ទំនាស់ដីធ្លីរវាងអ្នកភូមិឡពាង និងក្រុមហ៊ុន ខេឌីស៊ី បានអូសបន្លាយអស់រយៈពេល ជាច្រើនឆ្នាំមកហើយ ដែលធ្វើឲ្យក្រុមហ៊ុន មិនអាចអភិវឌ្ឍន៍ នៅលើដីរបស់ខ្លួនទៅបាន បើទោះក្រុមហ៊ុន ខេឌីស៊ី មានប័ណ្ណកម្មសិទ្ឋស្របច្បាប់ក៏ដោយ ។
ក្រុមអ្នកគ្មានដី បានឆ្លៀតឱកាស «ឈ្នះបានដីចាញ់ បានលុយ» បានតិចប្រសើរជាងអត់ បាន ធ្វើ ដំណើរមកឈរតវ៉ា នៅខាងមុខសាលាដំបូង ខេត្តកំពង់ឆ្នាំងជាថ្មីម្តងទៀត បន្ទាប់ពីពួកគេបរាជ័យ ម្តង ហើយម្តងទៀត ដោយសារតែអាជ្ញាធរ ក៍ដូចជាសមត្ថកិច្ចពាក់ព័ន្ធ និងមហាជន បានដឹងកាន់តែច្បាស់ថា ពួកគេអ្នកខ្លះ មិនមានដីទាល់តែសោះ អ្នកខ្លះទៀត មានដីដែរ ប៉ុន្តែលក់ចាយលុយអស់ ក៍មកប្តឹងតវ៉ាទាមទារនិងគេដែរ ។ លោក ស្ងួន ញឿន ដែលជាប្អូនប្រុស របស់លោក រាជ សីមា បានអះអាងថា ប្រជាបលរដ្ឋមកតវ៉ា រួមទាំងអ្នកចាស់ និងអ្នកថ្មី មានចំនួនជាង៨០គ្រួសារ ដោយអ្នកថ្មីមានចំនួន៤១គ្រួសារ មកពីភូមិបឹងកក់ ភូមិសូវង្ស ភូមិសំរោង និងភូមិស្វាយក្រោម ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ក្រៅពីនេះ មានអ្នកតវ៉ាចាស់ អ្នកភូមិឡពាង ចំនួន១៧គ្រួសារ ដែលក្រុមហ៊ុន មិនទាន់បានដោះស្រាយគោនយោបាយ រីឯអ្នកខ្លះទៀត គឺអ្នកដែលទទួលបានគោលនយោបាយ ពីក្រុមហ៊ុនរួចហើយ ក៍មកតវ៉ានិងគេដែរ ដោយពួកគាត់អះអាងថា ដោះស្រាយគោលនយោបាយតិចពេក ។
លោក ស្ងួន ញឿន បានបន្តទៀតថា កាលពីមុន អ្នកភូមិឡពាង ប្តឹងក្រុមហ៊ុន ខេឌីស៊ី ទៅកាន់តុលាការ ខេត្តកំពង់ឆ្នាំងនេះ មានចំនួន៥២គ្រួសារ ដោយមានបណ្តឹង១១ករណី មិនទាន់បានដោះស្រាយ ហើយកាលពីមុន មូលហេតុប្រជាពលរដ្ឋតែ៥២គ្រួសារប្តឹងនោះ គឺលោក ស្ងួន ញឿន អះអាងថា ប្តឹងសាកល្បងលោមើល ចង់ដឹងថាតុលាការរកយុត្តិធម៌អោយពួកគេឬអត់ ។ ការតវ៉ារបស់ក្រុមអ្នកឆ្លៀតឱកាស «ឈ្នះបានដីចាញ់ បានលុយ» ខាងលើនេះ ត្រូវបានតំណាងក្រុមហ៊ុន ខេឌីស៊ី បដិសេធថា ប្រជាពលរដ្ឋទាំងនេះ អ្នកខ្លះពុំមានដីទាល់តែសោះ រីឯនៅសល់១៩គ្រួសារ ដែលមិនទាន់ដោះស្រាយនោះ គឺសុទ្ធសឹងជាក្រុមគ្រួសារ និងសាច់ញាតិរបស់ រាជ សីមា និអ ស្ងួនញឿន ក្រុមអ្នកតវ៉ា ដែលគេដឹងថា ភាគច្រើនជាក្រុម «ឈ្នះបានដីចាញ់ បានលុយ» ដឹកនាំដោយឈ្មោះ ស្ងួន ញឿន ជាប្អូនប្រុសរបស់ឈ្មោះ រាជ សីមា នេះមានប្រមាណ ៣០-៤០នាក់ប៉ុណ្ណោះ ។
មិនតែប៉ុណ្ណោះ សកម្មភាពតវ៉ារបស់ពួកគេនាពេលនេះ គឺធ្វើឡើងក្រោមរូបភាព បើប្ដឹងទាមទារ ឈ្នះ ពួកគេនឹងទទួលបានដី តែបើប្ដឹងចាញ់ យ៉ាងហោចណាស់ ក៏ក្រុមហ៊ុន ឬក៏រដ្ឋដោះស្រាយ ជាប្រាក់គោល នយោបាយ ឱ្យពួកគេដែរ ក្នុងនោះក្រុមហ៊ុន ក៏បានសំអាងថា អ្នកដែលមានទំនាស់ពិតប្រាកដ នៅសល់ មិនទាន់ដោះស្រាយចប់ គឺក្រុមហ៊ុននៅតែបន្ដធ្វើការ សម្របសម្រួលដោះស្រាយជាបន្ដទៀត ហើយបើពួក គេមិនព្រមធ្វើការសម្របសម្រួលទេ សំណុំរឿងក្ដីនៅតុលាការ ក៏នៅតែដំណើរការ ទៅតាមនីតិវិធីដដែល ៕
