សៀមរាប ៖ នៅព្រឹកថ្ងៃ អាទិត្យ ទី ១៣ ខែ កក្តដា ឆ្នាំ២០១៤នេះ លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបព្រមទាំងកងកម្លាំងទាំងអស់ចំណុះស្នងការដ្ឋាននគរបាលខេត្តសៀមរាបបាន អញ្ជើញគោរពវិញ្ញាណក្ខ័ន្តនិងបំពាក់បច្ជាមរណះថ្នាក់វរសេនីយ៍ឯក
ជូនសពលោក ឆឺយ សុផុន ជានាយការិយាល័យការពារអន្តរាគមន៍នៃស្នងការដ្ឋាននគរបាលខេត្តសៀមរាប ។ ដែលលោកបានទទួលមរណះភាពកាលពីយប់ថ្ងៃទី០៩ ខែកក្តដា កន្លងទៅ ក្នុងជន្មាយុ ៥៣ ឆ្នាំ ដោយរោគាពាធ៍ដោយពិធីនេះត្រូវបានធ្វើឡើងនៅគេហដ្ឋាននៃសពស្ថិតនៅក្នុង ភូមិគ្រួស សង្កាត់ស្វាយដង្គំ ក្រុងសៀមរាប ។ 
ដោយនៅក្នុងពិធីដ៏ក្រៀមក្រំនេះក្នុងនាមជាកងកម្លាំងនគរបាលជាតិទាំងអស់ក៏ដូចជាបន្ទាប់ពីគ្រប់ផែនបានដាក់នូវកម្រងផ្កា និង ការបូជាទៀន ធូក ដើម្បីឧទ្ទិសជូនដល់ដួងវិញ្ញាណក្ខ័ន្ត នៃសពលោកវរសេនីយ៍ឯក ឆឺយ សុផុន នាយការិយាល័យការពារអន្តរាគមន៍នៃស្នងការដ្ឋាននគរបាលខេត្តសៀមរាបនិង ធ្វើការស្មឹងស្មាត គោរពវិញ្ញាណក្ខ័ន្តនៃសព ក្នុងការរំលឹងនូវគុណបំណាច់របស់លោក ដែលបានតស៊ូពុះពារក្នុងការបំរើជាតិមាតុភូមិ នៃទឹកដីសុវណ្ណភូមិកម្ពុជាយើង ឲ្យបានទៅកាន់ទីសោយសុខក្នុងសុគតិភពថ្មី ព្រមទាំងសូមបែរក្រោយឲ្យពរជ័យដល់ថ្នាក់ដឹកនាំជាតិ បងប្អូនរួមអាវុធ និង ក្រុមគ្រួសារ សូមឲ្យជួបតែសេចក្តីសុខ នឹង ដឹកនាំប្រទេសឲ្យមានកិច្ចអភិវឌ្ឍន៍រីកចម្រើនរួចមក ។
ក្នុងការចូលរួមរំលែកទុក្ខជាមួយក្រុមគ្រួសារសពនាឱកាសនោះ លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបព្រមទាំងកងកម្លាំងទាំងអស់ចំណុះស្នងការដ្ឋាននគរបាលខេត្តសៀមរាប បានសម្តែងនូវការសោកស្តាយយ៉ាងខ្លាំង ចំពោះការបាត់បង់នូវកុលបុត្រខ្មែរដ៏ឆ្នើម ក្នុងការបំរើជាតិមាតុភូមិ ទាំងវិស័យកងកម្លាំង និង ព្រះពុទ្ធសាសនា ។ ម្យ៉ាងទៀតចំពោះគំរូនៃវីរៈភាព និង រាល់ស្នាដៃនៃសមិទ្ធផលដ៏ធំធេងដែល លោកបានបន្សល់ទុកនៅ ក៏បានធ្វើឲ្យបងប្អូនរួមអាវុធ ថ្នាក់ដឹកនាំគ្រប់ជាន់ថ្នាក់ មន្ត្រីរាជការ ប្រជាពលរដ្ឋ ចងចាំជានិច្ច នូវគំរូវីរៈដ៏ឆ្នើមរបស់លោក ដែលធ្វើឲ្យកូនចៅជំនាន់ក្រោយ សិក្សារៀនសូត្រពីវីរៈភាពទាំងនេះផងដែរ ៕ 
នៅក្នុងពិធីនោះលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបបាននាំយកនូវថវិកាសមាគមន៍មិត្តនគរបាលជាតិចំនួន ៤ លានរៀល និងក្នុងនាមស្នងការដ្ឋាននគរបាលខេត្តសៀមរាបចំនួន ១លានរៀលសរុប ៥លានរៀលប្រគល់ជូនដល់ក្រុមគ្រួសារសពលោកវរសេនីយ៍ឯក ឆឺយ សុផុន ដើម្បីទុកសម្រាប់យកទៅប្រើប្រាស់តាមតំរូវការក្នុងពិធីបុណ្យនេះផងដែរ ៕ 
ពាក្យចាស់លោកថា អាយុសង្ខាមិនទៀង ប្រៀបបានទៅនឹងភ្លើងទាន តែងតែវីវក់ បកបោកប្រឈមនិងបញ្ហាផ្សេងៗ បណ្តាលឲ្យសង្ខារង្គោះរង្គឺស្ទឺតែរលត់ម្តងៗ ដូច្នេះក្នុងឳកាសដែលខ្លួនប្រាណមិនដល់ពេលគេយកទៅ វិញសូមឲ្យកសាងកេរ្តិ៍ឈ្មោះបោះសំលេង ជូនពូជពង់វង្សត្រកូល និងបំរើសង្គមជាតិឲ្យបានច្រើន ទោះជាសង្ខា រលត់ក៏សំលេងនៅរស់ជានិច្ច និងជាមោទនភាពដល់កូនចៅផងដែរ។ ដោយ ខេង ខេមរា
