ការប្រយុទ្ធគ្នាបន្តកើតឡើងរាលដាលពីតំបន់ចេរ៉ូសាឡឹម ដល់ទីក្រុងអារ៉ាប់ ក្នុងទឹកដីអ៊ីស្រាអែល បន្ទាប់ពីយុវជនប៉ាឡេស្ទីនម្នាក់ត្រូវចាប់ពង្រាត់ និងដុតសម្លាប់ទាំងរស់ ហើយយកទៅបោះចោលនៅកណ្តាលព្រៃ។ រ៉ុក្កែតជាច្រើនគ្រាប់បន្តបាញ់ប្រហារចូលទៅក្នុងទឹកដីអ៊ីស្រាអែ ល ពីតំបន់
ហ្គាហ្សា ធ្វើឲ្យស្ថានភាពកាន់តែតានតឹងថែមទៀតជាមួយចលនាហាម៉ាស់អិស្លាម ជ្រុលនិយម ដែលគ្រប់គ្រងសហគមន៍ប៉ាឡេស្ទិន។ យុវជន Mohammed Abu Khder អាយុ១៦ឆ្នាំ ត្រូវចាប់ពង្រាត់ពីតំបន់ Shuafat ភាគខាងកើតចេរ៉ូសាឡឹម កាលពីដើមខែកក្កដា ហើយប៉ុន្មានម៉ោងក្រោយមក រាងកាយឆេះខ្លោចយុវជនរូបនេះត្រូវប្រទះឃើញនៅក្នុងព្រៃភាគខាងលិច ចេរ៉ូសាឡឹម។ ប៉ាឡេស្ទីននិយាយថា ក្រុមឧទ្ទាមផ្តាច់ខ្លួន Jewish ជាអ្នកស្លាប់យុវជនរូបនេះដោយសងសឹកការចាប់ជំរិត និងសម្លាប់យុវជនអ៊ីស្រាអែល៣នាក់កាលពីខែមុននៅតំបន់វេសប៊ែង។ ការដុតខ្លួនយុវជនខាងលើនេះនាំឲ្យរាលដាលការខឹងសម្បានៅទីក្រុងអា រ៉ាប និងនៅភាគកណ្តាល និងភាគខាងជើងអ៊ីស្រាអែល ដែលនៅទីនោះផ្លូវត្រូវបិទមិនឲ្យធ្វើចរាចរ ហើយបាតុកររាប់សិបនាក់ត្រូវបានចាប់ខ្លួនផងដែរ ៕
