រដ្ឋមន្ដ្រីការបរទេសសហគមន៍អឺរ៉ុប កាលពីថ្ងៃទី២៣ ខែមិថុនា បានថ្កោល ទោសការធ្វើរដ្ឋប្រហារ និងការគ្រប់គ្រង អំណាចរបស់កម្លាំងយោធាថៃ ដោយ បានប្រកាសថា នឹងកាត់ផ្ដាច់បណ្ដោះ អាសន្នទំនាក់ទំនងផ្លូវការ, ក៏ដូចជាការ ចុះហត្ថលេខាធ្វើសហប្រតិបត្ដិការជា មួយទីក្រុង
បាងកកដើម្បីដាក់ពិន័យដល់ ការធ្វើរដ្ឋប្រហារយោធានេះ ព្រមទាំង អំពាវនាវឱ្យប្រទេសនេះឆាប់ដំណើរការ ជ្រើសរើសមេដឹកនាំប្រកបដោយលទ្ធិ ប្រជាធិបតេយ្យឡើងវិញ។
នៅក្នុងសេចក្ដីថ្លែងការណ៍មួយរបស់ សហគមន៍អឺរ៉ុបបញ្ជាក់ថា រដ្ឋមន្ដ្រី ទាំងឡាយបានបញ្ឈប់រាល់ដំណើរទស្សន កិច្ចផ្លូវការរបស់ខ្លួនទៅកាន់ប្រទេសថៃ ព្រមទាំងផ្អាកការចុះហត្ថលេខាលើកិច្ច ព្រមព្រៀងដៃគូយុទ្ធសាស្ដ្រក្នុងកិច្ចសហ ប្រតិបត្ដិការជាមួយទីក្រុងបាងកកថែម ទៀតផង ។ ដោយថ្លែងថា មានការព្រួយបារម្ភ ខ្លាំងដល់ការអភិវឌ្ឍន៍នោះ រដ្ឋមន្ដ្រី សហគមន៍អឺរ៉ុបបានបញ្ជាក់ថា រដ្ឋាភិ បាលយោធាថៃគួរតែស្ដារស្ថានការណ៍ ជាបន្ទាន់ ដោយរៀបចំឱ្យមានការបោះ ឆ្នោតប្រកបដោយសេរី និងយុត្ដិធម៌ ស្របទៅតាមរដ្ឋធម្មនុញ្ញ និងលទ្ធិប្រជា ធិបេតយ្យពិតប្រកដ ។ ប្រភពបន្ដថា រដ្ឋាភិបាលយោធាថៃ ត្រូវតែដោះលែងទាំងអស់អ្នកនយោបាយដែលកំពុងឃុំខ្លួន, គោរពសិទ្ធិមនុស្ស និងសិទ្ធិបញ្ចេញមតិស្របតាមច្បាប់ អន្ដរជាតិ ។
សចក្ដីថ្លែងការណ៍បន្ថែម ទៀតថា រដ្ឋជាសមាជិកសហគមន៍អឺរ៉ុប កំពុងពិនិត្យមើលទំនាក់ទំនងយោធា ជាមួយប្រទេសថៃ។ ប្រភពបានបន្ដថា មានតែការរៀបចំ បោះឆ្នោតប្រកបដោយលក្ខណៈសេរី និងយុត្ដិធម៌ ស្របតាមរដ្ឋធម្មនុញ្ញ ប៉ុណ្ណោះទើបអាចធ្វើឱ្យទំនាក់ទំនងរវាងសហគមន៍អឺរ៉ុបនឹងប្រទេសថៃត្រឡប់ មកកាន់សភាពធម្មតាវិញ។
សូមបញ្ជាក់ថា កាលពីដើមខែ មិថុនា ប្រមុខដឹកនាំរដ្ឋប្រហារយោធា ថៃ លោកប្រាយុទ្ធ ចាន់អូចា បានប្រកាស ថា ខ្លួនអាចនឹងរៀបចំរដ្ឋាភិបាលបណ្ដោះ អាសន្នមួយនៅក្នុងខែកញ្ញា ឆ្នាំ២០១៤ ដើម្បីពិនិត្យមើលការកែទម្រង់នយោ បាយគឺការរៀបចំឱ្យមានការបោះឆ្នោ ក្នុងឆ្នាំខាងមុខ។ លោកចាន់អូចា បាន សង្ខេបព័ត៌មានអំពីដំណើរការនេះដោយ បញ្ជាក់ថា ប្រទេសថៃត្រូវការកម្លាំង យោធាដើម្បីដោះស្រាយបញ្ហាជាប់គាំង នយោបាយក្នុងប្រទេស ដោយសារតែ ការបាតុកម្មហិង្សាអូសបន្លាយពេលរាប់ ខែរវាងបាតុករប្រឆាំងនឹងរដ្ឋាភិបាល លោកស្រីយីងឡាក់បណ្ដាលឱ្យមានអ្នក ស្លាប់ និងរងរបួសជាច្រើននាក់