ប្រទេសថៃ៖ សេចក្តីរាយការណ៍ នៅព្រឹកថ្ងៃទី១២ មិថុនាឆ្នាំ ២០១៤ ពីលោក វ៉ាន់ភព ឆឺមផាន់ នាយក អ.ប.ត រស់នៅ ស្រុកចេតីយ៍ ខេត្តសុផាន់បុរី ថា មានលោកអនុសេនីយ៍ ម្នាក់ដែលជាអតីតទាហានសម័យសង្គ្រាម វៀតណាម បានអញ្ជើញឲ្យគាត់ទៅធ្វើជាអធិបតី នៃពិធីបុណ្យសពរបស់ខ្លួន ដែលបានចាត់ពិធីឡើងនៅក្នុងបរិវេណសាលាឆាន់ វត្តសុផាន់ណាឌី ស្ថិតនៅក្នុងឃុំ តាលិងឆាន់ ទើបលោកបានទៅចូលរួមក្នុងពិធីបុណ្យ ដែលត្រូវបានរៀបចំឡើង ដូចពិធីបុណ្យសពគ្រប់យ៉ាង ដែលមានការដាក់តាំងក្តាមឈូស ព្រមទាំងផ្កាតុបតែងលំអរយ៉ាងស្អាត មានព្រះសង្ឃសូត្រមន្តដូចពិធីបុណ្យសព្វ ។
ក្រោយមកអតីតនាយទាហាន សម័យវៀតណាបានឡើងទៅទីតាំងដាក់ក្តាមឈូស ហើយបានចូលដេកដូចជាសាកសព ហើយបាននាំ គ្នាដង្ហែរជុំវិញ៣ជុំមានព្រះសង្ឃ២១អង្គ ជីវប្រវត្តរបស់គាត់បានកន្លងមក ធ្លាប់ជាទាហានរក្សាព្រះរាជវាំង និងធ្លាប់ឆ្លងកាត់សមរភូមិ សង្គ្រាមវៀតណាម និងសង្គ្រាមគូរ៉េ ហើយបានចូលនិវត្តន៍រាជកាល ព្រមទាំងបានទទួលពានរង្វាន់ និងមេដៃជាច្រើន នៃអាយុកាលរាជការ កន្លងមក បានធ្វើឲ្យលោកមានកត្តិយស់ ខ្ពង់ខ្ពស់របស់ក្រុមគ្រួសារ ។
សម្រាប់មូលហេតុដែល បានរៀបចំពិធីបុណ្យសពខណៈពេលដែលគាត់កំពុងតែមានជីវិតរស់នៅនោះ ដោយសារខ្លួនរបស់លោកមាន អាយុច្រើនហើយ ព្រមទាំងមិនដឹងថា នឹងស្លាប់នៅថ្ងៃណា ហេតុដូច្នេះនៅពេលដែលមានជីវិតរស់នៅ ទើបចង់រៀបចំបុណ្យសពឲ្យខ្លួនឯងជាមុន ព្រមទាំងបរិច្ចាកករាងកាយឲ្យទៅសាលារៀនពេទ្យ ដោយគិតថាការបរិច្ចាកនេះ
ខណៈពេលដែលមានជីវិតរស់នៅ គឺបានធ្វើ ឲ្យមានសេចក្តីត្រេតអរ និងបានទទួលកុសលផលបុណ្យ អ្វីដែលសំខាន់នោះគឺបានឃើញថា ការរៀបចំបុណ្យសពនេះ និងបានឃើញថា មានសាច់ញ្ញាតិ បងប្អូនណាខ្លះមកចូលរួម ព្រោះថានៅពេលដែលស្លាប់ទៅហើយនោះ កូនចៅមកក៏មិនឃើញ ។ ចំណែកក្តាមឈូស ត្រូវបាននាំទៅទុកក្នុងបន្ទប់ដេកនៅឯផ្ទះ ។ 
