នាយករដ្ឋមន្ដ្រីអ៊ីរ៉ាក់ លោកនូរី អាល់ ម៉ាឡាគី កាលពីថ្ងៃទី២៥ ខែមិថុនា បាន ច្រានចោលការអំពាវនាវឱ្យបង្កើតរដ្ឋា ភិបាលសាមគ្គីដើម្បីទប់ទល់នឹងក្រុម បះបោរនៅភាគខាងកើតប្រទេសនេះ គឺ ក្រុម ISIL ។ លោកម៉ាឡាគី បញ្ជាក់ទៀតថា ការ អំពាវនាវឱ្យបង្កើតរដ្ឋាភិបាលចម្រុះថ្មី
ខាងលើជាការធ្វើរដ្ឋប្រហារប្រឆាំងទៅ នឹងរដ្ឋធម្មនុញ្ញ និងគោលនយោបាយនៅ ក្នុងប្រទេសនេះ ។
លោកអាល់ ម៉ាឡាគី កំពុងប្រឈម នឹងសម្ពាធឱ្យបង្កើតរដ្ឋាភិបាលដែល មានការចូលរួមពីក្រុមតំណាងសាសនា ជាតិសាសន៍នៅលើទឹកដីនេះ ក្នុងនោះ មានទាំងជនជាតិឃើដ ដើម្បីទប់ទល់នឹង ក្រុមអ៊ិស្លាមជ្រុលនិយមនៅភាគខាង កើត ខណៈដែលទាហានរដ្ឋាភិបាល អសមត្ថភាពវាយប្រហារទៅលើក្រុម ឧទ្ទាមខាងលើ ទុកឱ្យរាលដាលគ្រប់គ្រង នៅតំបន់ទ្រង់ទ្រាយធំក្នុងប្រទេសអ៊ីរ៉ាក់។
សារព័ត៌មានវ៉ាស៊ីនតោនប៉ុស្ដិ៍បាន ផ្សព្វផ្សាយថា ស៊ីរីបានបញ្ជូនយន្ដហោះ ចម្បាំងវាយប្រហារទៅលើទីតាំងក្រុម ឧទ្ទាមនិកាយសាន់នីនៅលើទឹកដីអ៊ីរ៉ាក់ បង្កការព្រួយបារម្ភយ៉ាងខ្លាំងពីអំពើហិង្សា ការវាយប្រហារកាន់តែខ្លាំងឡើង និង វិបត្ដិរាលដាលនៅគ្រប់ទិសទីតំបន់ មជ្ឈិមបូព៌ា ។ កន្លងមក បណ្ដាញ់ផ្សព្វផ្សាយអ៊ីរ៉ាក់ បានផ្សព្វផ្សាយថា យន្ដហោះចម្បាំង អាមេរិកបានបើកការវាយប្រហារតំបន់ ព្រំដែនជាប់ប្រទេសស៊ីរី ប៉ុន្ដែក្រសួងការ ពារជាតិអាមេរិកបានប្រកាសថា អាមេ រិកមិនបានបញ្ជូនយន្ដហោះណាមួយទៅ វាយប្រហារនៅប្រទេសអ៊ីរ៉ាក់នោះឡើយ។
ក្នុងពេលជាមួយគ្នានេះដែរក្រុម ដែលគាំទ្រពួកឧទ្ទាម ISIL នៅអ៊ីរ៉ាក់ បានព្រមានអាមេរិកថា ប្រសិនបើ អាមេរិកចូលរួមវាយប្រហារតាមដែន អាកាសនៅអ៊ីរ៉ាក់នោះ នឹងមានការវាយ ប្រហារតបតវិញទៅលើពលរដ្ឋអាមេរិក នៅគ្រប់ទិសទីជុំវិញពិភពលោក ។ ក្រោយពេលក្រុមប្រឆាំងរដ្ឋាភិបាល អ៊ីរ៉ាក់គ្រប់គ្រងទាំងស្រុង រោងចក្រ ចម្រាញ់ប្រេងដ៏ធំបំផុតក្នុងប្រទេសនេះ ក្រុមISIL បានបង្កើនការវាយប្រហារ ដណ្ដើមការគ្រប់គ្រងស្រុក Yathrib និង ឡោមព័ទ្ធទីតាំងទ័ពអាកាសដ៏ធំបំផុត របស់អ៊ីរ៉ាក់ទៀតផង ។
