កំពង់ឆ្នាំង៖ភ្លើងប្រច័ណ្ឌបានធ្វើអោយមនុស្សប្រុសស្រីគ្រប់រូបជួបប្រទះនូវបញ្ហាឈឺចាប់គ្រប់ៗគ្នា ភាគច្រើនគឺប៉ះពាល់ចំពោះភាគីអ្នកដែលមានចិត្តប្រច័ណ្ឌ ដោយផ្ទាល់។ ជាក់ស្តែង នៅថ្ងៃទី១៨ ខែមិថុនា ឆ្នាំ ២០១៤ ថ្មីៗនេះ មានស្ត្រីម្នាក់ឈ្មោះ យ៉េង គន្ធា អាយុ ២៨ឆ្នាំ រស់នៅក្នុងភូមិ ស្វាយចេក ឃុំចោងម៉ោង ស្រុក រលារ ប្អៀរ ប្តូរចារឹកជាប្រុសទៅ ស្រឡាញ់ស្រីដូចគ្នាហើយ ព្រោះតែភ្លើងប្រច៏ណ្ឌ និង ប្រពន្ឋ ក៏បានចងកសម្លាប់ខ្លួនទាំងក្មេងគ្មានស្តាយស្រណោះផងដែរ ។
អ្នកនាង សេង ផៃ អាយុ ២៨ ឆ្នាំ នាងបានរៀបរាប់ប្រាប់អោយដឹងថា៖នាងបានស្កាល់ស្ត្រីជាប្តីរបស់នាងដែលចងកស្លាប់ខាងលើនេះគឺរស់នៅក្នុងភូមិឃុំជាមួយគ្នា ហើយការស្រឡាញ់គ្នាមានរយះពេល៥ឆ្នាំមកហើយ គឺចាប់តាំងពីពួកគេទៅស៊ីឈ្នួលច្រួតស្រូវនៅឯបាត់ដំបង ពេលត្រឡប់មកផ្ទះវិញប្តីរបស់នាងនេះមិនបានទៅផ្ទះរបស់គេទេ គឺតាមមកនៅជាមួយនិងនាងរហូតមក ទោះជានាងដេញអោយទៅនៅផ្ទះរបស់គេវិញយ៉ាងណាក៏ដោយ។
ថ្ងៃមួយដោយសារតែនាងធុញទ្រាន់ក្នុងការរស់នៅក្នុងសភាពបែបនេះតទៅទៀតលែងបាន និងម្យ៉ាងដោយនាងចង់បានប្តីជាសភាពបុរសដូចគេដួចឯងផងនោះ នាងក៏បានសុំបែកផ្លូវគ្នាជាមួយនិងគេតែគេមិនព្រមអោយនាងបែកជាដាច់ខាត។តាំងពីពេលនោះមកគេចេះតែប្រច័ណ្ឌនិងនាងរហូតពេលខ្លះនាងនិយាយទូរស័ព្ទជាមួយអ្នកដ៏ទៃក៏គេរករឿងស្តីបន្ទោសអោយនាង ឬក៏ជិះម៉ូតូចេញទៅបាត់១ថ្ងៃក៏មានដែរ។ នាងបន្តថា៖ប៉ុន្មានឆ្នាំនេះនាងរស់នៅជាមួយប្តីដែលជាស្រីដូចគ្នានេះគឺគ្មានសេរីភាពទេបើចង់ដើរលេងទៅណាមកណាក៏ត្រូវតែទៅជាមួយ បើពុំនោះទេនាងមិនអាចចេញពីផ្ទះបានឡើយ។ពេលគេស្លាប់ទៅនេះនាងបានចាត់ចំណាយប្រាក់ផ្ទាល់ខ្លួនរបស់នាងជាង២លាន់រៀល យកធ្វើបុណ្យតាមប្រពៃណីនៅឯផ្ទះដែលនាងនិងគេរស់នៅសព្វថ្ងៃ។
បញ្ចប់ពីការកាន់ទុកនេះទៅនាងនិងមានសេរីភាពឡើងវីញ ហើយប្រសិនបើមានគេស្រឡាញ់នាង នាងនិងរៀបការជាមួយដើម្បីសាងជីវិតថ្មី។ ស្ត្រីឈ្មោះ ធឹម ស៊ីម អាយុ ៤២ ឆ្នាំ ជាអ្នករាប់អានជាមូយនិងស្ត្រីរងគ្រោះដែលចងកសម្លាប់ខ្លួនខាងលើ បានរៀបរាប់ថា៖នៅមុនពេលកើតហេតុស្ត្រីរងគ្រោះបានជិះម៉ូតូមកផ្ទះរបស់គាត់ពេលមកដល់ភ្លាមស្ត្រីរងគ្រោះបានបបួលគាត់ទៅធ្វើសំណង់នៅផ្សាររមាស បន្ទាប់មកគេក៏បានដើរទៅនិយាយទូរស័ព្ទនៅឯមុខផ្ទះបាត់ទៅ រូបគាត់ក៏ចេញទៅចងរបងក្បែរស្ត្រីរងគ្រោះកំពុងឈរនិយាយទូរស័ព្ទនោះដែរ ហើយគាត់ក៏បានឮស្ត្រីរងគ្រោះនិយាយជាមួយប្រពន្ធថា៖បើនាងឯងចង់យកប្តីអោយយកទៅនៅអោយឆ្ងាយពីស្រុកកុំនាំអោយអញក្តៅក្រហាយអោយសោះណា។
ស្ត្រីខាងលើបន្តថា៖បន្តាប់ពីបានឮបែបនេះគាត់ពុំបានចាប់អារម្មណ៏អ្វីដែរ ពេលកំពុងតែចងរបងភ្លេចខ្លួន លុះក្រឡេកមកក្រោយក៏បាត់ស្ត្រីរងគ្រោះឃើញនៅតែម៉ូតូគាត់នឹកស្មានថាគេដើរចេញទៅក្រៅបាត់ហើយ។រហូតដល់វេលាម៉ោងប្រមាណជា៤ល្ងាចគាត់ក៏ដើរទៅបេះស្លឹកអំពិលនៅខាងក្រោយផ្ទះ យកមកស្លរក៏ប្រទះឃើញស្ត្រីរងគ្រោះឡើងចងកលើដើមអំពិលដែលមានកំពស់៥ម៉ែត្រស្លាប់បាត់ទៅហើយ ឃើញ
ដូច្នេះគាត់ក៏បានស្រែកហៅអ្នកជិតខាងអោយមកជួយស្រាយខ្សែទំលាក់ តែគ្មានអ្នកណាហ៊ានចូលទៅស្រាយឡើយ។២០នាទីក្រោយទើបសមត្ថកិច្ចមកដល់ហើយឡើងទៅស្រាយដាក់ចុះមកដី និងបានធ្វើកោសលវិច្ច័យ ឃើញថា ស្ត្រីរងគ្រោះពិតជាបានចងកសម្លាប់ខ្លួនពិតមែន ហើយបានប្រគល់សពអោយទៅក្រុមគ្រួសារយកទៅធ្វើបុណ្យ ៕
