កំពង់ចាម៖ កម្លាំងខណ្ឌរដ្ឋបាលជលផល កំពង់ចាម ដឹកនាំដោយលោក គង់ ពុទ្ធារិទ្ធ នាយខណ្ឌរដ្ឋបាលជលផល ខេត្តកំពង់ចាម សហការជាមួយនឹងកម្លាំងអាជ្ញាធរ ស្រុកកងមាស បានចុះបង្ក្រាប់បទល្មើសនេសាទ តាមដងទន្លេមេគង្គ ក្នុងភូមិសាស្ត្រស្រុកខាងលើ ដោយបង្ក្រាប់បាន
ដាយមួយមាត់ ដែលមានទំហំ៨ម៉ែត្រ ធ្វើពីសាច់អួន និងចាក់លែងកូនត្រីចំនួន ១០kg ។
លោក គង់ ពុទ្ធារិទ្ធ នាយខណ្ឌរដ្ឋបាលជលផល បានឲ្យដឹងថា ចាប់តាំងដើមខែមិថុនាមក ដែលជារដូវបិទនេសាទនេះ កម្លាំងរបស់លោក បានចុះបង្ក្រាប់បានចំនួន ៨ករណី ស្មើ៨មាត់ លូស្បៃម៉ុង២ករណី ស្មើ២៥លូ របាំង ១២០០ម៉ែត្រ បង្កោលឬស្សី២៥០ដើម និងបានបញ្ជូនជនល្មើសចំនួន១១នាក់ ទៅតុលាកា និងបានពិន័យ៤ករណី ស្មើនឹងប្រាក់ ចំនួន ២.៨០០.០០០ រៀល ផងដែរ ។
លោកបានបន្តទៀតថា ប្រសិនបើបងប្អូន ដែលជាប្រជានេសាទ បានជួបប្រទេះ ឃើញមានបទល្មើសនេសាទដូចខាងលើ សូមបងប្អូនរាយការណ៍មកខណ្ឌរដ្ឋបាលជលផលជាបន្ទាន់ នោះកម្លាំងខណ្ឌរដ្ឋបាលជនផល និងមានវិធានការចុះបង្ក្រាប់ភា្លម ទោះបីជាមានការលំបាកយ៉ាងណាក៏ដោយ ៕
