កំពង់ធំៈ ដើម្បីឲ្យកងកម្លាំងមានភាពរ៉ឹងប៉ឹង មាំមួន ទាំងសុខភាព វិជ្ជាជីវៈ និងបទពិសោធន៍ ក្នុងយុទ្ធសាស្រ្តការពារជាតិមាតុភូមិ ក្នុងនាមជាកងយោធពលខេមរភូមិន្ទ ចាំបាច់បំផុតត្រូវមានការ ហ្វឹកហ្វឺនហាត់ពត់លុតដំខ្លួន ត្រៀមទទួល នូវបទបញ្ជាពីថ្នាក់លើ ដើម្បីទទួលខុសត្រូវលើសភាពការណ៍នានា ដើម្បីការពារសន្តិសុខជាតិ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានបើកកិច្ចប្រជុំផ្ទៃក្នុងមួយ ដែលមានការចូលរួមជាមួយនិងមេបញ្ជាការង នាយសេនាធិការ ការិយាយល័យ អង្គភាព ចំណុះឲ្យតំបន់ប្រតិបត្តិការសឹក រងកំពង់ធំ ដើម្បីពិភាគក្សាលើខ្លឹមសារ៣ចំនុច ដែលត្រូវតែអនុវត្ត ទី១ ស្តីពីផែនការត្រៀមសិក្ខាកាម ចូលរួមហ្វឹកហ្វឺន ប្រចាំឆ្នាំ២០១៧ ដែលត្រូវបានធ្វើឡើងនៅ ភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។
ទី២ ក្រោយពីហ្វឹកហាត់អស់រយះពេលដែលបានកំណត់ សិក្ខាកាមទាំងអស់ ត្រូវបានចាត់តាំងឲ្យធ្វើយុទ្ធដំណើរទ័ព ដោយចេញពីគោលដៅតំបន់សឹក កាត់វាលលំហរ កាត់ព្រៃ អូស្ទឹង បឹងបួរ ភ្នំ ក្នុងរយះពេលដែលបានកំណត់ ស្របតាមភូមិសាស្ត្រ និងចម្ងាយផ្លូវសមស្រប ដើម្បីឲ្យមានបទពិសោធណ៍ពិតៗ នៃការធ្វើសឹកសង្រ្គាម។
ឯកឧត្តម ឧត្តមសេនីយ៍ត្រី សោម ស៊ុន បានបញ្ជាក់ថា ក្រោយពីទ័ពទាំងអស់ឆ្លងកាត់ការហ្វឹកហ្វឺន រួម នឹងមានការជួសជុលទំនប់បាញ់ស៊ីប ដើម្បីការពារសុវត្តិភាព ចៀសវាងមានឧបទ្វហេតុកើតឡើង ហើយនិងធ្វើសំណើរសុំការអនុញ្ញាត្តិពីថ្នាក់លើដើម្បីបាញ់ស៊ីបគ្រាប់ពិតប្រភេទអាវុធគាំទ្រថ្មើរជើង ដែលការរៀបចំបាញ់ស៊ីនេះ ត្រូវបានធ្វើឡើងជារៀងរាល់ឆ្នាំ។
ដោយ ប៊ុន រដ្ឋា
