ជប៉ុនកំពុងប្រឈមនឹងខ្យល់ព្យុះដែល មានឈ្មោះថា Neoguri វាយប្រហារទៅ លើទឹកដីជប៉ុន ដែលមានល្បឿនខ្យល់ រហូតដល់២៧០គីឡូម៉ែត្រក្នុងមួយ ម៉ោង។ នេះជាខ្យល់ព្យុះដែលមានទ្រង់ ទ្រាយធំបំផុតមិនធ្លាប់មានក្នុងរយៈពេល ១៥ឆ្នាំកន្លងមក ។ ក្រសួងព្យាករណ៍អាកាសធាតុជប៉ុន បានប្រកាសថា រដ្ឋាភិបាលបានប្រកាស អាសន្នដល់ប្រជាជនឱ្យត្រៀមលក្ខណៈ ទប់ទល់នឹងខ្យល់ព្យុះ Neoguri ហើយ ខ្យល់ព្យុះនេះនឹងគំរាមកំហែងដល់អាយុ ជីវិតពលរដ្ឋ ក៏ដូចជាបង្កការខូចខាត ទ្រព្យសម្បត្ដិយ៉ាងដំណំ ។ អ្នកឯកទេសអាកាសធាតុជប៉ុនបាន ប្រកាសថា ព្យុះ Neoguri មានកម្លាំង ខ្លាំងហើយក្លាយជាខ្យល់ព្យុះទ្រង់ទ្រាយធំ បំផុតមិនធ្លាប់មានជាងមួយទសវត្សរ៍ កន្លងមក ។
ក្រសួងព្យាករណ៍អាកាស ធាតុជប៉ុនបានអំពាវនាវដល់បណ្ដាពល រដ្ឋនៅភាគខាងត្បូង ខេត្ដអូគីណាវ៉ា ត្រៀមលក្ខណៈ និងភៀសខ្លួនទៅកាន់ តំបន់សុវត្ថិភាពសម្រាប់ពលរដ្ឋដែល នៅតាមតំបន់សមុទ្រ ។ តាមការព្យាករណ៍ ខ្យល់ព្យុះនេះនឹង បក់ចូលអូគីណាវ៉ានៅព្រឹកថ្ងៃទី៨ ខែ កក្កដា និងបក់បោកចូលកោះសំខាន់ បំផុតរបស់ជប៉ុននៅថ្ងៃទី៩ ខែកក្កដា ។
មន្ដ្រីគ្រប់គ្រងគ្រោះមហន្ដរាយជប៉ុន បានបញ្ជាក់ថា នៅពេលដែលព្យុះ Neoguri បក់បោកចូលកោះអូគីណាវ៉ា ពិសេសគឺកោះមីយ៉ាកូជីម៉ា ដែលជា ចំណុចកណ្ដាលនៃកោះអូគីណាវ៉ាអាច បង្កឱ្យមានរលកសមុទ្រធំៗកម្ពស់ដល់ ទៅ១៤ម៉ែត្រ ។ ផលប៉ះពាល់នៃខ្យល់ព្យុះ នោះគ្របដណ្ដប់នៅលើផ្ទៃដី មានទំហំ ដល់ទៅ៥០០គីឡូម៉ែត្រ អាចបង្កឱ្យមាន គ្រោះទឹកជំនន់ បាក់ដីកើតឡើងនៅតាម តំបន់ភ្នំទៀតផង ។ កាលពីថ្ងៃទី៧ ខែកក្កដា តំបន់គីយូស៊ូ ស្ថិតនៅភាគខាងលិចជប៉ុនក៏មានភ្លៀង ធ្លាក់យ៉ាងខ្លាំងបង្កឱ្យមានការបាក់ដីផង ដែរ ។ បណ្ដាញទូរទស្សន៍ NHK បាន ផ្សព្វផ្សាយថា មានពលរដ្ឋ៨៧ពាន់នាក់ បានភៀសខ្លួនទៅកាន់តំបន់សុវត្ថិភាព ។
រដ្ឋមន្ដ្រីទទួលបន្ទុកគ្រប់គ្រង ទប់ ស្កាត់គ្រោះមហន្ដរាយធម្មជាតិ លោក កេជី ហ្វូរ៉ូយ៉ា បានប្រកាសថា “ខ្ញុំសូម អំពាវនាវដល់បណ្ដាមេដឹកនាំខេត្ដ ក្រុង មិនត្រូវស្ទាក់ស្ទើរក្នុងការជម្លៀសពល រដ្ឋដែលនៅតំបន់ខ្យល់ព្យុះធ្វើដំណើរ ។ លោកក៏ប្រកាសដល់ប្រជានេសាទជប៉ុន បញ្ជូននាវាចូលចតនៅតំបន់សុវត្ថិ ភាព។ ក្រៅពីនេះ មន្ដ្រីគ្រប់គ្រងទប់ ស្កាត់គ្រោះអាសន្ននៅតាមរោងចក្រ អគ្គិសនីបរមាណូក៏មានវិធានការទប់ ស្កាត់ហេតុការណ៍អាក្រក់ដែលអាចកើត ឡើងជាយថាហេតុ ។
ខេត្ដអូគីណាវ៉ាជាទីតាំងឈរជើង របស់កម្លាំងទាហានជើងទឹកអាមេរិក ស្ថិតនៅក្នុងស្រុកកេឌីណា ដោយមាន ទាហានអាមេរិកប្រមាណ២៦ពាន់នាក់ នៅទីនោះ ។ តាំងពីថ្ងៃទី៦ ខែកក្កដា នៅ ទីតាំងយោធាដ៏ធំបំផុតរបស់អាមេរិក នៅអាស៊ីប៉ាស៊ីហ្វិកក៏បានចាប់ផ្ដើម ជម្លៀសយន្ដហោះចម្បាំងអាមេរិកទៅ កាន់តំបន់សុវត្ថិភាព ខ្លាចខូចខាតដោយ សារខ្យល់ព្យុះ ។ ក្នុងពេលជាមួយគ្នានេះ នៅប្រទេស ហ្វីលីពីន ព្យុះNeoguri ដែលពលរដ្ឋ ហ្វីលីពីនហៅថាព្យុះ Florita បង្កឱ្យមាន ភ្លៀងធ្លាក់នៅភាគខាងលិចតំបន់នេះ ប៉ុន្ដែមិនបក់បោកចូលមកដីគោកក្នុង ប្រទេសហ្វីលីពីននោះឡើយ