ខេត្តពោធិសាត់ ថវិកាចំនួន៤លានរៀល ដែលជាថវិការបស់ឯកឧត្តម ឧត្តមសេនីយ៍ឯក នេត សាវឿន អគ្គស្នងការនគរបាលជាតិ ជូនដល់នគរបាលការពារព្រំដែនរងគ្រោះដោយសារជាន់មីនដាច់ជើង ខណៈដើរល្បាតនៅ ឃុំថ្មដា ស្រុកវាលវែង ខេត្តពោធិសាត់ ។
ឯកឧត្តម ឧត្តមសេនីយ៍ឯក ហ៊ូ សុគន្ធ ប្រធាននាយកដ្ឋានកណ្តាល នគរបាលការពារព្រំដែនគោកនិងជាតំណាងដ៍ខ្ពង់ខ្ពស់ របស់ឯកឧត្តម ឧត្តមសេនីយ៍ឯក នេត សាវឿន អគ្គស្នងការ នគរបាលជាតិ ឯកឧត្តម ហ៊ូ សុគន្ធ បាននាំយកថវិកាផ្ទាល់របស់ឯកឧត្តម ឧត្តមសេនីយ៍ឯក នេតសាវឿន ចំនួន៤លានរៀល ជូនដល់ដៃក្រុមគ្រួសារលោក យ៉ង់ ម៉ិច ភេទប្រុស អាយុ៥១ឆ្នាំ ជានរគរបាល ការពារព្រំដែនគោកនៅឃុំថ្មដា ស្រុកវាលវែង ខេត្តពោធិសាត់ នៅព្រឹកថ្ងៃទី៥ ខែមិថុនា ឆ្នាំ២០១៤នេះ ។
ឯកឧត្តម ហ៊ូ សុគន្ធ បានពាំនាំនូវការផ្តាំផ្ញើ សួរសុខទុក របស់ឯកឧត្តម ឧត្តមសេនីយ៍ឯក នេត សាវឿន ចំពោះក្រុមគ្រួសារវរៈយុទ្ធជន នគរបាលការពារព្រំដែនគោក ឯកឧត្តមបានផ្តាំផ្ញើ ដល់ក្រុមគ្រួសាររងគ្រោះថា នេះជាអំណោយដ៍ថ្លៃថ្លា ដែលថ្នាក់ដឹកនាំនគរបាល បានជូនដល់ ក្រុមគ្រួសារជនរងគ្រោះ ក្នុងពេលបំពេញបេសកម្មជូនជាតិ ។
នាឱកាសនោះ ក្រុមគ្រួសារជនរងគ្រោះ បានថ្លែងអំណរគុណយ៉ាងជ្រាលជ្រៅ ចំពោះការយកចិត្តទុកដាក់ ពីសំណាក់ថ្នាក់ដឹកនាំនគរបាលជាតិ និងថ្នាក់ខេត្ត ដែលតែងតែជួយដោះស្រាយ រាល់ការលំបាករបស់ប្រជាពលរដ្ឋ ទាន់ពេលវេលា ដោយមិនប្រកាន់វណ្ណៈ ៕ 
