កំពង់ធំ៖ ខ្នងផ្ទះទីលើក១០៩ ជាអំណោយដ៏ថ្លៃថ្លារបស់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា បានផ្តល់ជូនដល់ ក្រុមគ្រួសារអតីតយុទ្ធជនកម្ពុជា នៅក្នុងខេត្តកំពង់ធំ តាមរយះឯកឧត្តម ទេសរដ្ឋមន្រ្តីគន់ គីម អគ្គលេខាធិការសមាគមអតីតយុទ្ធជនកម្ពុជា នៅថ្ងៃទី២០ ខែមករាឆ្នាំ២០១៩។
ខ្នងផ្ទះទីលើក១០៩ ត្រូវបានដឹកនាំ សាងសង់ដោយ ឯកឧត្តម ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនខេត្តកំពង់ធំ សហការជាមួយសាខាសមាគមស្រុក បានសាងសង់ផ្ទះរួចជាស្ថាពរ និងបាន ប្រគល់ជូន ជូនលោកតាស្វាយ ឃិន អតីតយុទ្ធជន រស់នៅភូមិអណ្តាស់ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ដោយមានការចូលរួមពី អាជ្ញាធរដែនដី ប្រជាពលរដ្ឋ ក្នុងពិធីប្រគល់ផ្ទះថ្មី ដែលមានទំហំ៥ម៉ែត្រx៦ម៉ែត្រ សង់ពីឈើខ្ពស់ផុតពីដី រនាបនិងជញ្ជាំងក្តារ ប្រក់ស័ង្កសី ដែលបានចំណាយថវិកាក្នុងការសាងសង់អស់ទឹកប្រាក់ចំនួន ៩,៨៥០,០០០ រៀល ។ឯកឧត្តម ឧត្តមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ បានមានប្រសាសន៍ថា ក្រោមការយកចិត្តទុកដាក់ ពីសំណាក់ សម្តេចអគ្គមេហាសេនាបតី តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា សម្តេចតែងតែផ្តាំផ្ញើរសួរសុខទុក្ខ ដល់អតីតយុទ្ធជន ដែលកំពុងតែរស់នៅក្នុងខេត្តកំពង់ធំ ក៏ដូចជាទូទាំងប្រទេសផងដែរ ក្នុងនោះសម្តេចតែងតែគិតគូរ ជានិច្ចនូវការប្រកបមុខរបរចិញ្ចឹមជីវិតរបស់អតីតយុទ្ធជន ដោយមិនព្រងើយកន្តើយ និងបោះបង់ចោលនោះ ទេ ក្នុងនាមអតីតយុទ្ធជនគឺជាបុគ្គលមានគុណបំណាច់លើប្រទេសជាតិ បូជាសាច់ស្រស់ឈាមស្រស់ ព្រាត់ ម្តាយ ព្រាត់កូន ព្រាត់ប្រពន្ឋជាទីស្រឡាញ់ ដើម្បីតស៊ូដណ្តើមយកសន្តិភាពមកជូនប្រជាពលរដ្ឋខ្មែរ មានអតីតយុទ្ធជនទើបបានថ្ងៃនេះ ។ក្នុងឳកាស ប្រគល់ផ្ទះថ្មីជូនលោកតា ស្វាយ ឃិន ដែលជាអតីតយុទ្ធជន ក្រុមការងារបាននាំយកអំណោយរបស់សម្ដេចអគ្គមហាសេនាបតីតេជោ ហ៊ុន សែន តាមរយៈ ឯកឧត្តម ឧត្ដមសេនីយ៍ឯក បណ្ឌិត ហ៊ុន ម៉ាណែត អគ្គលេខាធិការរង សមាគមអតីតយុទ្ធជនកម្ពុជា ផ្ដល់ជូនគាត់បន្ថែមទៀតនូវ អង្ករចំនួន៦៦ គីគីឡូក្រាម , មីយើងចំនួន ០២ កេស , ទឹកត្រីទឹកស៊ីអ៊ីវចំនួន ០២ យួរ និងថវិកាចំនួន ២០០,០០០ រៀល ។ ដោយ ប៊ុន រដ្ឋា