នៅក្នុងព្រឹត្ដិការមួយផ្សេងទៀតដែល ពាក់ព័ន្ធនោះផងដែរ អ៊ីរ៉ង់បានបញ្ជូន យន្ដហោះគ្មានមនុស្សបើក និងសម្ភារ យោធាជាសម្ងាត់ទៅកាន់អ៊ីរ៉ាក់ ។ សារ ព័ត៌មានញូវយ៉កថាម កាលពីថ្ងៃទី២៥ ខែមិថុនា បានដកស្រង់សម្ដីមន្ដ្រីយោធា ជាន់ខ្ពស់អាមេរិកមកបញ្ជាក់ថា អ៊ីរ៉ង់ ពិតជាបានបញ្ជូនយន្ដហោះគ្មានមនុស្ស បើក និងសម្ភារយោធាជួយដល់រដ្ឋាភិ បាលអ៊ីរ៉ាក់ដែលដឹកនាំដោយនិកាយ ស៊ីអ៊ីដទប់ទល់នឹងខ្មាន់កាំភ្លើងមកពី និកាយសាន់នី ។
មន្ដ្រីយោធាអាមេរិកបានឱ្យដឹងថា អ៊ីរ៉ង់បានបង្កើតទីតាំងបញ្ជាការពិសេស នៅអាកាសយានដ្ឋាន អារ៉ាស៊ីដ ក្នុងទី ក្រុងបាដាដដើម្បីដំណើរការកងពលតូច មួយក្រុម ក្នុងនោះមានយន្ដហោះគ្មាន មនុស្សបើកស៊ើបអង្កេតនៅលើដែន អាកាសអ៊ីរ៉ាក់ ។ លើសពីនេះទៅទៀត រដ្ឋាភិបាលអ៊ីរ៉ង់ដែលដឹកនាំដោយនិកាយ ស៊ីអ៊ីដដូចគ្នាបានដឹកជញ្ជូនតាមជើង យន្ដហោះមួយថ្ងៃ២ជើងនូវសម្ភារ យោធាទៅកាន់ទីក្រុងបាដាដ ដោយក្នុង មួយជើងមានទម្ងន់ប្រមាណ៧០តោន ។
លើសពីនេះទៅទៀត អ៊ីរ៉ង់ក៏បាន ប្រមូលផ្ដុំ១០កងពលនៅតាមបណ្ដោយ ព្រំដែនត្រៀមលក្ខណៈទៅជួយដល់រដ្ឋាភិ បាលទីក្រុងបាដាដ ប្រសិនទីក្រុងនោះ ប្រឈមនឹងការធ្លាក់ទៅក្នុងកណ្ដាប់ដៃ ពួកក្រុមសាន់នី ។ ប៉ុន្ដែ ពេលនេះអ៊ីរ៉ង់បានច្រានចោល ព័ត៌មានដែលថាមានទាហានអ៊ីរ៉ង់ឈរ ជើងនៅលើទឹកដីអ៊ីរ៉ាក់ ។ អ្នកនាំពាក្យ ក្រសួងការបរទេសអ៊ីរ៉ង់លោកស្រី Mar-zeih Afkham បញ្ជាក់ថា ពេលនេះគ្មាន មន្ដ្រីយោធាណាមួយឈរជើងនៅអ៊ីរ៉ាក់ នោះឡើយ ។ ប៉ុន្ដែក្នុងករណីដែលមាន សំណើពីរដ្ឋាភិបាលអ៊ីរ៉ាក់នោះ អ៊ីរ៉ង់ ប្រាកដជាជួយអន្ដរាគមន៍តាមច្បាប់ អន្ដរជាតិ
