ខេត្តរតនគិរី៖ ជនសង្ស័យចំនួន៣នាក់ ត្រូវកងរាជអាវុធហត្ថក្រុងបានលុង ឃាត់ខ្លួនបញ្ជូនទៅសាលាដំបូងខេត្តករណីប្រើប្រាស់ និងជួញដូរគ្រឿងញៀន។
កម្លាំងកងរាជអាវុធហត្ថក្រុងបានលុងដឹកនាំដោយលោកវរសេនីយទោ ហៃ វណ្ណារ៉ា មេបញ្ជាការ និងមានការសម្របសម្រួលដោយលោក រ៉ា បូរ៉ាន់ឌី ព្រះរាជអជ្ញារង អមសាលាដំបូងខេត្ត បានចុះបង្រ្កាបជាក់ស្តែងករណី ប្រើប្រាស់ និង ជួញដូរសារធាតុញៀនមួយកន្លែងនៅចំណុចភូមិអភិវឌ្ឍន៍ សង្កាត់ឡាបានសៀក ក្រុងបានលុង កាលពី វេលាម៉ោង៣នឹង០០នាទីរសៀលថ្ងៃច័ន្ទ ៨រោច ខែមិគសិរ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១១ ខែធ្នូ ឆ្នាំ២០១៧ ។
លោកវរសេនីយ៏ទោ ហៃ វណ្ណារ៉ា មេបញ្ជាការកងរាជ
អាវុធហត្ថក្រុងបានលុង បានឲ្យដឹងថា ក្នុងការបង្រ្កាបជាក់ស្ដែងនេះកម្លាំងរបស់លោកបានឃាត់ខ្លួនជនសង្ស័យចំនួន៣នាក់ ទី១-ឈ្មោះ ខន ខ្លឹង ភេទប្រុស អាយុ ៣៤ឆ្នាំ ជនជាតិខ្មែរមុខរបរមិនពិតប្រាកដ រស់នៅភូមិតាអង ឃុំតាអង ស្រុកកូនមុំ ខេត្តរតនគិរី ។
ទី២-ឈ្មោះ សុខ ផារ៉ា
ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ រស់នៅ ភូមិ សង្កាត់ កើតហេតុខាងលើ និងទី៣-ឈ្មោះ ណាង ជា ភេទប្រុស អាយុ២៥ ឆ្នាំ ជនជាតិខ្មែរមុខរបរបិទស្គត់ម៉ូតូ រស់នៅភូមិអូរមៀត សង្កាត់ឡាបានសៀក ក្រុងបានលុង ។
លោកបានបន្តទៀតថា វត្ថុតាងដកហូតបានពីជនសង្ស័យរួមមាន ទូរស័ព្ទដៃ ៣គ្រឿង ម្ស៉ៅក្រាមពណ៌សថ្លា៦កញ្ចប់ស្មើនឹង៦.១៩ក្រាម ម៉ូតូ២គ្រឿងជញ្ជីងថ្លឹងមួយ លុយខ្មែរ៥០០០.រៀល និងសម្ភារ:សេពគ្រឿងញៀនមួយចំនួនទៀត។
ជនសង្ស័យកំពុងឃាត់ខ្លួននឹងកសាងសំណុំរឿងបញ្ជូនទៅសាលាដំបូងខេត្តដើម្បីចាត់វិធានការតាមនីតិវិធី ៕ យក្ខឡោម
