ភ្នំពេញ៖ គ្រោះថ្នាក់ចរាចរមួយបានកើតឡើងដោយរថយន្តតាក់ស៊ីម៉ែត មហាកំផែងបើកថយក្រោយមិនមានភ្លើង សញ្ញាបង្ហាញប្រាប់ខណៈនោះក៏មានបុរស២នាក់ជិះម៉ូតូមួយគ្រឿងម៉ាកស៊ុយស៊ូគីលេតបុកពីក្រោយរួចរថយន្តកិនពីលើបុរសម្នាក់ជាអ្នកបើកបររងរបួសធ្ងន់ចំណែកបុរសម្នាក់រងរបួសស្រាល។ហេតុការនេះបានកើតឡើងកាលពីវេលាម៉ោង២និង១០នាទីរំលងអាធ្រាត្រឈានចូលថ្ងៃទី១៩ខែកុម្ភៈឆ្នាំ២០១៤ត្រង់ចំណុចមុខស្ថានីយប្រេងឥន្ទនៈ កាល់តិច តាមបណ្ដោយផ្លូវព្រះមុនីវង្សស្ថិតក្នុងសង្កាត់ស្រះចក ខណ្ឌដូនពេញ។ ប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុគេឃើញរថយន្តតាក់ស៊ីម៉ែត មហាកំផែង ពាក់ស្លាកលេខ ភ្នំពេញ 2Y-7033 ធ្វើដំណើរតាមបណ្ដាយផ្លូវព្រះមុនីវង្សបើកបរ
ដោយបុរសម្នាក់និងភ្ញៀវជាបុរសជនជាតិចិនម្នាក់ ពីទិសដៅត្បូងទៅជើង រួចក៏បានជិះហួសគោលដៅស្ថានីយប្រេងឥន្ធនៈរបស់ភ្ញៀវហើយរថយន្តក៏បានឈប់ទំលាក់ភ្ញៀវជនជាតិចិនចុះរួច រថយន្តក៏បានថយក្រោយដើម្បីមកទទួលភ្ញៀវវិញដោយមិនមានភ្លើងសញ្ញាបង្ហាញប្រាប់ខណៈនោះក៏មានបុរស២នាក់ជិះម៉ូតូម៉ាកស៊ុយស៊ូគីលេត ពណ៌ខៀវលាយខ្មៅ ពាក់ស្លាកលេខភ្នំពេញ 1BW-7774 ជិះក្នុងទិសដៅពីត្បូងទៅ
ជើង ទៅបុកពីក្រោយរថយន្តពេញហឹងរួចម៉ូតូនិងបុរសជាអ្នកបើកម៉ូតូបានចូលក្រោមរថយន្តរងរបួសធ្ងន់និងម្នាក់ទៀត រងរបួសស្រាលត្រូវបានបញ្ចូនទៅសង្គ្រោះនៅមន្ទីរពេទ្យកាល់ម៉ែត្រភ្លាមៗខណៈពេលនោះដែលបើកតាក់ស៊ីខាងលើ បានចុះពីលើរថយន្តរួចបានចូលក្នុងរថយន្តវិញបើកភ្លើងបង្ហាញប្រាប់ថារថយន្តថយក្រោយរួចបុរសរងរបួសស្រាល ខាងលើក៏បានទៅឃាត់រុញគ្នាទៅវិញទៅមកស្រាប់តែពេលនោះពួកក្រុម
រថយន្តតាក់ស៊ីមហាកំផែងបានជិះរថយន្ត៥គ្រឿងនាំគ្នាចុះពីលើរថយន្តដៃប្រដាប់ដោយកូនសោ និងបំពង់ទីបរួចទៅវាយបុរសដែលរងរបួសស្រាល ខាងលើ ហើយស្រែកថាជាចោរវាយបែកក្បាលរួចបុរសរងគ្រោះបានព្យាយាមរត់គេចទាន់ពេល ទើបមិនរងរបួសធ្ងន់ធ្ងរ ចំណែកជនបង្កទាំងនោះបានរត់គេចខ្លួនបាត់ស្រមោលទុករថយន្ត៥គ្រឿងនៅកន្លែងកើតហេតុ។ជនរងគ្រោះរងរបួស ធ្ងន់ខាងលើមានឈ្មោះ ព្រំ ស៊ី
ដែន អាយុ២៣ឆ្នាំជាសិស្សម្នាក់ទៀតរងរបួសស្រាលឈ្មោះ កោត អាយុ២០មានមុខរបរ បញ្ចូលចម្រៀងទូរស័ព្ទស្នាក់សង្កាត់ទួលសង្កែ ខណ្ឌឫស្សីកែវជាមួយគ្នា ។ក្រោយពេលកើតហេតុ រថយន្ដម៉ូតូខាងលើ ត្រូវបានប៉ូលីសចរាចរធ្វើការវាស់វែងយកទៅរក្សាទុកនៅការិយាល័យចរាចរជើងគោកនៃស្នង់ការដ្ឋានរាជធានីភ្នំពេញ រង់ចាំដោះស្រាយទៅតាមផ្លូវច្បាប់។ 
