ស្ទឹងត្រែង៖អភិបាលខេត្តស្ទឹងត្រែងបានជំរាប់ជូនទៅអភិបាលខេត្តនិងថ្នាក់ដឹកនាំក្នុងខេត្តខាញ់ហ៊រឲ្យជួយផ្តល់នូវអាហាររូបករណ៍ ដល់និស្សិតខេត្តស្ទឹងត្រែង និងជួយបណ្តុះបណ្តាលផ្នែក ឯកទេសជំនាញដល់គ្រូពេទ្យដើម្បីជួយលើកតម្កើនធនធានមនុស្សនៅក្នុងខេត្តស្ទឹងត្រែង ឲ្យមានការរីកចម្រើន ។
ក្នុងជំនួបប្រជុំជាផ្លូវការ រវាងថ្នាក់ដឹកនាំខេត្តស្ទឹងត្រែង ប្រទេសកម្ពុជា និងថ្នាក់ដឹកនាំ ខេត្តខាញ់ហ៊រ នៃសាធារណៈរដ្ឋសង្គមនិយមវៀតណាម លោក កុល សំអុល អភិបាលខេត្ត មានប្រសាសន៍ថា៖ កត្តាធនធានមនុស្ស មានចំណេះដឹង ចំណេះធ្វើគ្រប់គ្រាន់ អាចជួយអភិវឌ្ឍន៍ប្រទេសជាតិ ឲ្យមានការរីកចំរើនគួបស្សំនឹងសក្តានុពលធនធានក្នុងប្រទេសនិមួយៗ មានភាពសំបូរបែប ដែលអាស្រ័យទៅលើធនធានធម្មជាតិផង និងភាពឆ្នៃប្រឌិតផង ។
លោកអភិបាលខេត្តស្ទឹងត្រែងមានប្រសាសន៍សំណូមពរ ទៅអភិបាលខេត្តខាញ់ហ៊រ ឲ្យជួយ ផ្តល់អាហាររូបករណ៍ និងផ្កល់ឯកកទ្ទេសជំនាញ ដល់និស្សិតពេទ្យសំរាប់ជំរុញលើវិស័យនេះ ឲ្យមានភាពរឹងមាំ ឆ្លៀតក្នុងឱកាសនេះ ខ្ញុំសូមជំនួសមុខឲ្យថ្នាក់ដឹកនាំបក្ស និងរដ្ឋខេត្ត ស្ទឹងត្រែងសំណូមពរដោយត្រង់ចំពោះខេត្តខាញ់ហ័រ ទី១ សូមជួយបណ្តុះបណ្តាលនិស្សិតរបស់ខេត្តស្ទឹងត្រែង អាចថា មួយឆ្នាំ ឬក៏មួយពេល៨នាក់ ដើម្បីបន្តការសិក្សានៅខេត្តអាងយ៉ាង មានកម្មវិធីបង្រៀនភាសាវៀតណាមមុនពេលចូលរៀន ជំនាញផ្សេងៗ ទី២ភ្ជាប់ជាមួយនេះដែរ សូមសំណូមពរឲ្យខេត្តស្ទឹងត្រែងបានបញ្ជូននិស្សិតពេទ្យ ធ្វើកម្មសិក្សានៅខេត្តខាញ់ហ័រ ។
លោក ត្រុន សឺតហាយ អភិបាលរង ប្រចាំការ ខេត្តខាញ់ហ័រ សាធារណៈរដ្ឋសង្គមនិយមវៀតណាមមានប្រសាសន៍ទទួលស្គាល់ថាៈ ប្រទេសកម្ពុជាមកដល់បច្ចុប្បន្នមានការរីកចំរើនច្រើន ហើយខេត្តខាញ់ហ័រ និងខេត្តស្ទឹងត្រែងក៏បានចងសម្ពន័មិត្តដ៏ល្អសំរាប់ជួយគ្នាទៅវិញទៅមក ។
លោកអភិបាលរងខេត្តប្រចាំការមានប្រសាសន៍អះអាងថា៖ រាល់សំណូមពរដែល អភិបាលខេត្តស្ទឹងត្រែងបានស្នើសុំ លោកនឹងរាយការណ៍ជូនទៅអភិបាលខេត្តខាញ់ហ័រ និង រៀបចំគម្រោងដោះស្រាយឲ្យបានឆាប់ ចំពោះការបញ្ជូនសិក្ខាកាមមកបំពេញកម្មសិក្សា និងជំរុញឲ្យបានតាមសំណូមពរ និងអំពីបរិមាណនៃសិក្ខាកាមរបស់ សាលាពេទ្យលោកនិងរៀបចំពិភាក្សាឲ្យបានសមរម្យនិងផ្តល់ព័ត៌ជូនឲ្យបានឆាប់ ដើម្បីមកសិក្សានៅខេត្តខាញ់ហ័រ។
លោក ទន វុទ្ធី អនុប្រធានមន្ទីរសុខាភិបាលខេត្ត សំដែងការគាំទ្រចំពោះថ្នាក់ដឹកនាំខេត្តខាញ់ហ័រប្រទេសវៀតណាម បានទទួលយកនូវសំណូមពរ ពីឯកឧត្តមអភិបាលខេត្តស្ទឹងត្រែង ហើយកាតព្វកិច្ចនេះ ជួយ ជម្រុញឲ្យផ្នែកសុខាភិបាលនៅខេត្តស្ទឹងត្រែង កាន់តែទទួលបានឯកទេសជំនាញផ្សេងៗ សំរាប់បំរើការ ជួយដ ល់ផ្នែកសេវាសុខាភិបាលជូនប្រជាពលរដ្ឋ ទទួលបានទាំងបរិមាណទាំងគុណភាព ៕