កំពង់ឆ្នាំង៖សមត្ថកិច្ចចំរុះបានបង្ក្រាបបទល្មើសនេសាទដាក់របាំងរាំងភ្ជិតព្រែក១៧កន្លែង ក្នុងពេលទឹកទន្លេកំពង់ឡើងចូលទៅតាមព្រែកបឺងដែលជាជម្រកត្រីពងកូន ក្នុងពេលនោះដែរអ្នកនេសាទល្មើសច្បាប់មួយក្រុមបានលើកគ្នាមកពទ្ធ័និង
ស្រែកជេរប្រមាថនិងរារាំងដល់កំលាំងចំរុះដែលបានចុះបង្ក្រាប តែត្រូវបានសមត្ថកិច្ចធ្វើការបំបែកវិញបានភ្លាមៗផងដែរ។ករណីចុះបង្ក្រាបរុះរើរបាំងខុសច្បាប់នេះ បានធ្វើឡើងពេញមួយថ្ងៃទី២៧ ខែមិថុនា ឆ្នាំ២០១៤នៅចំណុចព្រែកឆ្តោរ ស្ថិតក្នុងភូមិព្រែកឆ្តោរ ឃុំកំពង់អូស ស្រុកជល់គីរី ខេត្តកំពង់ឆ្នាំង។
កំលាំងចំរុះខាងលើនេះដឺកនាំដោយលោកសោម ភិរុណ នាយរងខណ្ឌ័រដ្ឋបាលជលផលខេត្តកំពង់ឆ្នាំងរួមនិងផ្នែក សង្កាត់រដ្ឋបាលជលផល នគរបាលស្រុក ប៉ុស្តិ សហគមន៍នេសាទ សារុបមានចំនួន២៥នាក់ និងមានកាណូតតូចធំចំនួន៧គ្រឿង។
លោក សោម ភិរុណ បានអោយដឹងថា៖ ឧបករណ៍របាំងសាច់អួនខុសច្បាប់ខាងលើនេះរួមមានចំនួន១៧កន្លែង ប្រវែង២៨៥ម៉ែត្រ ក្នុងនោះមានលបលូ៥០គ្រឿង ព្រួលញឺក៤០ផែន បង្គោល៤០០ដើមរួមនិងឧបករណ៍ប្រភេទប្រឺស១០០ក្រឡាញឺក១២មាត់ ដែលក្នុងមួយមាត់មានប្រវែង១៣ម៉ែត្រទៅ១៧ម៉ែត្រ ឧបករណ៍ខុសច្បាប់ខាងលើនេះត្រូវបានសមត្ថកិច្ចកាបដុតបំផ្លាញចោលនៅនិងកន្លែង។ លោកសោម ភិរុណ នាយរងខណ្ឌ័រដ្ឋបាលជលផលកំពង់ឆ្នាំងបានអោយដឹងទៀតថា៖មុនបង្ក្រាបបទល្មើសនេសាទខាងលើនេះលោកបានទទួលពត៍រមានដ៍ជាក់លាក់ពីប្រជាពលរដ្ឋ។
លោកសូមស្វាស្វាគមន៍ជានិនូវរាល់ព័ត៌មានជាក់លាក់ពីបទល្មើសដែលបានកើតឡើង នៅក្នុងដែនរដ្ឋបាលរបស់ខេត្ត ដើម្បីចូលរួមទប់ស្កាត់អោយបានទាន់ពេលវេលាដោយសហការជាមួយកំលាំងចម្រុះនិងគណបញ្ជាការឯកភាពខេត្តស្រុក។ លោកសូមធ្វើការអំពាវនាវដល់បងប្អូនប្រជានេសាទទាំងអស់ មេត្តកុំប្រើប្រាស់ឧបករណ៍នេសាទខុសច្បាប់ ដូចករណីដាក់របាំងរាំងភ្ជិតព្រែក កាប់ព្រៃលិចទឹក ចូលនេសាទក្នុងកន្លែអភិរក្សត្រីមេពូជ ពិ សេសការនេសាទដោយឧបករណ៍ឆក់ត្រី។
លោកបានសុំណូមពរបន្ថែមទៀតដល់ប្រជាពលរដ្ឋទាំងអស់រួមគ្នាអនុវត្តន៍នូវគោលនយោបាយ៩ចំណុចភូមិឃុំមានសុវត្តភាពរបស់ប្រមុខរាជរដ្ឋាភិបាលការពារនិរន្តរភាពពូជត្រីសម្រាប់កូនចៅជំនាន់ក្រោយនិងកាត់បន្ថោយភាពក្រីក្ររបស់ប្រជាពលរដ្ឋនៅតាមមូលដ្ឋានសហគមន៍។
សមត្ថកិច្ចអោយដឹងថា៖នៅក្នុងករណីចុះធ្វើការបង្ក្រាបបទល្មើសនេសាទខាងលើនេះគេពុំឃើញមានវត្តមានអាជ្ញាធស្រុក ឃុំ ភូមិ មកចូលរួមនោះឡើយ ទោះបីជាមានការជូនដំណឹងមុនហើយក៏ដោយដែលគេសង្ស័យថាបទល្មើសខាងលើនេះមានអ្នកមួយចំនួនពាក់ពន្ធ័៕
