តើលលោកអ្នក ធ្លាប់ឮពាក្យ ដែលគេតែងតែនិយាយថា បើចង់ចាប់ផ្ដើមថ្ងៃថ្មី ដោយរីករាយ និងដើម្បីសុខភាពល្អនោះ មិនបាច់ស្វែងរកវិធី នៅឯណាឆ្ងាយទេ គឺត្រូវចាប់ដើម្បី នៅក្នុងបន្ទប់គេង និយាយរួម «រួមរ័កនៅពេលព្រលឹម»។ ការស្រាវជ្រាវក៏បានណែនាំថា មនុស្សពេញវ័យ ដែលចាប់ផ្ដើមថ្ងៃថ្មី ដោយរួមសិចនៅពេលព្រលឹម នឹងមានអារម្មណ៍ស្រស់ស្រាយ និងសុខភាពល្អ ជាងអ្នកដែល ជ្រើសយក ការញ៉ាំតែឬកាហ្វេមួយពែង និងនំប្រៃមុនពេល ចេញពីផ្ទះ។
បើតាមការស្រាវជ្រាវ មួយបង្ហាញថា មនុស្សដែលបានរួមភេទ នៅពេលព្រឹក នឹងទទួលបាន អារម្មណ៍ស្រស់ស្រាយ ពេញមួយថ្ងៃ ហើយគុណប្រយោជន៍ មួយទៀត គឺជួយពង្រឹងប្រព័ន្ធ ភាពស៊ាំឱ្យកាន់តែខ្លាំងផងដែរ។ ការស្រាវជ្រាវឲ្យដឹងទៀតថា សារធាតុគីមីដែល បញ្ចេញអំឡុងពេល រួមរ័កនាពេលព្រឹកនោះ អាចជួយស្ទួយសុខភាព និងធ្វើឱ្យអារម្មណ៍ អ្នកស្រស់ស្រាយ ពេញមួយថ្ងៃ។
សិចពេលព្រលឹម ជួយអ្នកមិនឱ្យរងអាការៈ ផ្ដាសាយដោយងាយ ថែមទាំងជួយដល់ សុខភាពសក់ ស្បែក និងក្រចកទៀតផង។ វេជ្ជបណ្ឌិត Debby Herbenick អ្នកវិទ្យាសាស្ត្រ សញ្ជាតិអាមេរិក បានមានប្រសាសន៍ថា ការរួមសិចនៅពេលព្រឹក អាចជួយបញ្ចេញ សារធាតុអុកស៊ីតូស៊ីន ដែលធ្វើឱ្យមនុស្ស មានអារម្មណ៍ល្អ។ លោកបន្ថែមថា «វាក៏ជួយធ្វើឱ្យនាក់មានកម្លាំងរឹងមាំ និងកាន់តែស្រស់ស្អាត។
សិចពេលព្រលឹម អាចពង្រឹងប្រព័ន្ធភាពស៊ាំ របស់អ្នកការពារ ការឆ្លងរោគផ្សេងៗ ហើយវាបញ្ចេញនូវសារធាតុគីមី ដែលជួយធ្វើឱ្យស្បែករលោង និងមានសំណើម ថែមទាំងពង្រឹងសុខភាព សក់ផងដែរ»។ លើសពីនេះទៅទៀតនោះ ការសិក្សាមួយផ្សេងទៀត បានរកឃើញថា ការរួមសិច៣ដងក្នុងមួយសប្ដាហ៍ អាចជួយកាន់បន្ថយអត្រា គ្រោះថ្នាក់នៃជំងឺគាំងបេះដូង និងដាច់សរសៃឈាម ចំណែកឯ បុរសដែលរួមភេទជាប្រចាំ នៅវ័យ៥០ឆ្នាំ អាចជួយកាត់បន្ថយ អត្រាគ្រោះថ្នាក់នៃ ជំងឺមហារីកក្រពេញប្រូស្តាត៕