កំពង់ធំ៖ ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនខេត្តកំពង់ធំ បានអញ្ជើញចុះសួរសុខ ទុកគ្រួសារអតីតយុទ្ធជនពិការ មួយគ្រួសារ ដែលមានជីវភាពខ្វះខាត ជួបនឹងការលំបាក ក្រោយពីបាន សំណេះសំណាលនៃការរៀបរាប់ពីជីវិតពិត របស់អតីតយុទ្ធជន ក៏បានសម្រេចនឹងសាងសង់ផ្ទះថ្មីមួយខ្នង ជូនដែលជាផ្ទះអំណោយដ៏ថ្លៃថ្លាសម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា ។
សកម្មភាពរបស់សមាគមអតីតយុទ្ធជនខេត្តកំពង់ធំ បានអនុវត្តតាមការណែនាំ ចង្អុលបង្ហាញពីសំណាក់ ឯកឧត្តម ទេសរដ្ឋមន្រ្តីគន់ គីម អគ្គលេខាធិការសមាគមអតីតយុទ្ធជនកម្ពុជា ពីការយកចិត្តទុកដាក់លើអ្នកមាន គុណគឺគ្រួសារអតីតយុទ្ធជន ក៏បានចុះធ្វើសកម្មភាពយ៉ាងមមាញឹក ដោយពុំគិតពីថ្ងៃឈប់សម្រាក់ ឬសៅរ៍ អាទិត្យនោះឡើយ បានលះបង់ទាំងកំលាំងចិត្ត កំលាំងកាយ ដើម្បីឲ្យអតីតយុទ្ធជនក្នុងខេត្តកំពង់ធំ រស់នៅ បានសេចក្តីសុខ និងសុវត្តិភាព ដែលជាការតបស្នងសងគុណ ម្ចាស់សំលេងឆ្នោតអណត្តិទី៦នេះ តាមការ ផ្តាំផ្ញើរពំសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។ជាក់ស្តែងនៅ រសៀលថ្ងៃទី ៣១ ខែមករា ឆ្នាំ២០១៩ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការតំបន់ប្រតិបត្តិការសឹករងកំរងកំពង់ធំ បានដឹកនាំសហការីរួមជាមួយអាជ្ញាធរដែនដី ចុះទៅតាមមូលដ្ឋាន របស់អតីតយុទ្ធពិការ ឈ្មោះ ស៊ន វិន អាយុ៥៥ ឆ្នំា មានឋានៈ ពលបាលទោ អតីតអង្គភាពយោធាស្រុកបារាយណ៍ បានត្រូវរបួសនិងពិការជើងដោយសារសង្គ្រាមនៅឆ្នាំ១៩៨៩មានភរិយាឈ្មោះ ហ៊ាម រាម អាយុ ៤៨ ឆ្នំា មានកូនចំនួន ០៤ នាក់ រស់នៅភូមិប្រនាគ ឃុំចើងដើង ស្រុកបារាយណ៍ ខេត្តកំពង់ធំ។ឧត្តមសេនីយ៍ទោ សោម ស៊ុន បានបញ្ជាក់ថា ក្រោយពីបានមើលឃើញ ទិដ្ឋភាពរស់នៅ ដែលមានជម្រក មិនសមរម្យ របស់លោក ស៊ន វិន និងបានផ្តល់ដំណឹងជូនដល់ឯកឧត្តម ទេសរដ្ឋមន្រ្តី គន់ គីម ក៏បានបញ្ជាជាបន្ទាន់ឲ្យសមាគមអតីតយុទ្ធជនខេត្តកំពង់ធំ ដឹកជញ្ជូនឈើ គ្រឿងផ្ទះ ដែលជាអំណោយដ៏ថ្លៃថ្លារបស់សម្ដេចតេជោហ៊ុន សែន យកទៅសាងសង់ផ្ទះថ្មីជូនក្រុមគ្រួសារលោកពលបាលទោ ស៊ន វិន នៅព្រឹកថ្ងៃទី០១ ខែកុម្ភៈ ឆ្នាំ២០១៩ស្អែកនេះតែម្តង ។ឯកឧត្តម សោម ស៊ុន និង ក្រុមការងារ បានផ្តល់អំណោយសម្ដេចអគ្គមហាសេនាបតីតេជោ ហ៊ុន សែន តាមរយៈ ឯកឧត្តម ឧត្ដមសេនីយ៍ឯក បណ្ឌិត ហ៊ុន ម៉ាណែត អគ្គលេខាធិការរងសមាគមអតីតយុទ្ធជនកម្ពុជា មានអង្ករចំនួន ៥០ គីឡូក្រាម , មីយើងចំនួន ០២ កេស , ទឹកត្រីទឹកស៊ីអ៊ីវចំនួន ០២ យួរ , ឈើច្រត់ចំនួន ០១ គូ និងថវិកាចំនួន ១០០,០០០ រៀល លោក ស៊ន វិន និងក្រុមគ្រួសារ បានគោរពថ្លែងអំណរគុណចំពោះសម្តេចអគ្គមហាសេនាបតីតេជោ ហ៊ុន សែន ដែលបានគិតគូរគ្រួសាររបស់គាត់ខណៈពេលដែលកំពុងមាន ជីវភាពខ្វះខាត នឹងសូមប្តេជ្ញាស្មោះត្រង់គាំជាមួយនិង សម្តេចជារៀងរហូត ។ ដោយ ប៊ុន រដ្ឋា