ក្រុមហ៊ុន អាំង អេន អាសូស៊ីអេត ឡយ័រ បានរៀបចំបដិសណ្ឋាកិច្ច យ៉ាងកក់ក្តៅ ទទួល តំណាងរាជរដ្ឋាភិបាល ក្នុងដំណើរទស្សនៈកិច្ចអញ្ជើញមកពិនិត្យ គំរោងអភិវឌ្ឍ សាងសង់ វ៉ារីអគ្គិសនី សេសានក្រោមទី២ ស្ថិតនៅ ដងទន្លេសេសាន ចំនុចប្រសព្វ រវាង ទន្លេស្រែពក និង
ទន្លេសេសាន ក្នុងភូមិសាស្ត្រ ភូមិភ្លុក ឃុំភ្លុក ស្រុកសេសាន ខេត្តស្ទឹង ត្រែង កាលពីថ្ងៃទី០៨ ខែមិថុនា ឆ្នាំ២០១៤។ ដំណើរបេសកកម្មនេះ អមដំណើរឯកឧត្តម្ភ ឧបនាយករដ្ឋមន្ត្រី រដ្ឋមន្ត្រីប្រចាំការ ដំណាងសម្តេចតេជោ ហ៊ុន សែន នាឱកាសនេះរួម មានឯកឧត្តម្ភ អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកឧត្តម្ភ អិត ប្រាំង រដ្ឋលេខាធិការ ក្រសួងរ៉ែ និង ថាមពល និងឯកឧត្តម្ភតំណាងស្ថានទូតចិន ប្រចាំកម្ពុជា ព្រមទាំង ឯកឧត្តម្ភ ជារដ្ឋលេខាធិការ អនុរដ្ឋលេខធិការ បណ្តាក្រសួងពាក់ព័ន្ធ ក៏មានការ អញ្ជើញចូលរួម ផងដែរពីសំណាក់ អាជ្ញាធរខេត្តស្ទឹងត្រែង តាមបណ្តាមន្ទីរអង្គភាពពាក់ ព័ន្ធ។
ឯកឧត្តម្ភ ឧបនាយករដ្ឋមន្ត្រី គាត ឈន់ បន្ទាប់ពី សាកសួរ អំពីការងារបច្ចេកទេស ពាក់ព័ន្ធគំរោងការអភិវឌ្ឍសាងសង់ វារីអគ្គីសនី យ៉ាងលំអិតពិស្តា រួចមក ឯកឧត្តម្ភបាន វាយតំលៃថា ថ្នាក់ដឹកនាំក្រុមហ៊ុន អាំង អេន អាសូស៊ីអេត ឡយ័រ ពិតជាមានខិតខំប្រឹង ប្រែង ពុះពារ គ្រប់ឧបសគ្គ ទើបធ្វើឱ្យគំរោងការ អភិវឌ្ឍសាងសង់នេះ ទទួលបានជោគជ័យ ទៅតាម ផែនការដែលបានគ្រោងទុក។ ឯកឧត្តម្ភក៏បាន ណែនាំដល់ក្រុមហ៊ុនផងដែរថា ធ្វើ យ៉ាងណា ឱ្យស្តាប់ដង្ហើម យ៉ាងយកចិត្តទុកដាក់ របស់ប្រជាពលរដ្ឋ ដោះស្រាយផលប៉ះ ពាល់ឱ្យបានល្អ ដូចធ្លាប់អនុវត្តកន្លងមក ជៀសវាងកុំឱ្យ ជនទុច្ចរិច ឈ្លាតឱកាស វាយ ប្រហារ គំរូដ៏ល្អរបស់យើងបាន។
តំណាងក្រុមហ៊ុន បានធ្វើសេចក្តីរាយការណ៍ អំពីការដោះស្រាយគោលនយោបាយ ជូនប្រជាពលរដ្ឋ បានជិត៨០០គ្រួសារ ហើយទៅលើប្រជាពលរដ្ឋ នៅចំនួន៣ឃុំគឺ ឃុំភ្លុក ឃុំស្រែគរ និងឃុំក្បាលរមាស ។
ក្រុមហ៊ុនក៏បានបញ្ជាក់អំពី ផែនការ អភិវឌ្ឍសំរាប់បើកការដ្ឋាន ចាក់បេតុង សាង សង់តួទំនប់ ក្នុងបាតទន្លេ នាថ្ងៃទី០១ ខែមករា ឆ្នាំ២០១៥ មានដូចជា ការសាងសង់ផ្លូវ ក្រាលកៅស៊ូ ពីផ្លូវជាតិលេខ៧៨ ចូលទៅប្រវែងជាង១៧គីឡូម៉ែត្រ បានរួចរាល់អាចដឹក ជញ្ជូនសំភារៈ ចូលទៅផ្គត់ផ្គង់ការដ្ឋានបានហើយ ហើយ ក៏មានកសាងស្ពានបណ្តែតទឹក ឆ្លងទន្លេសេសានបាន ចម្លងគ្រឿងចក្រដឹកជញ្ជូនសម្ភារៈ គ្រប់ប្រភេទ ផងដែរ។ ហើយកិច្ច ការពិសេសមួយទៀតគឺ ក្រុមហ៊ុនបានកំពុងតែ ជីកធ្ចើប្រឡាយបង្វៀងទឹកទន្លេ ធម្មជាតិ ដើម្បីយកចំនុចទន្លេធម្មជាតិ នោះធ្វើជា ទំនប់ផលិតវារីអគ្គិសនី ជាមួយនេះក្រុមហ៊ុនក៏បាន រៀបចំរួចជាស្រេច នៅរោងចក្រកិនថ្ម ការដ្ឋានផ្គត់ផ្គង់វត្ថុធាតុដើម និងមានសាងសង់ផ្ទះ កម្មករស្នាក់នៅ និងតម្លើង អង់តែន ផ្គត់ផ្គង់សេវាទូរស័ព្ទ សេវា internet និងសេវាវទ្យុទាក់ ទងដើម្បីងាយស្រួល ដល់កំលាំងវិស្វករ និងកម្មករ ទាំងអស់ងាយស្រួល។ ក្រុមហ៊ុនបាន បញ្ជាកើចុងក្រោយថា គំរោងវារីអគ្គិសនីសេសានក្រោមទី២នេះ ជាគំរោងធំជាងគេនៅ កម្ពុជា មានកំលាំងថាមពល ដល់ទៅ៤០០មេហ្កាវាត់។ ក្រុមហ៊ុនបានអះអាងថា គំរោងការ សាងសង់នេះអាចរួចរាល់ផ្គត់ផ្គង់បាននៅឆ្នាំ២០១៧ខាងមុខនេះ។
សូមរំលឹកផងដែរថា គំរោងការសាងសង់វារីអគ្គិសនី សេសានក្រោមទី២នេះ គឺមាន ការ ឯកភាព ទាំងស្រុង ពីរាជរដ្ឋាភិបាល និងរដ្ឋសភា ព្រឹទ្ធសភា ក៏បានអនុម័ត ព្រមទាំង ព្រះមហាក្សត្រ ក៏បានឡាយព្រះហស្ថលេខា រួចហើយផងដែរ៕
