ព្រះសីហនុៈពិតមែនតែកន្លងមកទំនាក់ទំនងកម្ពុជា អាមេរិក មានភាពផ្អែមល្ហែមខ្លះ និហឲងជូរចត់ខ្លះ តែជាទូទៅមិត្តភាពប្រទេសនៅទ្វីបអាស៊ីមួយនេះ និងអាមេរិក តែងតែបានបង្ហាញនូវការគោរពគ្នា រក្សាទំនាក់ទំនង សហប្រតិបត្តិការ និងផ្លាស់ប្តូរបទពិសោធគ្នាជាញឹកញាប់ ជាពិសេស អាមេរិកតែងបានជួយកម្ពុជានូវផ្នែកមនុស្សធម៌ និងសកម្មភាពគំរូនានាជាប្រចាំផងដែរ។ តាមទំព័រទំនាក់ទំនងសង្គមហ្វេសប៊ុក របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា កាលពីថ្ងៃទី២៧ ខែមិថុនា ឆ្នាំ២០១៤ បានបង្ហាញថា “កម្ពុជាសូមស្វាគមន៍ និង ថ្លែងអំណរគុណចំពោះក្រុមនាវិកសហរដ្ឋអាមេរិក ក្នុងបេសកកម្ម Pacific Partnership ឆ្នាំ២០១៤”។
ក្រុមនាវិកសហរដ្ឋអាមេរិកក្នុងបេសកកម្ម Pacific Partnership ឆ្នាំ២០១៤ដែលមានចម្រុះជាតិសាសន៍Australia, Chile, Japan, Korea, Malaysia, US ចំនួន ១១០នាក់ ដែលបាន ជួយពិនិត្យ ព្យាបាលជំងឺជូនប្រជាពលរដ្ឋក្រីក្រ និង វះកាត់ជំងឺទូទៅ និង ចែករំលែកបទពិសោធលើការវះកាត់ផ្នែកស្ត្រី និង ការសង្គ្រោះបន្ទាន់ដល់ ក្រុមគ្រូពេទ្យមន្ទីរពេទ្យបង្អែកក្នុងខេត្ត ព្រះសីហនុ ពីថ្ងៃទី២៦- ២៧ ខែមិថុនា ឆ្នាំ ២០១៤ ។
នេះមិនមែនជាលើកទី១ដែលកាងនាវិកអាមេរិក ក៏ដូចជាបណ្តាកងទ័ពជើងទឹកប្រទេសនានា បានចូលចត និងមានបេសកកម្មជួយបង្វឹក ក៏ដូចជាចែករំលែកដលើកងទ័ពកម្ពុជាទេ មានន័យថា ជារៀងរាល់ឆ្នាំតែងតែមានកងនាវាមហាអំណាចនានាមកចត និងជួយពង្រឹងដល់ កងទ័ពកម្ពុជា ជាពិសេសកងទ័ពជើងទឹកតែម្តង។ នេះជាជំហានថ្មីមួយសម្រាប់កម្ពុជាបើក ការស្វាគមន៍រាល់បណ្តាប្រទេសនានាក្នុងបំណងពង្រឹងមិត្តភាព និងសហប្រតិបត្តិការកា់ តែជិតស្និទ្ធទ្វេឡើង ថែមទៀត៕
