កំពង់ឆ្នាំង នៅស្រុកកំពង់ត្រឡាចនិងស្រុកសាមគ្គីមានជ័យ ឯកឧត្តមវេជ្ជបណ្ឌិត អ៊ុយ សំអាត ប្រធាននាយកដ្ឋានគ្រោះមហន្តរាយ កាកបាទក្រហមកម្ពុជា តំណាងអោយសម្តេចគតិព្រឹត្តបណ្ឌិត ប៊ុនរ៉ានី ហ៊ុន សែន បានដឹកនាំអំណោយ របស់កាកបាទ ក្រហម កម្ពុជា ចែកជួនប្រជាពលរដ្ឋ មកពីស្រុកកំពង់ត្រឡាច និងសាមគ្គីមានជ័យចំនួន១៥៣០គ្រួសារ ។
ការចែក អំណោយនេះ មានការចួលរួមពីសាខាគណះកម្មធិការ កាកបាទក្រហមកម្ពុជា ខេត្តកំពង់ឆ្នាំង លោកអភិបាលខេត្ត និងមន្ត្រីរាជការជុំវិញខេត្ត នៅក្នុងភូមិចាន់គៀក ឃុំអូរឬស្សី ស្រុកកំពង់ត្រឡាច។ ឯកឧត្តម ឈួរ ច័ន្ទឌឿន ប្រធានកិត្តិយស សាខាគណះកម្មការ កាកបាទក្រហាមកម្ពុជា ខេត្តកំពង់ឆ្នាំង បានថ្លែងនៅក្នុងពិធីចែកអំណោយនេះ អោយដឹងថា ប្រជាពលរដ្ឋដែលត្រូវទទួលអំណោយក្នុងពេលនេះ មានចំនួន១៥៣០នាក់ ក្នុងនោះមកពី១០ឃុំ និង៤៩ភូមិ ក្នុងស្រុកកំពង់ត្រឡាចមានចំនួន១០៣០នាក់ និងមកពី៦ឃុំ និង ៥៣ភូមិ ក្នុងស្រុកសាមគ្គីមានជ័យ ចំនួន៥០០នាក់ ។
សមាសភាពប្រជាពលរដ្ឋទាំងនោះ រួមមាន៖ អ្នកផ្ទុកជម្ងឺអេដស៏ ចំនួន១៧២នាក់ ចាស់ជរា១០២៧នាក់ កុមារកំព្រា២០៣នាក់ ស្ត្រីមេម៉ាយ ចំនួន១២៣នាក់ ជនពិការ៥នាក់។ អំណោយមនុស្សធម៏ របស់កាកបាទក្រហមកម្ពុជា ដែលត្រូវចែកជូនក្នុងពេលនេះ ក្នុងមួយគ្រួសារៗ ទទួលបានអង្ក២៥គីឡូ មី១កេះ ត្រីខ១០កំប៉ុង ឃីត១កញ្ចប់ ក្នុងនោះមានមុង១ ភួយ១ សារ៉ុង១ ក្រម៉ា១ ។ ដោយឡែកប្រជាពលរដ្ឋ ដែលរងគ្រោះដោយខ្យល់ព្យុះរលំផ្ទះ ចំនួន៤៩គ្រួសារ បានទទួលកៅស៊ូតង់១ផ្ទាំង ក្នុងមួយគ្រួសារៗផងដែរ។ ចំណែកជនពិការចំនួន៥នាក់ ក៏បានទទួលអំណោយរទេះរុញ ក្នុងម្នាក់ៗទៀតដែរ។
ឯកឧត្តមវេជ្ជបណ្ឌិត អ៊ុយ សំអាត បានថ្លែងនៅក្នុពិធីនេះថា កាកបាទក្រហមមកម្ពុជា គឺជាអង្គការមនុស្សធម៏ ចែកអំណោយជូនប្រជាពលរដ្ឋរងគ្រោះ និងជនក្រីក្រជាទូរទៅ ដោយមិនប្រកាន់ពូជសាសន៏ រើសអើង ឬនិន្នាការនយោបាយឡើយ ជាក់ស្តែងក្នុងពេលនេះ ក៏មានបងប្អូនខ្មែរឥស្លាម និងមិនអត់ទេ សមាជិកគណះបក្សនយោបាយផ្សេងៗទៀត ដែលមកទទួលអំណោយក្នុងពេលនេះ ។
ព្រោះថាការស្រង់ស្ថិតិប្រជាពលរដ្ឋក្រីក្រ និងរងគ្រោះ អាជ្ញាធរមូលដ្ឋាន ក៏ដូចជាសាខាកាកបាទក្រហម តាមឃុំនិងស្រុក បានស្រង់យកឈ្មោះជនក្រីក្រពិតប្រាកដ ជាទូរទៅមិនបានសួរនាំពួកគាត់ថា នៅបក្សនយោបាយណាឡើយ គឺត្រូវទទួលបានអំណោយបានដូចៗគ្នាទាំងអស់។
ប្រជាពលរដ្ឋដែលបានទទួលអំណោយទាំងអស់ បានសម្តែងនៅទឹកចិត្តសប្បាយរីករាយចិត្តយ៉ាងខ្លាំង ចំពោះការផ្តល់អំណោយសប្បុរសធម៏ របស់កាកបាទក្រហមកម្ពុជា ដែលដឹកនាំដោយសម្តេច គតិព្រឺត្តបណ្ឌិត ប៊ុនរ៉ានី ហ៊ុនសែន ដែលជានិច្ចជាកាលសម្តេចតែងតែយកចិត្តទុកដាក់ និងសុខទុក្ខប្រជាពលរដ្ឋរងគ្រោះ និងក្រីក្រទុរគត៏ កុមារកំព្រា ជនពិការ មិនភ្លេចឡើយ ៕