ក្រុមភូគម្ពសាស្ដ្រអាមេរិកបាន ប្រកាសកាលពីថ្ងៃទី២៤ ខែមិថុនាថា ការរញ្ជួយដីកម្លាំងខ្លាំង៦.៩រ៉ិចទ័របាន កើតឡើងនៅលើកោះដាច់ស្រយាល របស់ញូវហ្សឺឡេន គឺកោះKermadec ស្ថិតនៅចម្ងាយ៩៦គីឡូម៉ែត្រ និងមាន ជម្រៅ២០គីឡូម៉ែត្រភាគខាងត្បូងកោះ Raoul។ ប៉ុន្ដែ
ការរញ្ជួយដីនេះមិនគំរាម កំហែង ឬបណ្ដាលឱ្យកើតមានរលក យក្សស៊ូណាមិនោះឡើយ ។ នៅមុនដំបូង ក្រុមភូគម្ពសាស្ដ្រ អាមេរិកប្រកាសថា ការរញ្ជួយដីនេះ មានទំហំ៦.៩រ៉ិចទ័រ ប៉ុន្ដែក្រោយមក បានកែថាមានទំហំ៦.៣រ៉ិចទ័រវិញ។ មជ្ឈ មណ្ឌលព្រមានពីរលកយក្សស៊ូណាមិ ប៉ាស៊ីហ្វិកដែលមានមូលដ្ឋាននៅហាវ៉ៃ បានប្រកាសថា ការរញ្ជួយដីនេះមិន បណ្ដាលឱ្យខូចខាតទ្រព្យសម្បត្ដិ អាយុ ជីវិត ឬបង្កឱ្យមានរលកយក្សស៊ូណាមិ គំរាមកំហែងនោះឡើយ។
ប្រភពនេះបន្ដថា ជាធម្មតាការ រញ្ជួយដីក្នុងកម្រិត៦.៣រ៉ិចទ័រនេះតែង តែបង្កឱ្យមានរលកស៊ូណាមិលាតសន្ធឹង តាមឈូងសមុទ្ររាប់រយគីឡូម៉ែត្រ ។ ប៉ុន្ដែនៅពេលនេះគ្មានសញ្ញាគំរាម កំហែងនោះទេ ។ ញូវហ្សឺឡេនជាប្រទេសដែលស្ថិត នៅត្រង់ចន្លោះដែលគេហៅថា ផ្ចិតភ្លើង មានព្រំប្រទល់ជាមួយអូស្ដ្រាលី និង សមុទ្រប៉ាស៊ីហ្វិក។ ប្រទេសនេះក្នុងមួយ ឆ្នាំមានការកម្រើកញាប់ញ័ររហូតដល់ ១៥.០០០ដងឯណោះ ។ ការរញ្ជួយដីកម្រិត៦.៣រ៉ិចទ័រកើត ឡើងនៅភាគខាងត្បូងរបស់ញូវហ្សឺឡេន កាលពីខែកុម្ភៈ ឆ្នាំ២០១១ បានបំផ្លិច បំផ្លាញទីក្រុងព្រះវិហារគ្រឹស្ទយ៉ាងហិន ហោច ដោយសម្លាប់មនុស្សអស់១៨៥ នាក់ ។
រញ្ជួយដីកម្រិត៧.៩រ៉ិចទ័រនៅអាល្លា ស្កាអាមេរិក នៅព្រឹកថ្ងៃទី២៤ ខែមិថុនា ពលរដ្ឋ រស់នៅលើកោះ Aleutian ស្ថិតនៅក្នុង រដ្ឋអាល្លាស្កា អាមេរិកត្រូវភៀសខ្លួនទៅ កាន់តំបន់ខ្ពស់ ក្រោយការរញ្ជួយដីកម្រិត ៧.៩រ៉ិចទ័រ និងប្រកាសអាសន្នពីរលក យក្សស៊ូណាមិ ។ សារព័ត៌មាន AFP បានផ្សព្វផ្សាយ ថា ការរញ្ជួយដីមានជម្រៅ១១២គីឡូ ម៉ែត្រ បន្ទាប់ពីការរញ្ជួយដីនោះនៅ មានការរញ្ជួយដីទ្រង់ទ្រាយតូចជាច្រើន ក្នុងនោះមានការរញ្ជួយដីកម្រិត៦រ៉ិចទ័រ។ ការរញ្ជួយដីមិនបង្កឱ្យខូចខាតជាទ្រង់ ទ្រាយធំនោះឡើយ ប៉ុន្ដែមជ្ឈមណ្ឌល ប្រកាសអាសន្នពីរលកយក្សស៊ូណាមិ អាមេរិកបានប្រកាសអាសន្នពីរលកយក្ស ដែលអាចកើតឡើងនៅតាមបណ្ដោយ ឆ្នេរសមុទ្រ ។ នេះជាការរញ្ជួយទ្រង់ ទ្រាយធំបំផុតនៅអាល្លាស្កាមិនធ្លាប់ មានចាប់តាំងពីឆ្នាំ១៩៦៥