ញូវដែលីៈយ៉ាងហោចណាស់មានមនុស្ស១៥នាក់បានស្លប់ រួមទាំងក្មេងៗ៥នាក់ផងបានស្លាប់ ពេលដែលអគារកម្ពស់៤ជាន់បានរលំ បាក់ស្រុតនៅពីរកន្លែងផ្សេងគ្នាគឺនៅក្រុងញូវដែលី និងរដ្ឋតាមិលណាឌូ កាលពីថ្ងៃសៅរ៍ នេះបើតាមអាជ្ញាធរប៉ូលិសប្រាប់ម្សិលមិញនេះ។ នេះបើតាមវេបសាយបរទេស កាលពីថ្ងៃអាទិត្យនេះ។
ប៉ូលិសបានបន្តថា អគារផ្ទះល្វែងដែលដួលនេះមានអាយុកាលចំណាស់ ដោយមានអាយុកាល៥០ឆ្នាំមកហើយមានផ្ទះចំនួន១៤អាផាតមិន បានស្ថិតក្នុងអគារនេះ។ មានមនុស្សនៅជាប់ក្នុងនោះក៏មានចំនួនច្រើនដែរ។ ប៉ូលិស និងក្រុមជួយសង្គ្រោះ ក៏កំពុងសហប្រតិបត្តិការកំពុងស៊ើបអង្កេតតាមដានជាប្រចាំ តែមិនទាន់មានប្រភពពត៌មានល្អិតល្អន់ ពិស្តារនៅឡើយទេ ដោយគេសន្និដ្ឋានថា អាចមានមនុស្សរាប់សិបនាក់ជាប់ក្នុង អគារនោះ៕
