ប្រធានាធិបតីប្រេស៊ីល លោកស្រី ឌីលម៉ា រ៉ូសេស កាលពីថ្ងៃអង្គារ បានប្រារព្ធពិធីជោគជ័យ នៃការខួងយក ប្រេងក្រោមជម្រៅសមុទ្រដ៏ជ្រៅរបស់ប្រទេស ដែលជាធនធានក៏មានតម្លៃ បម្រើឲ្យទ្វីបអង់តាកទិចខាងត្បូង។ ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃពុធ ទី០២
ខែកក្កដា ឆ្នាំ២០១៤ថា លោកស្រី រ៉ូសេស បានធ្វើជា អធិបតីភាពសម្រាប់ដំណើរការ ខួងយកប្រេងដោយក្រុមហ៊ុនប្រេង របស់រដ្ឋឈ្មោះ Petrobras ដែលនឹងអាច ផលិតខួងយកប្រេង បានចំនួន ៥០០.០០០ បារែល (ធុង) ក្នុងមួយថ្ងៃ។ ក្រុមហ៊ុន Petrobras ជាអ្នកដែលត្រួសត្រាយផ្លូវ សម្រាប់ដំណើរការខួងយកប្រេង ក្នុងជម្រៅទឹកសមុទ្រដ៏ជ្រៅ ខាងក្រោមស្រទាប់នៃអំបិល ជាមួយគ្នានោះដែរ ប្រទេស ប្រេស៊ីល ក៏ជាប្រទេសដែលមានធនធានប្រេង ដ៏មាន តម្លៃនេះយ៉ាងច្រើនផងដែរ។
ប្រធានាធិបតីប្រេស៊ីល លោកស្រី Rousseff បាននិយាយថា សមិទ្ធិផលរបស់ក្រុមហ៊ុន ជាការបញ្ជាក់អំពីធនធាន ជាក់ស្តែង និងជាផលប្រយោជន៍សម្រាប់ប្រជាជនប្រេស៊ីល។ លោកស្រីក៏បានចេញមុខការពារ ចំពោះការចោទ ប្រកាន់ក្រុមហ៊ុន Petrosbras ថា មានភាពមិនប្រក្រតី នៅក្នុងកិច្ចព្រមព្រៀងទិញប្រេង នៅទីក្រុង Pasadena និងទីក្រុង Texas ខណៈលោកស្រី ធ្វើជាប្រធានក្រុមប្រឹក្សាភិបាល នៃក្រុមហ៊ុននេះ៕
