កាលពីថ្ងៃទី២០មិថុនា ក្រសួងការពារ ជាតិរុស្ស៊ីបានសម្រេចដាក់ពង្រាយយន្ដ ហោះចម្បាំង២០គ្រឿងបន្ថែមទៀត ប្រភេទ Su-27 នៅតំបន់ស្វយ័តគ្រីមៀ ។ សារព័ត៌មានរុស្ស៊ី Ria novosty បាន ផ្សព្វផ្សាយថា នៅចុងឆ្នាំ២០១៤នេះ យន្ដហោះចម្បាំង២០គ្រឿងនឹងត្រូវដាក់ ពង្រាយនៅទីតាំងទ័ពអាកាសបែលប៊ែក នៅតំបន់ស្វយ័តគ្រីមៀសម្រាប់បម្រើ ការក្នុងកងពលការពារដែនអាកាសរុស្ស៊ី។ កន្លងមកនៅទីតាំងទ័ពអាកាសបែល ប៊ែកមានយន្ដហោះចម្បាំងរុស្ស៊ីរហូត ដល់ទៅ៥០គ្រឿងនៅទីនោះ ក្នុងនោះ មានទាំងយន្ដហោះចម្បាំង Mic-29 របស់ ទាហានអាកាសអ៊ុយក្រែនផងដែរ ។
បច្ចុប្បន្នការផ្ដល់យន្ដហោះចម្បាំងឱ្យទៅ កម្លាំងទាហានអ៊ុយក្រែនត្រូវបានបញ្ចប់ ។ សារព័ត៌មានខាងលើបានផ្សព្វផ្សាយ ថា បច្ចុប្បន្នអាកាសយាននិករុស្ស៊ីជាអ្នក បញ្ជាយន្ដហោះចម្បាំងទាំងនោះ ចំណែក អាកាសយានិកអ៊ុយក្រែនត្រូវបានចាក ចេញពីតំបន់ស្វយ័តគ្រីមៀ ។
កម្លាំង ទាហានអាកាសរុស្ស៊ីបានចាប់ផ្ដើមហ្វឹក ហ្វឺនទាហានដែលឈជើងនៅទីនោះក្នុង រយៈពេលកន្លះឆ្នាំ ។ ការដែលដាក់ពង្រាយយន្ដហោះចម្បាំង Su27 នៅតំបន់ស្វយ័ត្នគ្រូមៀគឺដើម្បី គ្រប់គ្រងសន្ដិសុខសុវត្ថិភាពដល់ទឹកដី គ្រីមៀដែលស្ថិតក្នុងអធិបេតយ្យភាព របស់រុស្ស៊ីក៏ដូចជាបង្កើនវត្ដមានរបស់ ទាហានរុស្ស៊ីនៅតំបន់សមុទ្រខ្មៅនិង សមុទ្រមេឌីទែរ៉ាណេ ។ កន្លងមករុស្ស៊ីក៏បានបញ្ជូនក្រុមទ័ព អាកាសពិសេសទៅសម្ដែងនៅស្វយ័ត គ្រីមៀក្នុងពិធីខួបជ័យជម្នះហ្វាស៊ីសថ្ងៃ ទី៩ ឧសភា
