ខេត្តកំពត នៅមណ្ឌលពហុកីឡាដ្ឋាន ខេត្តកំពតក្រោមការរៀបចំឡើងដោយ សហព័ន្ធកីឡាបាល់ទាត់កម្ពុជា។ កាលពីរសៀលថ្ងៃទី១៩ ខែវិច្ឆកាឆ្នាំ២០១៧។
មានធ្វើពិធី បើកការប្រកួតបាល់ទាត់ជ្រើសរើសជើងឯកយុវជនអាយុក្រោម១៤ឆ្នាំ និងយុវជនអាយុក្រោម១៦ឆ្នាំ និងធ្វើការប្រកួតជ្រើសរើសជើងឯកបាល់ទាត់នារី ឆ្នាំ២០១៧។
នៅក្នុងឱកាសនោះឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានថ្លើងសន្ទរកថាអោយដឹងថា៖ កម្មវិធីនៃការប្រកួតនេះ គឺពិតជាមានសារៈសំខាន់ក្នុងការដុសខាត់ និងពង្រឹងជំនាញបច្ចេកទេសដល់កីឡាករ និងជាឱកាសសម្រាប់ការអភិវឌ្ឍន៍ធនធានមនុស្សផ្នែកបាល់ទាត់នៃគម្រោងបាល់ទាត់ថ្នាល និងយុវជនសាលាបាល់ទាត់រាជធានី-ខេត្តទូទាំងប្រទេសកម្ពុជា ដូចជាគ្រូបង្ហាត់និងអាជ្ញាកណ្ដាលជាដើម។
ឯកឧត្តមប្រធានសហព័ន្ធកីឡាបាល់ទាត់កម្ពុជា ក៏បានបន្តអោយដឹងទៀតថា៖ក្នុងក្របខ័ណ្ឌនៃការប្រកួតនេះមានរយៈពេលជិត៥ខែ គឺចាប់ពីថ្ងៃទី១៩ខែវិច្ឆកា ឆ្នាំ២០១៧និងបញ្ចប់នៅពាក់កណ្ដាលខែមីនាឆ្នាំ២០១៨ មានក្រុមបាល់ទាត់យុវជនអាយុក្រោម១៤ឆ្នាំនិងអាយុក្រិម១៦ឆ្នាំ រួមនិងក្រុមបាល់ទាត់នារីផងដែរដែលមានចំនួនសរុប៤០ក្រុម មានកីឡាករកីឡាការិនីចូលរួមចំនួនប្រមាណ១០០០នាក់។
ឯកឧត្តម ស៊ាន បូរ៉ាត រដ្ឋលេខាធិការ តំណាងឯកឧត្តមបណ្ឌិតសភាចារ្យ ហង់ ជូនណារ៉ុនរដ្ឋមន្ត្រីក្រសួងអប់រំយុវជននិង កីឡា មានប្រសាសន៍បើកការប្រកួតនេះ ។ដោយបានសំដែងការកោតសរសើរ ដល់សហព័ន្ធកីឡាបាល់ទាត់កម្ពុជា រួមនិងអ្នកពាក់ព័ន្ធ ក្មួយៗកីឡាករ កីឡាការិនីទាំងអស់ ព្រមទាំងអាជ្ញាធរខេត្តកំពត ដែលបានសហការរៀបចំការប្រកួតដ៏មានសារៈសំខាន់នេះឡើង។ ដោយចាត់ទុកកម្មវិធីការប្រកួតនេះស្របទៅនឹងតម្រូវការចាំបាច់នៃការអភិវឌ្ឍហេដ្ឋារចនាសម្ព័ន្ធបាល់ទាត់ទាំងមូល ដែលស្ថិតនៅក្នុងទស្សនវិស័យ និងផែកការយុទ្ធសាស្ត្រដ៏សំខាន់មួយក្នុងចំណោមផែនការមេលើវិស័យបាល់ទាត់ របស់រាជ
រដ្ឋាភិបាលកម្ពុជា ក៏ដូចក្រសួងអប់រំយុវជននិងកីឡា សម្រាប់លើកកម្ពស់ វិស័យកីឡាបាល់ទាត់ជាតិអោយមានភាពរីកចម្រើនស្របជាមួយនិន្នាការ វិវឌ្ឍន៍នៃបណ្ដាប្រទេសក្នុងភិភពលោក និងក្នុងតំបន់ និងក៏ជាទិសដៅយុទ្ធសាស្ត្រសម្រាប់ ឆ្នាំ២០២៣ ដែលព្រះរាជាណាចក្រកម្ពុជាយើងនឹងធ្វើជាម្ចាស់ផ្ទះរៀបចំកីឡាស៉ីហ៊្គេមលើកទី៣២ផងដែរ។
-សូមបញ្ជាក់ថា៖នៅក្នុងឱកាសនៃបើកការប្រកួតនេះ មានធ្វើការប្រកួតរវាងក្រុមកីឡាបាល់ទាត់យុវជនអាយុក្រោម១៦ឆ្នាំខេត្តកំពតជាមួយក្រុមយុវជនអាយុក្រោម១៦ឆ្នាំខេត្តកោះកុងជា លទ្ធផលខេត្តកំពតស៊ុងគ្រាប់បាល់បាន២ទល់នឹង៣។
