ខេត្តប៉ៃលិន៖ ពលករខ្មែរចំណាកស្រុកដែលទៅរកការងារធ្វើនៅប្រទេសថៃ ជាច្រើនរយនាក់ត្រូវបានអាជ្ញាធរនិងសមត្ថកិច្ចថៃចាប់់បញ្ជូន មកទម្លាក់ចោលដូចសត្វ នៅលើទឹកដីរបស់ខ្លួន ជាប់ព្រំប្រទល់ច្រកទា្វរអន្តរជាតិព្រំខេត្តប៉ៃលិន ពុំបានប្រគល់់ឲ្យអាជ្ញាធរកម្ពុជាឡើយ គឺឲ្យ
ពួកគាត់ដើរឆ្លងកាត់ច្រកទ្វារព្រំដែនដោយខ្លួនឯង ព្រមទាំងតំរួវឲ្យពួកគាត់បង់ប្រាក់ចំនួន២០០បាត(ប្រាក់ថៃ) ដើម្បីចូលមកទឹកដីកម្ពុជាវិញ ។ ដែលហេតុការណ៏នេះ មានរយៈពេល៣ថៃរួចមកហើយ ចាប់តាំងពីព្រឹកថ្ងៃទី៩ រហូតមកដល់ថ្ងៃទី១១ មិថុនា ២០១៤ នេះនិងមានបន្តទៀត ស្ថិតក្នុងភូមិផ្សាព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ពលករខ្មែរជាច្រើននាក់់ដែលធ្វើចំណាកស្រុក រកការងារធ្វើនៅប្រទេសថៃបានរៀបរាប់់ថាអាជ្ញាធរនិងសមត្ថកិច្ចថៃដែល មានវិធានការដេញពលករខ្មែរទោះបីជាស្របច្បាប់់ឬមិនស្របច្បាប់់ ឲ្យចេញពីទឹកដីរបស់់ខ្លួនដោយបានប្រើប្រាសនូវអំពើហិង្សាដូចជាប្រ ជាពលរដ្ឋខ្មែររឹងទទឹងឬរត់់គេចត្រូវវាយដំឬបាញ់់សម្លាប់់ដូចសត្វ ធាតុសូម្បីតែដឹកជញ្ជូនតាមរថយន្តតូចៗមកគរជើងលើគ្នា។ ប្រភពបន្តថា ពួកខ្លួនខ្លះ ត្រូវកងទ័ពថៃ ដេញបាញ់ និងចាប់បញ្ជូនឲ្យធ្វើមាតុភូមិនិវត្តទាំងស្របច្បាប់ទោះជាមាន ប៉ាស្ព័រក៏ដោយក៏គេចាប់ហែកចោលនិងបញ្ជូនមកវិញទាំងខុសច្បាប់ផងដែរ។ ខ្លះទៀតឲ្យដឹងថា ពួកគាត់ធ្វើដំណើរមកកម្ពុជាវិញដោយខ្លួនឯង មិនមានអ្នកណាចាប់ឫដេញបាញ់នោះទេ គឺដោយសារពួកគាត់មានការភ័យខ្លាច ហើយឃើញក្រុមពលករគេរត់ក៏រត់តាមគេមក ។ ប្រភពបន្តទៀតថា ពួកខ្លួនត្រួវបានតម្រួតថៃ ដឹកតាមរថយន្តទំលាក់ចោលនៅព្រំដែន ហើយឲ្យពួកខ្លួនដើរឆ្លងដែនមកខ្មែរដោយខ្លួនឯង និងត្រួវបង់ឲ្យអ្នកយាមដែលជាជនជាតិខ្មែរ ធ្វើការឲ្យថៃក្នុងម្នាក់២០០ទៅ៣០០បាត(ប្រាក់ថៃ) ។ ទើបគេឲ្យចេញ បើមិនដូច្នោះទេ គេមិនឲ្យចេញទេ ។ក្រុមពលករបាននិយាយទៀតថាពួកគេបាន បង់លុយពី៣០០បាតទៅ៥០០បាតឲ្យសមត្ថកិច្ចនៅតាមច្រករបៀងទើបបានចូល ទៅរកការងារនៅប្រទេសថៃ។
ទាក់ទិនបញ្ហាខាងលើនេះ លោកទី សុខា ប្រធានក្រុមការងារទំនាក់ទំនងព្រំដែនកម្ពុជាថៃ ច្រកទា្វរអន្តរជាតិព្រំ បានមានប្រសាសន៏កាលពីល្ងាចថ្ងៃទី១១ មិថុនា ឲ្យដឹងថា៖ ដោយមានការសហការល្អជាមួយភាគីថៃ ច្រកទ្វារអន្តរជាតិព្រំ គឺមិនមានការបាញ់សម្លាប់ដូចព័ត៌មានមួយចំនួនផ្សាយនោះទេ ។ ដោយលឺថា មានការយកលុយពីពលករខ្មែរ និងក្រោមការបញ្ជាពីឯកឧត្តមប្រធានក្រុមប្រឹក្សាខេត្ត ឲ្យចុះត្រួតពិនិត្យនោះ ខាងលោកក៏សុំសហការជាមួយទាហានថែ ដើម្បីកុំឲ្យមានការបង់ប្រាក់ ព្រមទាំងចាប់មេខ្យល់ដែលជំរិតទាប្រាក់ពីពលករ ទាំងនោះ ។ លោកមានប្រសាសន៏បន្តទៀតថា៖ ពលករខ្មែរដែលសម្រុកចេញពីប្រទេសថែ មកកម្ពុជា ប្រហែល៩០%គឺអត់ច្បាប់ ហើយភាគច្រើនពួកគាត់ទៅរកកាងារធ្វើនៅប្រទេសថៃ គឺទៅតាមមេខ្យល់ ,តាមច្រករបៀងលួចលាក់ ៕
