កំពង់ឆ្នាំង៖ សំយាបផ្ទះប្រជាពលរដ្ឋ១ផ្ទាំងបានបានធ្លាក់ដាច់មកដីរងការខូចខាតទាំងស្រុ ង ដោយសាររថយន្តនីសាន់ដឹកត្រី១គ្រឿងដឹកលើសទម្ងន់បែកកង់មុខរេចង្កូតទៅបុកចំពេញទំហឹង។ ករណីគ្រោះថ្នាក់នេះបានកើតឡើងនៅលើផ្លូវជាតិលេខ៥ វេលាម៉ោង៤និង៣០នាទី ទាបភ្លឺថ្ងៃទី១៤ ខែមិថុនា ឆ្នាំ២០១៤ នៅមុខផ្សារព្រៃខ្មែរ ក្នុងភូមិព្រៃខ្មែរ ឃុំរលា ប្អៀរ ស្រុករលាប្អៀរ។ សមត្ថកិច្ចនគរបាលចរាចរណ៍ស្រុករលាប្អៀរបានអោយដឹងថា៖ រថយន្តបង្កហេតុនេះម៉ាកនីសាន់១បាំងកន្លះ ពណ៍ទឹកប្រាក់ ពាក់ស្លាកលេខ ភ្នំពេញ 2-P 7840 បើកបរដោយឈ្មោះ ជា ប៊ុនធឿន អាយុ៣៦ឆ្នាំ រស់នៅភូមិអូរតាប៉ោង ស្រុកបាកាន ខេត្តពោធិ សាត់។
មុនពេលកើតហេតុគេបានបើករថយន្តនេះដឹកត្រីទម្ងន់៣តោនកន្លះមកពីប្រទេស វៀតណាមយកមកលក់នៅក្នុងខេត្តពោធិសាត់ ពេលបើកមកដល់កន្លែងកើតក៏បានផ្ទុះកង់មុខខាងស្តាំហើយបានរេចង្កូតមកឆ្វេងដៃធ្លាក់ចូលលូរួចក្រឡាប់បុកសំយាបមុខផ្ទះប្រជាពលរដ្ឋបាក់ដាច់ធ្លាក់ដីខូចខ្ទីចខ្ទីតែម្តង។ នៅក្នុងហេតុការនេះបានធ្វើអោយធុងដាក់ ត្រីធ្លាក់រប៉ាត់រប៉ាយពេញចិញ្ចើមផ្លូវ ប៉ុន្តែមិនបណ្តាលអោយមានមនុស្សរងរបួសធ្ងន់ទេ។
សមត្ថកិច្ចបានអោយដឹងទៀតថា៖ ប្រសិនបើរថយន្តនេះមិនធ្លាក់ចូលលូទេនោះ រថ យន្តនេះអាចហោះបុកចូលផ្ទះប្រជាពលរដ្ឋមិនខានឡើយ ចំណែកអ្នកជិះក្នុងរថយន្តនិងប្រជាពលរដ្ឋនៅក្នុងផ្ទះ អាចនិងមានគ្រោះថ្នាក់។ ក្នុងហេតុការណ៍នេះម្ចាស់ផ្ទះឈ្មោះ សៅ វ៉េង អាយុ៦១ឆ្នាំ រស់នៅក្នុងភូមិឃុំកើតហេតុបានប្រាប់អោយដឹងថា៖ ការខូចខាតសំ យាបមុខផ្ទះគាត់នេះមានតម្លៃប្រមាណ៦០០ដុល្លា។ ករណីនេះគាត់និងប្តឹងទាមទារសំ ណងពីម្ចាស់រថយន្តបង្កវិញ។
ចំណែកគំរបលូដែលខូតខាតគឺមន្ទីរសាធារណៈការខេត្តនិង មកធ្វើការវាយតម្លៃដើម្បីទារសំណងពីអ្នកបង្កផងដែរ។ នៅព្រឹកថ្ងៃទី១៤ ខែមិថុនា នេះនៅកន្លែងកើតហេតុគេពិនិត្យឃើញ រថយន្តនីសាន់ ១គ្រឿងផ្សេងទៀតត្រូវបានម្ចាស់រថយន្តបង្កជួលមកសាងត្រី ដឹកយកទៅកាន់គោលដៅ ខេត្តពោធិសាត់។ ចំណែករថយន្តបង្កវិញសមត្ថកិច្ចនិយាយថា៖បើគេដោះស្រាយជាមួយ ម្ចាស់ផ្ទះ និងមន្ទីរសាធារណៈការខេត្តរួចនៅកន្លែងកើតហេតុ នោះសមត្ថកិច្ចនិងមិនអូស យកទៅទុកនៅអធិការដ្ឋាននគរបាលស្រុកនោះទេ។
តែបើដោះស្រាយមិនត្រូវគ្នាគឺត្រូវ អូសរថយន្តនេះទៅទុកនៅអធិកាតដ្ឋរននគរបាលស្រុករលាប្អៀរហើយ។ ករណីគ្រោះថ្នាក់នេះត្រូវបានគេនិយាយថា៖មកពីគេដឹកត្រីលើសចំណុះខ្លាំងពេក រថយន្តចំណុះតែ១តោនកន្លះ ដឹករហូតដល់ទៅ៣តោនកន្លះរឿងអីវាមិនបែកកង់ ដាច់ ជន្ទាស បែកប៉ុងអស់ នេះសំណាងហើយមិនគ្រោះថ្នាក់ដល់មនុស្ស៕