ភ្នំពេញ៖ បុរសម្នាក់បានជិះម៉ូតូក្នុងស្ថានភាពស្រវឹងជោកជាំបានជិះម៉ូតូរេពេញផ្លូវខណៈមកដល់ចំណុចផ្លូវកោងក៏ជ្រុលទៅបុកនិងចិញ្ចើមផ្លូវ យ៉ាងពេញទំហឹងបណ្ដាលអោយអ្នកជិះម៉ូតូបោកក្បាលនៅនិងថ្នល់ រងរបួសធ្ងន់បែកក្បាលហូរឈាមស្រោយចេញខ្លួន កាលពីវេលាម៉ោង១និង១០នាទីយប់ឈានចូលថ្ងៃទី១៧ខែកុម្ភៈឆ្នាំ២០១៤ ស្ថិតត្រង់ចំនុចផ្លូវលេខ២៧១កែងនិងផ្លូវ១៨២ ស្ថិតក្នុងសង្កាត់ទឹកល្អក់២ខណ្ឌទួលគោក។ បើតាមប្រភពព័ត៌មាននៅកន្លែងកើតហេតុបានអោយដឹងថា មុនដំបូងគេ
សង្កេតឃើញបុរសម្នាក់ជិះស្មាស់រ៉េវ៉ូ ពណ៌ទឹកប៊ិច ពាក់ស្លាកលេខ ភ្នំពេញ 1AD-9150 បានធ្វើដំណើរតាមបណ្ដោយផ្លូវ១៨២ ក្នុងទិសដៅពីកើតទៅលិច ខណៈមកដល់ផ្លូវកោងលេខ២៧១ បុរសនោះមិនព្រមបន្ថយល្បឿនម៉ូតូក៏ជ្រុលទៅបុកនិង
ចិញ្ចើមផ្លូវយ៉ាងពេញទំហឹង បណ្ដាលអោយអ្នកជិះម៉ូតូហោះផ្លោងទៅបុកនិងថ្នល់បោកក្បាលបែកហូរឈាមរងរបួសធ្ងន់ធ្ងរត្រូវបានរថយន្តសាមុយរបស់មន្ទីរពេទ្យឯកជនមកដឹកយកទៅសង្គ្រោះភ្លាមៗហើយចំណែកម៉ូតូវិញបានរងការខូចខាតផងដែរ
។បន្ទាប់ពីកើតហេតុសមត្ថកិច្ចបានចុះវាស់វែងយកម៉ូតូបុរសខាងយកទៅរក្សាទុកនៅប៉ុស្តិ៍នគរបាលទឹកល្អក់២រងចាំក្រុមគ្រួសារមកទទួលយកវិញ៕ 
