កំពង់ស្ពឺ៖ ពិនិត្យសកម្មភាពការងារប្រចាំថ្ងៃរបស់អង្គភាពកងពលតូចលេខ៣១ ដែលមានមូលដ្ឋានឈរជើង ស្ថិតក្នុងភូមិ សាស្ត្រឃុំអូរ ស្រុកភ្នំស្រួច ខេត្តកំពង់ស្ពឺ នាយទាហ៊ានជាន់ខ្ពស់ នៃអគ្គបញ្ជាការ កងយោធពលខេមរៈភូមិន្ទ ដឹកនាំដោយ ឯកឧត្តម នាយឧត្តមសេនីយ៏ គីម ប៊ុនថាន អគ្គមេបញ្ជាការរង ព្រមទាំងនាយទាហានជាន់ខ្ពស់មួយចំនួនទៀត បានអញ្ជើញចុះសួសុខទុក្ខ និងពិនិត្យសកម្មភាពការងារប្រចាំថ្ងៃរបស់អង្គភាពកងពលតូចលេខ៣១ ដែលមានមូលដ្ឋានឈរជើង ស្ថិតក្នុងភូមិ សាស្ត្រឃុំអូរ ស្រុកភ្នំស្រួច ខេត្តកំពង់ស្ពឺ។
ឯកឧត្តមនាយឧត្តមសេនីយ៏ គន់ គីម បានពិនិត្យអាគារស្នាក់នៅ អាគាររោងបាយរបស់អង្គភាពដោយផ្ទាល់ ហើយមេបញ្ជាការត្រូវបានសាកសួរជុំវិញពីជីវភាពរស់នៅប្រចាំថ្ងៃ ការលំបាកផ្សេងៗ ការបើកប្រាក់ខែ ព្រមទាំងការហូបជាក់ស្តែង ថាតើមុខម្ហូប និងគុណភាពអង្ករ អាចទទួលយកបានដែរឬទេ? ។
សូមបញ្ជាក់ថា៖ ការចុះពិនិត្យមើលជាក់ស្តែងអំពីជីវភាពយោធិនដោយផ្ទាល់ នៅតាមបណ្តាអង្គភាពយ៉ាងដូច្នេះ បានបញ្ជាក់ពីការយកចិត្តទុកដាក់មួយរបស់ថ្នាក់ដឹកនាំអគ្គបញ្ជាការ ដើម្បីស្វែងយល់អំពីសុខទុក្ខ និងជីវភាពរស់នៅប្រចាំថ្ងៃរបស់កងទ័ព ព្រមទាំងក្រុមគ្រួសារកងទ័ព។
ឯកឧត្តម ឧត្តមសេនីយ៏ឯក ស្រ៊ុន សារឿន មេបញ្ជាការរងកងទ័ពជើងទឹក និងជាមេបញ្ជាការកងពលតូចលេខ៣១ ពីសភាពការណ៏រួមរបស់អង្គភាព ព្រមទាំងការគ្រប់គ្រងដឹកនាំបញ្ជាកងកម្លាំង ការហ្វឹកហ្វឺន ព្រមទាំងសកម្មភាពជាច្រើនទៀត ដែលបំរើឲ្យកិច្ចការពារជាតិមាតុភូមិ តាមបទបញ្ជារបស់ថ្នាក់លើ។
ឯកឧត្តម នាយឧត្តមេសនីយ៏ គន់ គីម បានវាយតម្លៃខ្ពស់ចំពោះស្មារតីលះបង់របស់នាយទាហាន ពលទាហាននៃអង្គភាពកងពលតូចលេខ៣១ ដែលបានពុះពារ ជម្នះគ្រប់ឧបសគ្គ ដើម្បីការពារដែនកោះ ឆ្នេរនៃមាតុភូមិ។ ឯកឧត្តម គន់ គីម ក៏បានលើកឡើងពីស្ថានការណ៏វិវត្តន៏របស់សង្គមជាតិកម្ពុជា នាពេលបច្ចុប្បន្ន ព្រមទាំងផែនការកំណែទម្រង់កងយោធពលខេមរភូមិន្ទ ក្នុងការប្រែក្លាយកងកម្លាំង ជាកម្លាំងរៀបរយ មានគ្រប់លទ្ធភាព ដើម្បីការពារបូរណភាពទឹកដី។
ឯកឧត្តម គន់ គីម ក៏បានផ្តាំផ្ញើដល់នាយទាហាន ពលទាហាន ត្រូវបន្តភារកិច្ចស្នូលរបស់ខ្លួន ក្នុងកិច្ចការពារខ្សែបន្ទាត់ព្រំដែន ការងារហ្វឹកហ្វឺនកសាងប្រភពធនធានមនុស្ស ការគ្រប់គ្រងថែរក្សាសម្ភារៈ គ្រឿងបំពាក់នានា ព្រមទាំងចូលរួមការងារបង្កបង្កើនផល ចិញ្ចឹមសត្វឲ្យបានច្រើន ដើម្បីបង្កើនប្រាក់ចំណូល លើកកម្ពស់សេដ្ឋកិច្ចគ្រួសារ៕
