នៅថ្ងៃទី១២ខែឧសភាឆ្នាំ២០១៤ ក្នុងភូមិពាលញែក២ សង្កាត់ផ្ទះព្រៃ ក្រុងពោធិសាត់ខេត្តពោធិ៍សាត់ បានរៀបចំពិធីបញ្ចុះបឋមសិលា ដើម្បីកសាងការិយាលយ័រដ្ឋសភាពិធីនេះស្ថិតក្រោមអធិបតីភាពឯកឧត្តម ម៉ៅ ធនិន អភិបាលនៃគណអភិបាលខេត្តពោធិ៍សាត់ និងមានការអញ្ជើញ
ចូលរួម ពី ឯកឧត្តម ឡេង ប៉េងឡុង អគ្គលេខាធិការរដ្ឋសភា លោកជំទាវឯមប៉ុណ្ណា ឯកឧត្តម តាន់ គឹមវិន ឯកឧត្តម សារីកោសល្យ សមាជិករដ្ឋសភា និងជាអ្នកតំណាងរាស្ត្រ មណ្ឌលពោធិ៍សាត់ ព្រមទាំងលោកប្រធានមន្ទីរនានាជុំវិញខេត្ត និងមន្ត្រីក្នុងរដ្ឋសភាជាច្រើននាក់ ក៏បានអញ្ជើញចូលរួមក្នុងពេលនោះដែរ ។
លោកពឹទ្ធាចារ្យម៉ៅសោភណ្ឌ័ បានធ្វើការសំបូងសំរូង ដល់ក្រុងពាលី ដែលម្ចាស់ទឹកម្ចាស់ដីទេវតារក្សាទឹកដីនៃខេត្តពោធិ៍សាត់ តាមជ្រោះជ្រង ជ្រលងដងអូរស្ទឹង បឹង ទន្លេ គីរីបុព្វតា សូមមកជួយសន្ធិត និង ថែរក្សា ក្នុងការបើក កាយព្រះធរណី ដើម្បីកសាង ការិយាល័យរដ្ឋសភា
មួយដ៏ថ្មីស្រឡាង លើផ្ទៃដី ទំហំ ១១៥០ម៉ែត្រការ៉េ ដែលមានបណ្តោយ១៦ ម៉ែត្រ និងទទឺង១២ម៉ែត្រឲ្យបានរួចរាល់ជាស្ថាពរក្នុងពេលដ៏ខ្លីនេះ ។ ដើម្បីជួយសម្រួលឲ្យប្រជាពលរដ្ឋនៅគ្រប់មូលដ្ឋានក្នុងខេត្តពោធិ៍សាត់មានភាពងាយស្រួលក្នុងការទំនង ដាក់ពាក្យបណ្តឹងវិវាទផ្សេងៗ
និងប្រមូលបាននូវសុខទុក្ខប្រជាពលរដ្ឋតាមូលដ្ឋានដែលជួបនូវភាពភាពស្មុគ្រស្មាញប្រមូលផ្តុំបានជាមតិដាក់ជូនអ្នកតំណាងរាស្ត្រជួយរកដំណោះស្រាយជូនប្រជាពលរដ្ឋដែលរងគ្រោះ បានទាន់ពេលវេលា ។ តមក ឯកឧត្តម ម៉ៅធនិន ឯកឧត្តម ឡេង ប៉េង ឡុង ឯកឧត្តម តាន់គឹមវិន បានថ្វាយនូវគ្រឿងក្រអូប និងធ្វើពិធីបញ្ចុះបឋមសិលា ដើម្បីចាប់ដំណើការនៃកាេសាងសង់ពីពេលនេះតទៅ ។
