត្រីណាដែលជាប់ពាក់ព័ន្ធនិងបទល្មើស ដូចជាបទល្មើសជលផល បទល្មើសព្រៃឈើ និងបទល្មើសគ្រឿងញៀន ត្រូវអោយដកខ្លួនចេញជាបន្ទាន់ និងត្រូវខិតខំទប់ស្កាត់បទល្មើសគ្រឿងញៀន និងបានសុំមន្ត្រីទាំងអស់ត្រូវចេះសហការណ៍សាមគ្គីគ្នាផ្ទៃក្នុងល្អដើម្បីដឹកនាំអង្គភាពរបស់ខ្លួនឲ្យទទួលបានជោគជ័យ ។
ដោយ ប៊ុន រដ្ឋា
សុផាតកំពង់ធំ