យ៉ាងហោចណាស់ក៏មនុស្ស៥នាក់ ស្លាប់ និង៧នាក់រងរបួសក្នុងហេតុការណ៍ ផ្ទុះរោងចក្រចម្រាញ់ប្រេងនៅតំបន់ Achinsk ភាគខាងកើតសាយប៊ឺរី ប្រទេសរុស្ស៊ី កាលពីយប់ថ្ងៃទី១៥ ខែ មិថុនា ឆ្នាំ២០១៤ ។ គិតមកដល់ព្រឹកថ្ងៃទី១៦ ខែមិថុនា នៅមានកម្មករ៣នាក់ទៀតបាត់ខ្លួននៅ ឡើយ ។ ក្រសួងគ្រប់គ្រងគ្រោះអាសន្ន រុស្ស៊ីបានឱ្យដឹងថា នៅវេលាម៉ោង១៩ និង៥៣នាទី ម៉ោងក្នុងទីក្រុងម៉ូស្គូ បង្គោល ចម្រាញ់ប្រេងផ្ទុះឆេះធ្វើឱ្យអណ្ដាតភ្លើង បាចសាចនៅក្នុងបរិវេណទ្រង់ទ្រាយធំ ។ ភ្លាមៗនោះការផ្គត់ផ្គង់ប្រេងចេញពី បង្គោលត្រូវបានផ្អាក ។
ក្រោយពេលទទួលបានព័ត៌មាន កម្លាំងជួយសង្គ្រោះបានទៅដល់កន្លែង កើតហេតុជួយរុករកអ្នកដែលបាត់ខ្លួន ពន្លត់អគ្គិភ័យ និងស្រាវជ្រាវមូលហេតុ បណ្ដាលឱ្យផ្ទុះ ។ រយៈពេលជាង២ម៉ោង ទើបអាចគ្រប់គ្រងស្ថានការណ៍បាន ។ រោងចក្រចម្រាញ់ប្រេងខាងលើនេះ ជាទីតាំងផ្គត់ផ្គង់ថាមពលឈានមុខនៅ តំបន់ Krasnoyarsk ស្ថិតនៅតំបន់ ស្វយ័តសាយប៊ឺរ៉ី ក្នុងអធិបតេយ្យភាព ប្រទេសរុស្ស៊ី ។ រោងចក្រនោះអ្នកឯក ទេសផលិតថាមពលប្រេងសម្រាប់យន្ដ ហោះ