នៅថ្ងៃទី១១ខែមិថុនាឆ្នាំ២០១៤ឯកឧត្តម ម៉ៅ ធនិន អភិបាលនៃគណអភិបាលខេត្តពោធិសាត់បានដឹកនាំកំលាំងមន្ត្រីរាជការតាមស្ថាបន័មន្ទីរនានាជុំវិញខេត្តនិងលោកអភិបាលស្រុកបាកានលោកមេឃុំខ្នារទទឹងនិងកងកំលាំងប្រដាប់អាវុធនិងប្រជាពលរដ្ឋភូមិក្រូចសើចនិងភូមិផ្ទះស្លា បានអញ្ជើញចុះជួយសន្ទូង ប្រជាពលរដ្ឋក្នុងភូមិផ្ទះស្លា ឃុំខ្នារទទឹង ស្រុកបាកាន ។
លោក ឡាយ វិសិដ្ឋ ប្រធានមន្ទីរ កសិកម្មខេត្តពោធិ៍សាត់បានជំរាបជូន ថា ថ្ងៃនេះ ឯកឧត្តម ម៉ៅធនិនអភិបាលខេត្តដែលនិងទើបតែតាំងថ្មីជំនួសឲ្យឯកឧត្តម ខូយ សុខា អភិបាលខេត្តចាស់ ដែលត្រូវទទួលតួរនាទីថ្មីជាប្រធានក្រុមប្រឹក្សាខេត្តដែលឯកឧត្តមចង់ឲ្យប្រជាពលរដ្ឋក្នុងខេត្តពោធិ៍សាត់ទាំងមូលបានស្គាល់និងចង់ដឹងអ្វីដែលជាតម្រូវការចាំបាច់ របស់ប្រជាពលរដ្ឋនៅតាមមូលដ្ឋាន ។ លោកបានមានប្រសាសន៏ថា ឆ្នាំនេះប្រជាពលរដ្ឋទូទាំងខេត្តពោធិ៍សាត់ ការភ្ជួរាស់សម្រេចបាន ៩៤៣ហិកតា សាបសារុប ១៨៨ហិកតា សន្ទូងនិងពង្រោះសម្រេចបាន
៣៨៤៦០ហិកតាកិតជាភាគរយសម្រេចបាន ៣៨,៤៦% ឆ្នាំនេះមានការកើនឡើងជាងឆ្នាំមុន២៤៣៩៣ហិកតា ក្នុងនោះស្រុកបាកានម្រេចបាន ២៦,៦៣១ហិកតា ។
ឯកឧត្តម ម៉ៅ ធនិន បានសម្តែងការកោតសរសើរដល់ប្រជាពលរដ្ឋយើងមានភាពសស្រាក់ក្នុងការប្រកបមុខរបបរធ្វើស្រែដើម្បីដោះស្រាយជីវភាពរស់ឲ្យមានភាពធូធាររួមចំណែកក្នុងបន្ថយបាននូវភាពក្រីក្ររបស់យើងនៅតាមមូលដ្ឋាន ឯកឧត្តមបានផ្តល់នូវអនុសាស្ត្រថ្មីៗ ដើម្បីឲ្យតម្លៃស្រូវលក់ចេញបានថ្លៃដោយមិនចាំបាច់ដឹកយកទៅលក់នៅទីណាឆ្ងាយនោះទេ សព្វថ្ងៃរោងម៉ាស៊ីនកិនស្រូវក្នុងស្រុកបាកាននេះមានរោងម៉ាស៊ីនកិនស្រូវច្រើនណាស់ ដែលយើងត្រូវកិច្ចសន្យាលក់ជាមួយម៉ាស៊ីនទាំងនោះប៉ុន្តែប្រជាកសិករយើងក៏ត្រូវសំរិទ្ធសំរាំងពូជឲ្យបានសុតល្អគ្រប់អង្ករមិនបាក់តម្រូវទៅតាមស្តង់ដានៃការនាំចេញនោះយើងនិងទទួលបានតម្លៃស្រូវក្នុង តម្លៃសមស្រប រវាងអ្នកផលិត និងឈ្មួញដែលជាអ្នកទិញ ។ឯកឧត្តម អភិបាលខេត្តបានចែកសារុងជូនប្រជាពលរដ្ឋយើងដែលចុះជួយស្ទូងម្នាក់ៗទទួលបាននូវសារុងមួយផងដែរ
ក្នុងការចុះជួយស្ទូងនេះបានសម្រេចលើផ្ទៃដី ១ហិកតា៨០អារ។
