សារព័ត៌មានក្យូដូកាលពីថ្ងៃទី១១ ខែមិថុនាបានផ្សព្វផ្សាយថា ឧបការីទទួល បន្ទុកពលរដ្ឋជប៉ុនដែលត្រូវកូរ៉េខាងជើង ចាប់ខ្លួនបានប្រកាសឱ្យដឹងថា នាយករដ្ឋ មន្ដ្រីជប៉ុន លោកស៊ីនហ្សូ អាបេ នឹងធ្វើ ទស្សនកិច្ចនៅកូរ៉េខាងជើងដើម្បីដោះ ស្រាយបញ្ហាទាំងនោះ ប្រសិនបើមាន ការចាំបាច់នោះ ។ នៅក្នុងកម្មវិធីទូរទស្សន៍មួយ លោក ហូរូយ៉ា ឧបការីទទួលបន្ទុកពលរដ្ឋដែល ត្រូវចាប់ខ្លួនបានឱ្យដឹងថា “លោកស៊ីនហ្សូ អាបេ បាននិយាយថា លោកត្រៀម លក្ខណៈជួបជាមួយប្រមុខដឹកនាំកូរ៉េខាង ជើងលោកគីម ជុងអ៊ុន ប្រសិនបើរឿង រ៉ាវទាំងឡាយចាំបាច់ត្រូវឱ្យលោកចេញ មុខដោះស្រាយនោះ” ។ លោកហូរូយ៉ា មិនបានបង្ហាញពីពេលវេលានៃការ ប្រកាសពីព័ត៌មានខាងលើ ក៏ដូចជា ពេលណាដែលអាចជួបពិភាក្សានោះ ដែរ។ បញ្ហាពលរដ្ឋជប៉ុនត្រូវកូរ៉េខាងជើង ចាប់ខ្លួនតាំងពីសង្គ្រាមលោកលើកទី២ នៅតែជាប្រធានបទក្ដៅក្នុងទំនាក់ទំនង ប្រទេសទាំងពីរ ។ ភាគីជប៉ុនបានជំរុញឱ្យ កូរ៉េខាងជើងដោះលែងពលរដ្ឋទាំងនោះ ប៉ុន្ដែកូរ៉េខាងជើងមិនយល់ព្រម ដោយ ចោទប្រកាន់អ្នកទាំងនោះថាជាក្រុមចារ កម្ម មិនអាចដោះលែងបានឡើយ
