ភ្នំពេញ៖ បុរសម្នាក់បានរងរបួសបែកក្បែលហូរឈាមធ្ងន់ធ្ងរ ខណៈដែលជិះម៉ូតូមួយគ្រឿង កំពុងធ្វើដំណើរតាមបណ្តោយផ្លូវ ម៉ៅសេទុង ហើយត្រូវរថយន្តមួយគ្រឿងមិនស្គាល់ម៉ាក បានបើកកៀរពីក្រោយបណ្តាលឲ្យដូលនៅនិងថ្នល់ កាលពីវេលាម៉ោង ៩ និង១០នាទីយប់ ថ្ងៃទី១២ខែមិថុនា ឆ្នាំ
២០១៤ ស្ថិតនៅចំណុចមុខសាលា បឋមសិក្សា សន្ធរម៉ុក់ ក្នុងសង្កាត ផ្សារដេប៉ូ ទី២ ខណ្ឌ ទួលគោក ។
តាមប្រភពព័ត៌មាននៅកន្លែងកើតហេតុបានឲ្យដឹងថានៅមុនពេលកើតហេតុ គេបានឃើញ បុរសម្នាក់ជិះម៉ូតូមួយគ្រឿងម៉ាក ហុងដា វេវ អាល់ហ្វារ ពណ៌ខ្មៅ ពាក់ស្លាក់លេខ ភ្នំពេញ 1O- 6628 បានជិះធ្វើដំណើរតាមបណ្តោផ្លូវ ម៉ៅសេទុង ក្នុងទិសដៅពី ត្បូងទៅជើង ខណៈមកដល់ចំណុចកើតហេតុខាងលើ ក៏ស្រាប់តែមានរថយន្តមួយគ្រឿងមិនស្គាល់ម៉ាក ដែលធ្វើដំណើរស្រប់គ្នានោះ មកកៀរបុរសដែលកំពុងជិះម៉ូតូបណ្តាលឲ្យដូលបោកក្បាល នៅនិងថ្នល់ហូរឈាមយ៉ាងធ្ងន់ធ្ងរ ហើយភ្លាមៗនោះរថយន្តបង្កបានដាក់មេប្រូចគេចខ្លួន បាត់ស្រមោលតែម្តង ។
បន្ទាប់ពីកើតហេតុ ជនរងគ្រោះត្រូវបានរថយន្តសាមុយបានមកដឹងយកមន្ទីរ ពេទ្យ ឯកជន ដើម្បី ព្យាបាល រីឯចំណែកម៉ូតូជនរងគ្រោះវិញត្រូវបានសមត្ថកិច្ចមូលដ្ថាន សហការជាមួយសមត្ថកិច្ច ចរាចរណ៏ យករក្សាទុកនៅខណ្ឌទួលគោក និងទំនាក់ទំនង់ទៅកាន់ក្រុមគ្រួសារ ឲ្យមកទទួកយក ម៉ូតូទៅវិញផងដែរ៕
